ဘုရားသခင်သည် မည်သူနည်း

အချို့လူများက ဘုရားသခင်ကို မသိနိုင်ဟု ဆိုကြပေလိမ့်မည်။ သို့သော် ၎င်းသည် မမှန်ပါ။ ဘုရားကို မည်သည့်အရာနှင့်မျှ နှိုင်းယှဉ်၍မရနိုင်ပါ ကမ္ဘာပေါ်ရှိ မည်သည့်လူသားမျှ ဘုရား၏ ပုံရိပ်ကို ပြည့်စုံစွာ မဖော်ပြနိုင်ပါ။ သို့သော် ၎င်းသည် ကျွန်ုပ်တို့ ဘုရားကိုသိရန် မကြိုးစားသင့်ဟု ဆိုလိုခြင်းမဟုတ်ပါ။ သတင်းကောင်းမှာ ဘုရားသခင်က သင်နှင့်ရင်းနီးကျွမ်းဝင်လိုပါသည်။

ထို့ကြောင့် ဘုရားသခင်ကမည်သူနည်း ဆိုတာကို သိရှိရန်မလွယ်ကူသော်လည်း၊ ဘုရားသခင်၏ အကြောင်များကို ကျွန်ုပ်တို့သိနိုင်သောအရာများ မရှိဟု ဆိုလိုခြင်းမဟုတ်ပါ။ သင်ဘုရားသခင်ကို သိနိုင်ရန်အတွက် ဘုရားသခင်သည် တစ်စုံတစ်ခုသောအရာကို အလွန်အမင်း အစွန်းရောက်သွားသည် အတိုင်းအတာတစ်ခုအထိ ပြုလုပ်ခဲ့သည်၊ ထိုအကြောင်းကို ကျွန်ုပ်တို့ နောက်မှလေ့လာကြပါမည်။

သင်သည် စိန် သို့မဟုတ် မျက်နှာပြင် ၃ ဖက်တြိဂံ တစ်ခုကို အနီးကပ် မြင်ဖူးပါသလား။ ဤလှပသောကျောက်မျက်ရတနာများကဲ့သို့ပင် ဘုရားသခင်သည် မတူညီသော ရှုထောင့်များစွာဖြင့် တည်ရှိတော်မူသည်။ ပုံရိပ်တစ်ခုတည်းဖြင့် ကိုယ်တော်ကို အပြည့်အဝဖော်ပြ၍မရနိုင် သကဲ့သို့ သင်၏ကိုယ်ပိုင်အမြင်နှင့် ဘဝအတွေ့အကြုံကလည်း သင်ကိုယ်တော်ကို မည်သို့မြင်သည်ကို သက်ရောက်မှုရှိစေမည်ဖြစ်သည်။ သို့သော် ဘုရားသခင်သည် ကျွန်ုပ်တို့နှင့်ရင်းနီးကျွမ်း၀င်လိုတော်မူသောကြောင့်၊ ကိုယ်တော်သည် မည်သို့သောပုဂ္ဂိုလ်ဖြစ်သည်ကို ကျွန်ုပ်တို့အား ပိုမိုရှင်းလင်းစွာ နားလည်နိုင်စေရန် ကူညီထောင်ပံ့ပေးသည့် မတူညီသောပုံရိပ်များ သို့မဟုတ် နည်းလမ်းများစွာကို ပေးထားပါသည်။

၎င်းသည် ဘုရားသခင်နှင့်ပတ်သက်၍ စိတ်ဝင်စားဖွယ်ကောင်းသောအရာဖြစ်ပါသည်။ ဘုရားတွင် မတူညီသောရှုထောင့်များစွာရှိသည့်အတွက်  ကိုယ်တော်မည်သူဖြစ်သည်ကို တစ်သက်လုံး စူးစမ်းလေ့လာနိုင်ပြီး ဘယ်တော့မှ ငြီးငွေ့သွားမည်မဟုတ်ပါ။ ဤအကြောင်းရာများကို ကြည့်ရှုရန် ကျွန်ုပ်တို့သည် သမ္မာကျမ်းစာနှင့် ဇာတ်လမ်းများ ကို အသုံးပြုကာ ခရစ်ယာန်ရှု့ထောင့်မှ မျှဝေထားပါသည်။

ဘုရားသခင်သည် ကမ္ဘာမြေကို မဖန်ဆင်းမီကတည်းကပင် အစဉ်အမြဲတည်ရှိတော်မူပါသည်။ ခရစ်ယာန်များက ဘုရားသခင်သည် စကြဝဠာနှင့် ကမ္ဘာလောကကို ဖန်ဆင်းခဲ့သည်ဟု ယုံကြည်ကြသည်။ ကိုယ်တော်သည် ကြီးမြတ်သောဖန်ဆင်းရှင်၊ ဉာဏ်ပညာရှိသော လက်မှုပညာရှင်၊ ကောင်းကင်နှင့်မြေကြီးကို ကျွမ်းကျင်စွာ တည်ဆောက်ခဲ့သော လောကီသဘာဝလွန် ဗိသုကာပညာရှင်တစ်ဦးဖြစ်သည်ဟု ယုံကြည်ကြသည်။

အဲလ်ဘတ် အိုင်းစတိုင်းသည် တစ်ချိန်က ဤသို့ဆိုခဲ့သည်၊

“ဤစကြဝဠာကြီး၏ သန်းပေါင်းများစွာသော စနစ်ကျမှုနှင့် တိကျမှုတို့သည် မတော်တဆ တိုက်ဆိုင်၍ ဖြစ်ပေါ်လာခြင်း၏ ရလဒ်ဖြစ်ပါက၊ ၎င်းသည် ပုံနှိပ်စက်တစ်ခု ပေါက်ကွဲပြီး ပုံနှိပ်စာလုံးအားလုံးသည် ပြီးပြည့်စုံသော အဘိဓာန်တစ်အုပ် အဖြစ်ကြမ်းပြင်ပေါ်သို့ ပြန်ကျလာခြင်းကဲ့သို့ပင် ဖြစ်ပေလိမ့်မည်။”

သိပ္ပံပညာရှင်များစွာအတွက် ဆင့်ကဲဖြစ်စဉ် သီအိုရီသည် ခိုင်လုံသော အဆုံးသတ်တစ်ခုမဟုတ်ပါ။ “သိပ္ပံနည်းကျအမှန်တရား” ဟု ကြာမြင့်စွာ ကြွေးကြော်ခဲ့သောအရာသည် အမှန်တကယ်တွင် ယဉ်ကျေးမှုအရ လက်ခံထားသော သီအိုရီတစ်ခုသာဖြစ်သည်။

နောက်ဆုံးတွင်၊ ဘာမှမရှိခြင်းမှ တစ်စုံတစ်ခုဖြစ်ပေါ်လာခြင်းသည် မည်သို့ဖြစ်နိုင်မည် နည်း။ ကျွန်ုပ်တို့၏ DNA ကော အဘယ်သို့နည်း။ ကမ္ဘာလောကသည် ဆွဲငင်အားနှင့် ကမ္ဘာ၏အတွင်းပိုင်းပိုင်းရှိ အမြူတေ စသည့် သဘာဝတရား၏ အစဉ်အမြဲတည်မြဲသော တန်ဖိုးများကြောင့် မျှတစွာ တည်မြဲနေခြင်းဖြစ်သည်။ အသေးငယ်ဆုံးသော ပြောင်းလဲမှုတစ်ခုဖြစ်လျှင်ပင် ကမ္ဘာပေါ်တွင် သက်ရှိများ အသက်ရှင်သန်နိုင်မည်မဟုတ်ပါ။ ကမ္ဘာလောကကြီးသာမက လူ့ခန္ဓာကိုယ်မှာ အလွန်ရှုပ်ထွေးစွာဖွဲစည်းထားသည်ကိုတွေ့ရပါသည်။ ထိုအရာ အားလုံးသည် မတော်တဆမှုတစ်ခုဖြစ်သည်ဟု သင်ယုံကြည်ပါသလား။

ကောင်းကင်နှင့်မြေကြီးကို ဖန်ဆင်းရှင်၊ ဤစကားသည် ကျွန်ုပ်တို့အတွက် အလွန်အလှမ်းဝေးကွာသည်ဟု ထင်ရေစေသည်။ တစ်ခါတစ်ရန် လူများသည် ကောင်းကင်ဘုံရှိ ပလ္လင်တော်ပေါ်တွင် ထိုင်တော်မူပြီး သူ၏လှပသောဖန်ဆင်းခြင်းအလယ်တွင် ကျွန်ုပ်တို့အားလုံး ပြသနာပေါင်းစုံ လုပ်နေသည်ကို ဒေါသတကြီး ကြည့်နေတတ်သော ဘုရားသခင်ဟု ပုံဖော်တတ်ကြသည်။ သို့သော် သမ္မာကျမ်းစာတွင် ဘုရားသခင်သည် လူတို့၏အနီးအနားတွင် ရှိတော်မူသော အဖြစ်အပျက်များဖြင့် ပြည့်နှက် နေသည်ကိုတွေ့ရပါသည်။ မောရှေ၏အကြောင်းရာတွင်လည်း ဘုရားသခင်သည် လူတို့နှင့် တိုက်ရိုက်စကားပြောတော်မူသည်ကိုတွေ့ရပါသည်။

ယာဝေ (YHWH) ဟုခေါ်သော ကိုယ်တော်၏နာမတော်သည် အလကားသက်သက် မဟုတ်ပါ။ကိုယ်တော် ကိုယ်တိုင်က  အချိန်တိုင်း နေရာတိုင်းတွင် “ငါရှိသည်” ဟု မိန့်တော်မူခဲ့သည်။ ထို့ကြောင့် သမ္မာကျမ်းစာခေတ်တွင်သာမက၊ ယခုအချိန်တွင်ပင် ခရစ်ယာန်များသည် ဘုရားသခင်၏ အတူပါရှိမှုကို အလွန်နီးကပ်စွာ တွေ့ကြုံခံစားရပါသည်။ သူတို့သည် ကိုယ်တော်နှင့်စကားပြောကြပြီး သူတို့၏စိုးရိမ်ပူပန်မှုများသာမကသူတို့၏ဝမ်းမြောက်ခြင်းများကိုလည်းဖော်ပြဆုတောင်းကြပါသည်။ဘုရားသခင်သည်လည်းနားထောင်ရုံသာမက၊အဖြေပြန်ပေးတော်မူပါသည်။

သင်သည် ဘုရားသခင်ကို ဖခင်တစ်ဦးအဖြစ်လည်း ရှုမြင်နိုင်သည်။ သမ္မာကျမ်းစာသည် ကိုယ်တော်ကို ဖခင်တစ်ဦးအဖြစ် ပုံမှန်ရည်ညွှန်းသည်ကို တွေ့ရသည်။ “အဘသည် သားတို့ကို သနားစုံမက်သည်နည်းတူ၊ ထာဝရဘုရားသည် ကြောက်ရွံ့သောသူတို့ကို သနားစုံမက်တော်မူ၏။” ဟုကျမ်းစာထဲတွင်ဖော်ပြထားပါသည် (ဆာလံ ၁၀၃:၁၃ JBMLE)။ ဓမ္မသစ်ကျမ်းသည် ကိုယ်တော်ကို ဖခင်အဖြစ် ရည်ညွှန်းချက်များဖြင့် ပြည့်နှက်နေပါသည်။ အထူးသဖြင့် ယေရှုခရစ်အား သမ္မာကျမ်းစာတွင် ဘုရားသခင်၏သားတော်ဟု ခေါ်သောကြောင့်ဖြစ်ပါသည်။

But what kind of father? For many people, this is a sensitive subject;  precisely because they have not had a loving father in their own lives. If you have had to deal with violence, abuse or absence - this clouds your view of God as a father. Your own experience with fathers, then, also determines your image of God.

သင်သည် ဘုရားသခင်ကို သူ၏ကလေးကို ဂရုစိုက်သော၊ သင်၏စိတ်ထဲတွင် ဘာရှိနေသည် ဘာခံစားနေရသည်ကို သိလိုပြီး သင့်ထံမှ အကောင်းဆုံးကို ဖော်ထုတ်ပေးလိုသော ဖခတစ်ဦးအဖြစ် ရှုမြင်နိုင်ပါသည်။ ကိုယ်တော်သည် သင်နှင့်အတူ အချိန်ဖြုန်းရသည်ကို ပျော်မွေ့တော်မူသည်။ ဘုရားသခင်သည် သင့်အား ဘ၀ သင်ခန်းစားများ တန်ဖိုးများကို သင်ပေးလိုပြီး သင်သည် မိမိခြေထောက်ပေါ်တွင် ခိုင်မြဲစွာရပ်တည်နိုင်ပြီး အခြားသူများကိုလည်း ကူညီရန် အဆင်သင့်ဖြစ်နေစေလိုသည်။ ကမ္ဘာပေါ်ရှိ အခြားသော ဖခင်များကဲ့သို့ပင် သင်စကားနားမထောင်လိုသောအခါ သို့မဟုတ် မိုက်မဲသောအရာများလုပ်လိုသောအခါ ကိုယ်တော်သည်လည်းဒေါသထွက်နိုင်သည်။ အကြောင်းမှာ ကိုယ်တော်သည် သင့်ကို ကာကွယ်လိုသောကြောင့်ဖြစ်သည်။ ကိုယ်တော်သည်လည်း ရိုသေလေးစားမှုဖြင့် ဆက်ဆံခံလိုသည်။ သင်သည် ဘုရားသခင်၏အစိတ်အပိုင်းဖြစ်ပြီး ဘုရားသည်လည်းသင်၏အစိတ်အပိုင်းဖြစ်သည်။ ထိုအရာက ထာဝစဉ်ဆက်စပ်နေပါသည်။ ဤအကြောင်းရာများကို ပြောဆိုဆွေးနွေးလိုပါသလား သို့မဟုတ် သင်၏ဇာတ်လမ်းကို မျှဝေလိုပါသလား။ ကျွန်ုပ်တို့ ဝမ်းမြောက်စွာ နားထောင်ပေးရန် အသင့်ရှိပါသည်။

“ဘုရားသခင်သည် မည်သူနည်း” ဟူသော သင်၏မေးခွန်းအတွက် အတိုဆုံးအဖြေကို ရှာဖွေနေပါသလား။ ထိုအဖြေမှာ ချစ်ခြင်းမေတ္တာဖြစ်သည်။ အကန့်အသတ်မရှိသောမေတ္တာသည် သမ္မာကျမ်းစာတစ်အုပ်လုံး၏ အကျဉ်းချုပ်ဖော်ပြချက်ဖြစ်ပါသည်။

သမ္မာကျမ်းစာတွင် ဂရိစကားလုံး Agape (အဂ္ဂါပေ) ကို အသုံးပြုထားပါသည်။ ၎င်းသည် ကိုယ်အတွက်မကြည့်ပဲ  ပေးဆပ်ခြင်းကိုသာ အဓိကထားသော ချစ်ခြင်းမေတ္တာမျိုးဖြစ်သည်။ ယောဟန်ခရစ်ဝင်ကျမ်းတွင်“ချစ်​သူ​တို့၊ ငါ​တို့​သည် အ​ချင်း​ချင်း​ချစ်​ကြ​ကုန်​အံ့၊ အ​ကြောင်း​မူ​ကား၊ ချစ်​ချင်း​မေ​တ္တာ​သည် ဘု​ရား​သ​ခင်​နှင့် စပ်​ဆိုင်၏။ ဘုရား​သ​ခင်​သည် ငါ​တို့​ကို​ရှေ့​ဦး​စွာ ချစ်​တော်​မူ​သော​ကြောင့်၊ ငါ​တို့​သည် ဘု​ရား​သ​ခင်​ကို​ချစ်​ကြ၏။” ဟု၍ ဤချစ်ခြင်းမေတ္တာကို အသေးစိတ်ဖော်ပြသည်။

အဖတ်အများဆုံး သမ္မာကျမ်းပိုဒ်များထဲမှ တစ်ခုမှာ “ဘု​ရား​သ​ခင်၏​သား​တော်​ကို ယုံ​ကြည်​သော​သူ​အ​ပေါင်း​တို့​သည်၊ ပျက်​စီး​ခြင်း​သို့​မ​ရောက်၊ ထာ​ဝ​ရ​အ​သက်​ကို ရ​စေ​ခြင်း​ငှာ၊ ဘု​ရား​သ​ခင်​သည် မိ​မိ၌ တစ်​ပါး​တည်း​သော သား​တော်​ကို စွန့်​တော်​မူ​သည်​တိုင်​အောင် လော​ကီ​သား​တို့​ကို ချစ်​တော်​မူ၏။” (ယောဟန် ၃:၁၆ JBMLE) ဟူသောကျမ်းပိုဒ်ဖြစ်သည်။ ဤမေတ္တာသည် ကျွန်ုပ်တို့၏အသက်တာကို မတူညီသော ရှုထောင့်အမြင် တစ်ခုပေးနေပါသည်။ အကြောင်းမှာ ကိုယ်တော်၏မေတ္တာသည် ဤကမ္ဘာမြေပေါ်ရှိ ကျွန်ုပ်တို့၏ အသက်ရှင်စဉ် အသက်တာတွင်သာ ကန့်သတ်မထားဘဲ၊ သေပြီးနောက်တမန်လွန်ဘဝတိုင် တည်မြဲတော်မူသည်ကိုတွေ့ရပါသည်။ ဘုရားသခင်သည် ကျွန်ုပ်တို့နှင့် ထာဝစဉ် ချိတ်ဆက်လိုတော်မူသည်ကို တွေ့ရပါသည်။ ဤကျမ်းပိုဒ်သည် သခင်ယေရှု၏အခန်းကဏ္ဍကိုလည်း ပြသနေပါသည်။ အကြောင်းမှာ ကျွန်ုပ်တို့သည် သခင်ယေရှုမပါဘဲ ဘုရားသခင်အကြောင်း မပြောနိုင်သကဲ့သို့၊ ဘုရားသခင်မပါဘဲ သခင်ယေရှုအကြောင်းကိုလည်း မပြောနိုင်ပါ။

အကယ်၍ သင်သည် ဘုရားသခင်ကို အမှန်တကယ် ကောင်းမွန်စွာသိလိုပါက၊ သင်သည် သခင်ယေရှုကို နားလည်ရန်လိုအပ်သည်။ ဓမ္မသစ်ကျမ်းသည် ယေရှု၏အသက်တာ၊ မိန့်တော်မူချက်များနှင့် နိမိတ်လက္ခဏာများကို အသေးစိတ်ဖော်ပြထားပါသည်။ ၎င်းတွင် သင်သည် ဘုရားသခင်၏ လူတို့အပေါ်ထားသော ချစ်ခြင်းမေတ္တာကို မြင်တွေ့နိုင်သည်။ သခင်ယေရှုသည် ထိုအချိန်က ဘာသာရေးအရာရှိများနှင့် မျက်နှာချင်းဆိုင် ရင်ဆိုင်ခဲ့သည်။ ကိုယ်တော်သည် ရိုးသားဖြောင့်မတ်ခြင်း၊ တရားမျှတခြင်းနှင့် အချင်းချင်းဂရုစိုက်ခြင်းတို့ကို အားပေးခဲ့ပြီး သခင်ယေရှုကို ဘုရားသခင်၏သားတော်၊ ကိုယ်တော်နှင့် အရင်းနှီးဆုံးသော ပုဂ္ဂိုလ်အဖြစ် ဖော်ပြထားသည်။ ကိုယ်တော်သည် ယခင်က ဤမျှနီးကပ်စွာ မကြွလာခဲ့ဖူးပါ။ ဘုရားသခင်သည် လူတို့နှင့် မိမိ၏ဆက်ဆံရေးကို ပြန်လည်တည်ဆောက်ရန် အရာအားလုံးကို စွန့်လွှတ်အနစ်နာခံခဲ့သည်။ သခင်ယေရှုအကြောင်း စိတ်ဝင်စားပါသလား။ ကိုယ်တော်၏ဘဝနှင့် သွန်သင်ချက်များအကြောင်း ဤနေရာ. တွင် ဆက်လက်လေ့လာလိုက်ပါ။

ဘုရားသခင်သည် ကျွန်ုပ်တို့ကမ္ဘာ၏ ကြီးမြတ်သောဖန်ဆင်းရှင်ဖြစ်ပြီး လူတို့နှင့်နီးကပ်စွာ ရှိလိုတော်သည်။ သို့သော် လူသားများသည်လည်း ဘုရားနင့်နီးကပ်စွာ  ရှိလိုပါသလား။ အနောက်ဘက်နိုင်ငံမျာဍတွင် ဘုရားသခင်သည် သေပြီ၊ ခေတ်မမီတော့ပါ၊ တကယ်မရှိပဲ လူများ ဘဝတွင် အားကိုးစရာတစ်ခုခုရှိစေရန် ဖန်တီးထားခြင်းသာဖြစ်သည်ဟု တစ်ခါတစ်ရံ သီအိုရီထုတ်တတ်ကြသည်။သို့သော် Pew Research Center ၏ ၂၀၂၃ ခုနှစ် သုတေသနအရ၊ ကမ္ဘာ့လူဦးရေ၏ ၃၀.၇% ကျော်သည် သမ္မာကျမ်းစာလာ ဘုရားသခင်ကို ယုံကြည်ကြသည်ကို တွေ့ရပြီး စုစုပေါင်းအားဖြင့် ကမ္ဘာ့လူဦးရေ၏ ၈၄% သည် ဘုရားသခင် (သို့) ဘုရားများ ပါဝင်သော ဘာသာတရားတစ်ခုကို ကိုးကွယ်ကြပါသည်။

ဘုရားသခင်သည် ဘယ်တော့မှ သင့်အပေါ်တွင်လက်မလျှော့ပါ။ လူတို့သည် ကိုယ်တော်နှင့် ဘာမှမပတ်သက်လိုလျှင်ပင်၊ ဘုရားစကားကို နားမထောင်လျှင်ပင်သို့မဟုတ် ကိုယ်တော်ကို လှောင်ပြောင်လျှင်ပင်၊ ဘုရားသခင်သည် လူတို့နှင့် ကောင်းမွန်သော ဆက်ဆံရေးကို တည်ဆောက်ရန် နည်းလမ်းကို အမြဲရှာဖွေတော်မူသည်။ သမ္မာကျမ်းစာ၌ ပရောဖက်ဟု အမည်ရသောသူတို့၏ ဇာတ်လမ်းများစွာ ကိုသင်ဖတ်ရှုရပါလိမ့်မည်။ သူတို့၏တာဝန်မှာ လူတို့အား ဘုရားသခင်နှင့် ရင်းနှီးစွာ အသက်ရှင်နေထိုင်ရန် တိုက်တွန်းရန်ဖြစ်ပြီး ကိုယ်တော်မရှိသောဘဝသည် မှောင်မိုက်၌ သေဆုံးခြင်းသို့ ဦးတည်ကြောင်း သူတို့က မကြာခဏ သတိပေးကြသည်။ ထိုပရောဖက်များထဲတွင် အထင်ရှားဆုံးတစ်ဦးမှာ ယောန ဖြစ်ပါသည်။

ဤသည်မှာလည်း ခရစ်ယာန်ယုံကြည်ခြင်းတွင် သခင်ယေရှုက အလွန်အရေးကြီးသော အခန်းကဏ္ဍမှ ပါဝင်ရခြင်းအကြောင်းရင်းဖြစ်ပါသည်။ သခင်ယေရှု၏ကြွလာခြင်းသည် ကမ္ဘာကြီးကို ပြောင်းပြန်လှန်ခဲ့သကဲ့သို့ဖြစ်ပြီး ဘုရားသခင်သည် လူတို့၏ အနီးအနားတွင်ရှိကြောင်းနှင့် လူတို့ကို မည်မျှချစ်တော်မူကြောင်း ပြသလိုပါသည်။ “အသေခံတော်မူရာနေ့” (Good Friday) နေ့တွင် သခင်ယေရှု၏အသေခံခြင်းကို ယဇ်ပူဇော်ခြင်းအဖြစ် ရှုမြင်ကြပြီး ထိုယဇ်ပူဇော်မှုသည် ဘုရားသခင်နှင့်လူတို့အား ပြန်လည်သင့်မြတ်စေရန် ချိတ်ဆက်ပေးခြင်းဖြစ်သည်။ သို့သော် ကိုယ်တော်သည် သေခြင်းကိုအစိုးရသောအရှင် ဖြစ်သည့်အတွက် “ရှင်ပြန်ထမြောက်ရာနေ့” Easter ပွဲနေ့တွင် သခင်ယေရှုသည် ရှင်ပြန်ထမြောက်ခဲ့ကာ ထိုအချိန်မှစ၍ သူ၏မိတ်ဆွေများနှင့် မျက်မြင်သက်သေများသည် နှုတ်ဆိတ်မနေနိုင်တော့ဘဲ လူတိုင်းအား “ယေရှုခရစ်တော် ရှင်ပြန်ထမြောက်ကြောင်း၊ အသက်ရှင်ကြောင်:၊ ဘုရားသခင်သည် ချစ်ခြင်းမေတ္တာဖြစ်တော်မူပြီး သူသည် လူတိုကို ချစ်ကြောင်း၊ လူတို့အတွက်အမြဲရှိကြောင်းကို လူအများသိစေရန်အတွက်နှင့် အရာအားလုံးကိုပေးဆပ်ခဲ့ကြောင်း နေရာတိုင်းတွင် လိုက်လံ ဝေငှပြောကြားကြပါသည်။

သို့တိုင် ကိုယ်တော်သည် လူသားတိုးအား လွပ်လပ်စွာ ရွေးချယ်ခွင့်ကို အစဉ်ပေးတော်မူပါသည်။ သင်ကိုယ်တော်ကို လက်ခံလိုသလော၊ သို့မဟုတ် ငြင်းပယ်လိုသလော။ ကိုယ်တော်သည် သင့်အား အတင်းအကျပ် ဖိအားပေးတော်မူမည် မဟုတ်ပါ။ ထိုသို့ပြုရန် ဆန္ဒလည်းမရှိပါ။ အဘယ်ကြောင့်ဆိုသော် မည်သူ့ကိုမျှ မေတ္တာထားရန် အတင်းအကျပ်မပြုနိုင်သောကြောင့်ဖြစ်သည်။ သို့သော် ဘုရားသခင်သည် အလွယ်တကူအရှုံးမပေးပါ၊ ကိုယ်တော်သည် ကမ္ဘာပေါ်ရှိလူသားတိုင်းသည် အချစ်ခံရသောသူဖြစ်ကြောင်း လူတိုင်းကိုသိစေလိုသည်။

ဘုရားသခင်သည် ယနေ့၊ မနေ့၊ နောင်ကာလတိုင်မပြောင်းလဲတော်မူသော ဘုရားသခင်ဖြစ်တော်မူသည်။ သင်သမ္မာကျမ်းစာတွင် ဖတ်ရှုရသော ဘုရားသခင်သည် ယခုတိုင် တူညီတော်မူဆဲဖြစ်ပါသည်။ “ထို​အ​ဘသည် ရွေ့​လျော့​တိမ်း​ယိမ်း​ခြင်း​မ​ရှိ၊ ပြောင်း​လဲ​ခြင်း​အ​ရိပ်​နှင့် ကင်း​လွတ်​တော်​မူ၏။”ဟု (ယာကုပ် ၁:၁၇ LBMLE) တွင်ဖော်ပြထားပါသည်။ သင်သည် အနာရောဂါငြိမ်းခြင်းအကြောင်းကို ဖတ်ရှုရသောအခါ ၎င်းသည် အတိတ်ကအရာ အဖြစ်ပျက်တစ်ခုသက်သက်ဟု ထင်ရနိုင်သော်လည်း၊ ယနေ့ခေတ်တွင် လူများစွာက ဘုရားသခင်သည် သူတို့ကို ကုသပေးခဲ့သည်ဟု ဆိုကြသည်ကို အံ့ဩစွာတွေမြင်ရပါလိမ့်မည်။ သင်သည် ဘုရားသခင်၏ အပြစ်ပေးခြင်းအကြောင်း ဖတ်ရှုသောအခါ၊ ကိုယ်တော်သည် ဤလောကတွင် ဒုစရိုက်အပြစ် မတရားမှုရှိသောအခါ ယနေ့တိုင် ဒေါသအမျက်ထွက်သောသူပင်ဖြစ်ပါသည်။ သင်သည် မေတ္တာရှင်တော်ရှင်အဖတစ်ဦးအကြောင်း ဖတ်ရှုရသောအခါ ကိုယ်တော်သည် ယနေ့တိုင် သင့်ကို ရှာဖွေတော်မူသော ဖခင်တစ်ယောက်ဖြစ်ပါသည်။ သမ္မာကျမ်းစာသည် အတိတ်က ဖုန်တက်နေသော စာအုပ်အဟောင်းတစ်အုပ်ဟု မထင်မှတ်ပါနှင့်။ သမ္မာကျမ်းစာအတွင်းရှိ ဘုရားသခင် အကြောင်း ဇာတ်လမ်းများသည်လည်း ယနေ့ခေတ်တိုင် ကျွန်ုပ်အသက်တာနှင့် အလွန်သက်ဆိုင်လျက်ရှိပါသည်။

သမိုင်းတစ်လျှောက် အစဉ်အမြဲတည်မြဲသောအရာ

ကျွန်ုပ်တို့သည် သမ္မာကျမ်းစာကို မတူညီသော ခေတ်ကာလ၏အငွေ့အသက်၊ မတူညီသောယဉ်ကျေးမှုနှင့် ကျွန်ုပ်တို့၏ကိုယ်ပိုင်အတွေ့အကြုံများဖြင့် ဖတ်ရှုနေသည်ကို သင်သိထားရပါမည်။ တစ်ခါတစ်ရံ ဘုရားသခင်သည် ယခုအခါ မတူညီတော့ဟု ထင်ရသော်လည်း၊ အမှန်တကယ်တွင် အစဉ်အမြဲပြောင်းလဲနေသူမှာ လူသားသာ ဖြစ်ပါသည်။ အစဉ်အမြဲမပြောင်းလဲရှိနေသူတစ်ဦးသည် ငြီးငွေ့ဖွယ် သို့မဟုတ် တင်းကျပ်ဖွယ်ရှိသည်ဟာထင်ရနိုင်သော်လည်း ၎င်းသည် ဘုရားသခင်သည်ကို ယုံကြည်စိတ်ချထိုက်သည့်အကြောင်း ဖြစ်ပါသည်။ ကိုယ်တော်၏ကတိတော်မှာ ကိုယ်တော်သည် ကျွန်ုပ်တို့ကို ဘယ်တော့မှ စွန့်ပစ်မည်မဟုတ်ဟု ဖြစ်သည့်တွက် ကျွန်ုပ်တို့ဘယ်အမှု့ရာကိုပဲလုပ်လုပ် ကိုယ်တော်သည် စိတ်ပြောင်းသွား၍ စွန့်ပြစ်မည်မဟုတ်ပါ။ ကျွန်ုပ်တို့နှင့် ရင်းနီးကျွမ်းဝင်လိုသော ဘုရားသခင်၏ဆန္ဒသည် သမိုင်းတစ်လျှောက် အစဉ်အမြဲတည်မြဲသောအရာပင် ဖြစ်ပါသည်။