ယေရှုက ဘယ်သူလဲ?

ယေရှုသည် သမိုင်းတစ်လျှောက်လုံးတွင် အထူးခြားဆုံးနှင့် အငြင်းပွါးအခံရဆုံး ပုဂ္ဂိုလ်တစ်ဦးဖြစ်သည်ဟု ဆိုနိုင်ပါသည်။ လွန်ခဲ့သော နှစ်ပေါင်း ၂၀၀၀ အတွင်း အနှပညာလက်ရာများတွင်လည်း သူ၏ ပုံတူရုပ်တု ပန်းချီ များဖြင့် များစွာ အဖော်ပြခံရသည်ကို တွေ့ရသည်။ သူ၏ အကြောင်းများကိုလည်း စာအုပ်ပေါင်းသိန်းနှင့်ချီ ရေးသားထုတ်ဝေခဲ့ကြသည်။ သူ့ကြောင့်စစ်ပွဲများ ဖြစ်ပွါးခဲ့သည်၊ ဥပဒေများပြောင်းလဲခဲ့ရသည်၊  ကျွန်ုပ်တို့ နေ့စဉ်အသုံးပြသော ပြက္ခဒိန်ပင်လျှင် သူကိုအခြေခံထားပြီး ရေးဆွဲထားခြင်းဖြစ်သည်။ ဤသည်မှာ အပေါ်ယံမျှသာဖြစ်ပြီး ယေရှုခရစ်တော်သည် သမိုင်းတွင် အငြင်းပွါးအခံရဆုံး သော်လည်း ဩဇာအလွမ်းမိုးမှုအရှိဆုံး လူပုဂ္ဂိုလ်တစ်ဦးဖြစ်ပါသည်။

သိုသော် လွန်ခဲ့သော နှစ်ပေါင်းများစွာက အသက်ရှင်ခဲ့သော သူတစ်ဦးအကြောင်းကို ကျွနိုပ်တို့ မည်သို့ ပို့မိုလေ့လာနိုင်မည်နည်း။ အမှန်တကယ်တော့၊ သမ္မာကျမ်းစာထဲတွင် ယေရှုခရစ်တော်ကြောင်းကို များစွာဖော်ပြထားပါသည်။ ယေရှုသည် မည်သူဖြစ်ကြောင်းနှင့် မည်သည့်အမှုရာများကို ပြုလုပ်ခဲ့ကြောင်း များစွာဖော်ပြထားပါသည်။ သင်က သမ္မာကျမ်းစာသည် ခရစ်ယာန်များအတွက် မြင့်မြတ်သော ကျမ်းစာအုပ်အဖြစ် သတ်မှတ်ထားသောကြောင့် ၎င်းကို လေ့လာခြင်းက လုံလောက်တဲ့ အရင်းမြစ်ကို မရနိုင်ဘူးဟု သင်ထင်ကောင်းထင်နိုင်ပါတယ်။  သို့သော် အမှန်တကယ်တွင် ပညာရှင်များ၊ သမိုင်းပညာရှင်၊ သိပ္ပံပညာရှင်များ နှင့် စာပေကျွမ်းကျင်သူများအားလုံးက သမ္မာကျမ်းစာသည် ထူးခြားပြီး သမိုင်းနှင်စာပေများ၏ အရေးပါသော အစိတ်ပိုင်းတစ်ခုအဖြစ်ကြောင်း သဘောတူထားကြပါသည်။ သမ္မာကျမ်းစာအတွင်းရှိ အချက်အလက်များ အဖြစ်အပျက်များအားလုံးကို သူတိုသည် သဘောတူသည့်ဖြစ်စေ၊ မတူသည်ဖြစ်စေ၊ သမ္မာကျမ်းစာ၏တန်ဖိုးကိုမူ မျက်ကွယ်ပြုမည်မဟုတ်ပါ။

ခရစ်ယာန်ဘာသာထဲတွင် ယေရှုခရစ်တော်သည် အဓိကကျသော ပုဂ္ဂိုလ်တစ်ဦး ဖြစ်ပါသည်။ ခရစ်ယာန်ယုံကြည်ခြင်း၏ အခြေခံအုတ်မြစ်မှာလည်း ယေရှုခရစ်တော်၌ အလုံးစုံအခြေခံထားသည်ကိုတွေ့ရသည်။ ခရစ်ယာန်များသည် ယေရှုခရစ်တော်ကို မေရှိယဖြစ်သည်ဟု ယုံကြည်လက်ခံကြပြီး၊ ဘုရားသခင်နှင့် လူသားတို့ကို ပြန်လည်သင့်မြတ်စေရန် လောကကိုကြွဆင်းလာခဲ့သည်ဟု ယုံကြည်လက်ခံကြသည်။ သမိုင်းထဲတွင် ယေရှုသည် အသေခံခဲ့သည်ဟု မှတ်တမ်းတင်ထားသော်လည်း၊ ကိုယ်တော်သည် သေခြင်းမှ ရှင်ပြန်ထမြောက်ခဲ့ပြီး အသက်ရှင်ဆဲဖြစ်ကြောင်း ခမည်တော်ဘုရားနှင့်အတူ ကောင်းကင်ဘုံ၌ စိုးစံနေကြောင်း ခရစ်ယာန်များက ယုံကြည်လက်ခံထားကြသည်။ ယေရှုသည် ကောင်းကင်ဘုံသို့ ပြန်ကြွသွားခဲ့သော်လည်း ကိုယ်တော်၏ အမူတော်မြတ်မှာ ဆက်လက်တည်ရှိနေပါသည်။

 ယေရှုခရစ်တော် ကောင်းကင်ဘုံသို့ ပြန်ကြွမှု့အပြီး ကိုယ်တော်၏ တပည့်တော်များသည် ယေရှုခရစ်တော်သည် ရှင်ပြန်ထမြောက်ကြောင်း ယေရှုခရစ်တော်သည် မေရှိယဖြစ်ကြောင်း ကိုလူတိုင်းအား ဝေငှရန် အရပ်လေးမျက်နှာ သို့ထွက်ခွါသွားခဲ့ကြသည်။ ဘုရင်များ၊ အုပ်ချုပ်သူများ၊ နိုင်ငံရေးအာဏာပိုင်များက သူတို့၏ သတင်းစကားကို ဆန့်ကျင်ခဲ့ပြီး တပည်တော်များ၊ ယုံကြည်သူများကို၊ ကြောက်မက်ဖွယ်ကောင်းသော နည်းလမ်းများဖြင့် သတ်ခဲ့ကြသည့်။ အမျိုးအမျိုးသော ညှဉ်းပန်းနှိပ်စက်ခြင်း၊ ချိန်းခြောက်သောနည်းများဖြင့် ခရစ်ယာန်ယုံကြည်ခြင်း ပြန့်ပွါးမှုကို ရပ်တန့်ရန်ကြိုးစားခဲ့သော်လည်း မအောင်မြင်ခဲ့ကြပေ။ ထိုညှဉ်းပန်းနှိပ်စက်ခြင်း များသည် သူတို့ရည်ရွယ်သလို ရပ်တန့်သွားစေ့မည့်အစား ယုံကြည်ခြင်းကိုသာ၍ တိုးပွါးစေခဲ့သည်။ ယေရှုခရစ်တော်၏ နောက်တော်သို့ လိုက်ခဲ့ကြသော တပည့်တော် နှင့် ယုံကြည်သူများ၏ ပေးဆပ်မှု ဆပ်ကပ်အပ်နှံမှုများကြောင့် ကမ္ဘာတစ်ဝန်းတွင် အသင်းတော်များ ပေါ်ပေါက်လာခဲ့သည်။

 ခရစ်ယာန်ဘာသာသည် ကမ္ဘာပေါ်တွင် အကြီးမားဆုံးသော ဘာသာတစ်ပါးဖြစ်လာသည့်အပြင်၊ အလျှင်မြန်ဆုံး ကြီးထွားနေသော ဘာသာလည်းဖြစ်လာပါသည်။ International Bulletin of Missionary Research (IBMR) ၏ သုတေသနမှတ်တန်းအရ နေ့စဉ် လူပေါင်း ၁,၀၀၀ ခန်ဟာ သူတို့၏ ယုံကြည်ခြင်းကို စွန်ခွါသွားသော်လည်း တဖက်တွင် နေ့စဉ် လူပေါင်း ၈၃,၀၀၀ ခန်ဟာ ခရစ်တော်ကိုယုံကြည်လက်ခံကာ သင်းဝင်သူဖြစ်လာကြောင်း တွေ့ရှိရပါသည်။ ဤသည်မှာ နှစ်စဉ် အသစ်သော ခရစ်ယာန် သန်း ၂၀ တိုးလာခြင်းနှင့်ညီမျှပါသည်။ အနောက်ဘက် နိုင်ငံများတွင် အသင်းတော်များ သေးငယ်လာပုံရသော်လည်း၊ ကမ္ဘာတစ်ဝန်းရှိအသင်းတော်များမှာမူ အရှိန်အဟုန်ဖြင့် ကြီးထွားလျှက်ရှိပါသည်။

ထိုသူဟာ အဘယ်သူဖြစ်မလဲ။ အချိန်ခနလောက် နောက်ပြန်သွားပြီးယေရှုခရစ်ရဲ့ဘဝကို ကြည့်ကြရအောင်။

လွန်ခဲ့သောနှစ်ပေါင်း ၂၀၀၀ ကျော်က ဘာဖြစ်ခဲ့တာလဲ။

ယေရှုကို လွန်ခဲ့တဲ့ နှစ်ပေါင်း ၂၀၀၀ ကျော်က ဣသရေလနိုင်ငံ၊ ဗက်လင်မြို့တွင် ဖွားမြင်ခဲ့သည့်။ သူ၏ ဖခင်မှာ ယောသပ်ဟုခေါသော လယ်သမားတစ်ဦးဖြစ်ပြီး၊ မိခင်မှာ မာရိဟုခေါ်သည့် နာဇရက်မြို့မှ မိန်းမပျိုငယ်လေးတစ်ဥိး ဖြစ်ပါသည်။ မာရိသည် ယောသပ်နှင့် မထိမ်းမြားမိကပင် အထူသတင်းစကားတစ်ခုကို ကောင်းကင်တမန်တစ်ပါးထံမှ လက်ခံရရှိခဲ့သည်။ ကောင်ကင်တမန်တစ်ပါးသည် သူထံသို့ ရောက်ရှိလာကာ သားယောက်ျားကို ပဋိသန္ဓေစွဲယူရမည်ဖြစ်ကြောင်း  ထိုသားသည် ဘုရားသခင်၏သားတော်ဖြစ်သောကြောင့် ယေရှုဟူသောအမည်ဖြင့် မှည့်ရမည်ဖြစ်ကြောင်း ပြောကြားခဲ့သည်။ သူ့မကို ပဋိသန္ဓေတည်စေသူမှာ ယောသပ်မဟုတ်ဘဲ ဘုရားသခင်ကိုယ်တော်တိုင်ဖြစ်သည်။ ထိုယေရှုခရစ်တော်မွေးဖွားသည့်နေ့ကို ယနေ့တိုင် ခရစ္စမတ်ပွဲတော်အဖြစ် နှစ်စဉ် နှစ်တိုင်း ကျယ်ကျယ်ပြန့်ပြန့် ကျင်းပနေကြဆဲဖြစ်သည်။

ယေရှုသည် သာမန်ကလေးတစ်ယောက်ကဲ့သို့ပင် တဖြည်းဖြည်းကြီးပြင်းလာခဲ့သည်။ သို့သော် ယေရှုသည် မည်သည့်အခါမျှ အပြစ်အနည်းငယ်မျှပင် မပြုခဲ့ကြောင်း ကျွန်ုပ်တို့ သိကြရသည်။ ယေရှုကြီးပြင်းသည့်အတိုင်း ကြီးပြင်းရခြင်းသည် မည်ခံစားရမည်ကို စိတ်ကူးကြည့်ရသည်မှာ စိတ်ဝင်စားဖွယ်ကောင်းလှပါသည်။သူသည် သာမန်ကလေးဘဝ အတွေ့အကြုံအားလုံးကို ကြုံတွေ့ခဲ့ရသော်လည်း၊ အခြားကလေးများနှင့် အလွန်ကွာခြားသူ ဖြစ်ခဲ့သည်။ ယေရှုကိုယ်တိုင် မည်မျှထူးခြားသူဖြစ်ကြောင်းကို မည်သည့်အချိန်တွင် နားလည်ခဲ့သည်ကိုမူ ကျွန်ုပ်တို့ မသိကြပါ။ ယေရှု၏ ငယ်စဉ်ဘဝအကြောင်းကိုမူ များများစားစား မဖော်ပြထားပေ။

 တပည့်တော်များ 

ယေရှု အသက် ၃၀ အရွယ်ခန့်ရောက်မှသာ ယေရှု၏အကြောင်းကို ကျွန်ုတို့ ပိုမိုကြားသိရပြန်သည်။ သူသည် မိတ်ဆွေများဖွဲပြီး ထိုသူများကိုလည်း သူ၏အနားတွင်စုစည်းခဲ့သည်။  ထိုသူတို့ကို နောက်လိုက်များ သို့မဟုတ် တပည့်တော်များဟုလည်း ခေါ်သည်။ သူတို့သည် အတူတကွ ဣသရေနိုင်ငံတစ်ဝန်းလုံး ခရီးသွားလှည့်လည်ခဲ့ကြကာ ယေရှုသည် ထိုသူတို့နှင့်အတူ နောင်တတရား၊ တရားစီရင်ခြင်း၊ နှိမ့်ချခြင်း၊ တန်းတူညီမျှရှိခြင်းနှင့် ခွင့်လွှတ်ခြင်းတို့အကြောင်း ဟောပြောသွန်သင်ခဲ့သည်။ ယေရှုခရစ်တော်ပြုလုပ်ခဲ့သော ဖျားနာသူများကို ကျန်းမာစေခြင်း၊ မျက်မမြင်ဘဝနှင့် မွေးဖွားလာသူများကို မျက်စိမြင်စေခြင်း၊ နတ်ဆိုးများကို နှင်ထုတ်ခြင်းကဲ့သို့သော စသည့် မြောက်များစွာသော နိမိတ်လက္ခဏာ အံ့ဩဖွယ်ရာများကြောင့် လူအများ၏ အာရုံစိုက်မှုကို ရရှိခဲ့သည်။ လူအများအပြားက ယေရှုကို ပိုမိုစိတ်ဝင်စားလာကြသည်။ သူသွားလေရာရာ၌ လူအုပ်ကြီးများ စုရုံးရောက်ရှိလာကြသည်။ လူတိုင်းက သူ့ကို မြင်လို၊ စကားပြောလို၊ ထိတွေ့လိုကြသည်။

ကြီးမားသော မျှော်လင့်ချက်

လူတို့သည် ယေရှုအပေါ် ကြီးမားသော မျှော်လင့်ချက်များ ထားရှိခဲ့ကြသည်။ ထိုအချိန်က ဂျူးလူမျိုးများသည် ရောမတို့၏ ဖိနှိပ်ချုပ်ချယ်မှုကို ခံနေခဲ့ရသည်။ သူတို့၏ ကျမ်းစာတွင် လူတို့ကို ကယ်တင်မည့် ကယ်တင်ရှင် မေရှိယ ကြွလာမည်ဟု ပရောဖက်ပြုထားသည်။ ထိုသူတို့က ယေရှုသည် ထိုကယ်တင်ရှင်ဖြစ်လိမ့်မည်ဟု မျှော်လင့်ကြသည်။ ယေရှုကိုယ်တိုင်လည်း သူသည် မေရှိယဖြစ်သည်ဟု ပြောကြားခဲ့သည်။ ယေရှု၏ အသက် ၃၃ နှစ်ခန့်တွင် ပသခါပွဲတော်ကို ဆင်နွှဲရန် ယေရုရှလင်မြို့တော်သို့ သွားရောက်သည့်အခါ၊ ယေရှု မြို့ထဲသို့ဝင်လာသည်နှင့် လူတို့သည် အလွန်ဝမ်းမြောက်ဝမ်းသာစွာ ယေရှုသည် ဘုရင်ဖြစ်ကြောင်း ကြွေးကြော်ကြိုဆိုခဲ့ကြသည်။ သို့သော် အရာအားလုံးသည် သူတို့မျှော်လင့်ထားသလို ဖြစ်မလာဘဲ အရာအားလုံး ပြောင်းပြန်ဖြစ်သွားပါလိမ့်မည်။ 

ပူပေါင်းကြံစည်မှု

နိုင်ငံ၏ ဂျူးဘာသာရေး ခေါင်းဆောင်များသည် ယေရှုကို မကြည်ဖြူကြပေ။ ယေရှုသည် စောင့်မျော်နေသော ကယ်တင်ရှင်ဖြစ်သည်ဟုလည်း မယုံကြည်ကြပေ။ ယေရှုသည် များစွာသောနောက်လိုက် ရရှိလာပြီး သူတို့၏ အာဏာကို ဆုပ်ကိုင်ထားနိုင်စွမ်း လျှော့ကြလာသည့်ကို မြင်သသောအခါ သူတို့သည့် ယေရှုကို အန္တရာယ်ရှိသော ပြောဆိုချက်များ ပြုလုပ်လာစေရန် အကြိမ်ကြိမ် စိန်ခေါ် စမ်းသပ်ခဲ့ကြသည်။ သိုသော်လည်း ယေရှုသည် သူတို့အပင်ပန်းခံ ပြင်ဆင်ထားသော ထောင်ချောက်များကို အံ့ဩဖွယ်ကောင်းသော ဉာဏ်ပညာဖြင့် ပြန်လည်တုံ့ပြန်ပြီး ရှောင်တိမ်းသွားတတ်သည်သာမက မကြာခနဆိုသလို သူတို့၏ အတွင်းစိတ်နှလုံးသဘောကိုလည်း ဖော်ထုတ်ပြလေ့ရှိရာ၊ ထိုအရာက သူတို့ကိုပို၍ပင် အမျက်ထွက်စေခဲ့သည်။

 ယေရှုသည် သူ၏ဆက်ဆံရေးအားလုံးတွင် အလွန်ရည်ရွယ်ချက်ရှိရှိ ချဉ်းကပ်ခဲ့သည် တည်ဆောက်ခဲ့သည်ကို တွေ့ရသည်။ ရှင်ယာကုပ်ဩဝါဒစာတွင် “ထောင်လွှားစော်ကားသောသူတို့ကို ဘုရားသခင် ဆီးတားတော်မူ၏။ စိတ်နှိမ့်ချသော သူတို့အား ကျေးဇူးပြုတော်မူ၏ဟု လာသတည်း” ဟု ဖော်ပြထားသည်။ ဤသည်မှာ ယေရှုကို နားလည်ရန် အလွန်အရေးကြီးသော အချက်ဖြစ်ပါသည်။ သူသည် ကျိုးပဲ့ကြေကွဲသူများ၊ နှိမ့်ချသူများအားလုံးအပေါ် ကြင်နာသနားတော်မူသော်လည်း၊ မာနကြီးသူများ၊ ထောင်လွှားသောသူများနှင့် အခြားသူများကို ဖိနှိပ်သူများကိုမူ ပြင်းထန်စွာ ဆန့်ကျင်ဆီးတားတော်မူခဲ့သည်။ ဤအကြောင်းကြောင့်ပင် ထိုအချိန်က ဂျူးဘာသာရေးခေါင်းဆောင်များက ယေရှုကို မုန်းတီးခဲ့ရသည့်အကြောင်းဖြစ်သည်။

 ဂျူးဘာသာရေးခေါင်းဆောင်များသည် ယေရှုကို သေစေရန် ပို၍ပြင်းထန်သော နည်းလမ်းကို အသုံးပြုရန် ဆုံးဖြတ်လိုက်ကြသည်။ ကြာသာပတေးနေ့ညတွင် ယေရှုသည် သူ၏မိတ်ဆွေများနှင့်အတူ ပသခါပွဲကို ဆင်နွှဲခဲ့သည်။ သူတို့သည် “နောက်ဆုံးညစာစားပွဲ” ဟုခေါ်တွင်မည့် စားပွဲတွင် အတူးစားနေခဲ့ကြသည်။ ယေရှုသည် ဖြစ်လာတော့မည့်အကြောင်းရာများကို အကျယ်တဝင့် ပြောပြနေခဲ့သော်လည်း၊ သူ၏တပည်တော်များမှာ နားမလည်ခဲ့ကြပေ။ ထိုညနှောင်းပိုင်းချိန် ရောက်ရှိလာသည့်အခါ အလှည့်ပြောင်းတစ်ခု ရောက်ရှိလာခဲ့သည်။ ယေရှုသည် ဂေသရှေမန် ဥယာဉ်ထဲတွင် လမ်းလျှောက်နေစဉ်၊ ဂျူးခေါင်းဆောင်များက ငွေဖြင့်လက်ထိုးထားသော ယေရှု၏နောက်လိုက်တစ်ဦးဖြစ်သူ ယုဒရှကာရုတ်က စစ်သားများကို ယေရှုထံ ခေါ်ဆောင်လာပြီး ယေရှုကို အနမ်းဖြင့် သစ္စာဖောက်ခဲ့သည်။ ယေရှုသည် ဖမ်းဆီးခံခဲ့ရပြီး ညှဉ်းပန်းနှိပ်စက်ခြင်း ခံခဲ့ရသည်။

 အသေခံတော်မူခြင်း

 ဂျူးဘာသာရေးခေါင်းဆောင်များသည် ယေရှုက ဂျူးဥပဒေများကို ချိုးဖောက်နေကြောင်း ပိလတ်မင်း (ထိုအချိန်က ယေရုရှလင်ရှိ ရောမဘုရင်ခံ) ကို ယုံကြည်လာအောင် ယေရှုကို ပိလတ်မင်း ထံစွဲချက်တင်ကြသည်။ ဂျူးလူမျိုးအချင်းချင်းမသတ်ရ ဟူသော ရောမဥပဒေကြောင့် ဂျူးလူမျိုးများကိုယ်တိုင်က သူ့ကို သတ်ခွင့်မရှိပေ။ ထို့ကြောင့် သူတို့၏အမှုကို ရောမတို့ရှေ့မှောက်သို့ ယူဆောင်လာခဲ့ကြသည်။ လူအများအပြားက ယေရှုကို ပြက်ရယ်ပြုပြီး မမှန်မကန် စွပ်စွဲကြသော်လည်း၊ ယေရှုသည် ပြန်လည် ခုခံချေပခြင်း မပြုခဲ့ချေ။ သူသည် တိတ်ဆိတ်စွာနေတော်မူပြီး လွန်ခဲ့သောတစ်ပတ်မတိုင်မီက သူ့ကို ဘုရင်အဖြစ် ကြွေးကြော်ကြိုဆိုခဲ့သော လူအားလုံး၏ ပစ်ပယ်ကဲ့ရဲ့ခြင်းကိုခံယူခဲ့သည်။

 ပိလတ်မင်းသည် အစပိုင်းတွင် ချီတုံချတုံဖြစ်ခဲ့သော်လည်း၊ လူအုပ်ကြီးက အလွန်တောင်းဆိုနေခဲ့ပြီး အဓိကရုဏ်း ဖြစ်ပွါးလာမည်ကို စိုးရိမ်သောကြောင့်၊ ထိုသူတို့၏ တောင်းဆိုချက် များကို လိုက်လျောခဲ့သည်။

ယေရှုသည် သေဒဏ်ချမှတ်ခံခဲ့ရကာ မသေဆုံးမီ ကြာပွတ်ဖြင့် ရိုက်နှက်ခံရပြီး ပြက်ရယ်ပြုခြင်းကိုလည်း ခံခဲ့ရသည်။ ယေရှုသည် ရက်စက်ကြမ်းကြုတ်စွာ လက်ဝါးကပ်တိုင်ပေါ်တွင် ဆွဲထားခံခဲ့ရပြီး အလွန်တရာနာကျင်စွာဖြင့် အသက်ပေးခဲ့သည်။

 ယေရှု သေဆုံးသော သောကြာနေ့တွင် ယေရှုကို သူဌေးတစ်ဦး၏ သင်္ချိုင်းဂူတွင် သင်္ဂြိုဟ်ခဲ့ပြီး၊ သူ၏မိတ်ဆွေများမှာ လုံးဝ မျှော်လင့်ချက်မဲ့ကာ ဝမ်းနည်းပူဆွေးခဲ့ကြသည်။

ရှင်ပြန်ထမြောက်တော်မူခြင်း

နှစ်ရက်ကြာပြီးသောအခါ၊  တနင်္ဂနွေနေ့မနက် နေမထွက်တထွက်အချိန်တွင် မာဂဒလမာရိသည် ယေရှုကို သင်္ဂြိုဟ်ခဲ့သော သင်္ချိုင်းဂူသို့ သွားရောက်ကြည့်ရှုခဲ့ကာ သင်္ချိုင်းဂူသည် ဗလာဖြစ်နေခြင်းကို ထိတ်လန့်တုန်လှုပ်စွာ မြင်တွေ့ခဲ့သည်။

 ယေရှု၏ အလောင်းတော် ဘယ်မှာလဲ။

သူမသည် ရူးမတတ် လိုက်လံရှာဖွေခဲ့ရင်း ဥယျာဉ်မှူးတစ်ဦးဟုထင်ရသောသူကို သူမတွေ့သည့်အခါ သူမသည့် သူ့ကို သင်္ချိုင်းဂူ ဗလာဖြစ်နေကြောင်း ပြောပြနေခဲ့သည့်အချိန် ထိုသူက သူမ၏အမည်ကိုခေါ်လိုက်သည့်အခါတွင် သူမ သူ့ကို မှတ်မိသွားသည်။

 ထိုသူမှာ ယေရှုပင်! သူ အသက်ရှင်နေပြီ!

သူမသည် သူမ၏မိတ်ဆွေများထံ ပြန်ပြေးသွားခဲ့ကာ သင်္ချိုင်းဂူရှိအဖြစ်အပျက်များကို ပြောပြခဲ့သော်လည်း သူတို့သည် အစပိုင်းတွင် သူမကို မယုံကြည်ခဲ့ကြပေ။ သူတို့ထဲမှ အချို့တို့သည် အလျှင်အမြန်သွားရောက်ကြည့်ရှုခဲ့ပြီး ယေရှု၏အလောင်းတော် ထားရှိခဲ့သော င်္သချိုင်းဂူမှာ ယခု ဗလာဖြစ်နေသည်ကို တွေ့ခဲ့ကြသည်။

ထိုသူတိုသည် မြို့ထဲတွင် အတူတကွနေထိုင်ရန် ဆုံးဖြတ်လိုက်ကြပြီး သူတို့သည် အာဏာပိုင်များကို ကြောက်ရွံ့သောကြောင့် ပြတင်းပေါက်များကို ပိတ်ပြီး တံခါးများကို သော့ခတ်ထားခဲ့ကြသည်။ ထို့နောက် ယေရှုသည် သူတို့အလယ်တွင် ပေါ်လာတော်ခဲ့ပြီး သူတို့အားလုံး သူ့ကို မြင်တွေ့ကြားသိခဲ့ရသည်။

ကောင်းကင်ဘုံသို့ တက်ကြွတော်မူခြင်း

 လူပေါင်း ၅၀၀ ကျော်က သူတို့သည် ယေရှု အသေခံပြီးနောက် အသက်ရှင်နေသည်ကို မြင်တွေ့ခဲ့ရကြောင်း ပြောဆိုကြသည်။ သူသည် ရက်ပေါင်းလေးဆယ်ကြာအောင်  လှည့်လည်သွားလာပြီး ထာဝရအသက်နှင့် အပြစ်လွှတ်ခြင်းအကြောင်းများကို လူတို့ထံဟောပြောခဲ့သည်။ ထိုအမှုအရာတွေအားလုံးအထက် ယေရှုသည် သူထွက်ခွါသွားပြီးနောက်တွင် သူ၏တပည့်တော်များအား ဘယ်အမှုကိုပြုရမည်ကို ရှင်းလင်းစွာ မှာကြားခဲ့သည်။ သို့သော် ယေရှုသည် နောက်တစ်ကြိမ် သေဆုံးရန်အတွက် သေခြင်းမှ ရှင်ပြန်ထမြောက်ခဲ့ခြင်းမဟုတ်ပေ။ သူသည် ယနေ့တိုင် အသက်ရှင်နေဆဲဖြစ်ပြီး ကောင်းကင်ဘုံသို့ တက်ကြွတော်မူခြင်းဖြစ်သည်။ ယေရှုသည် ကြီးမြတ်သော ဘုန်းတန်ခိုးအာနုဘော်နှင့် ဘုန်းအသရေဖြင့် ကောင်းကင်ယံသို့ တက်ကြွသွားကာ သူတို့၏ မျက်စိအောက်မှ ကွယ်ပျောက်သွားသည်ကို ကြည့်ရှုနေခဲ့ကြသည်။သူတို့သည် အံ့ဩမှင်သက်နေခဲ့ကြသော်လည်း၊ ဝမ်းမြောက်မှုဖြင့်လည်း ပြည့်နှက်နေခဲ့ကြပေသည်။အဘယ်ကြောင့်ဆိုသော် သူတို့သည် ဘယ်အမှုရာကိုလုပ်နေသည်နှင့် ဘယ်ကိုသွားနေသည်ကို သူတို့ နောက်ဆုံးတွင် နားလည်သွားကြသောကြောင့် ဖြစ်သည်။

ယေရှုသည် သူ၏နောက်လိုက်များကို တိကျသောညွှန်ကြားချက်ဖြင့် ချန်ထားခဲ့သည်။ သူတို့သည် ယေရုရှလင်သို့ သွား၍ အတူတကွနေထိုင်ကာ အတူတကွဆုတောင်းရမည်။ ဆယ်ရက်ကြာပြီးသည့်အခါတွင် ပင်တေကုတ္တေနေ့ သို့ရောက်သောအခါ တပည့်တော်များသည် မီးဖြင့်လည်းကောင်း သန့်ရှင်းသောဝိညာဉ်တော်ဖြင့်လည်းကောင်း ဖြည့်ခြင်းကိုခံခဲ့ကြသည်။ ဘုရားသခင်၏ ဝိညာဉ်တော်သည် တပည်တော်တို့အား ယေရှုခရစ်တော်ရှင်ပြန်ထမြောက်ကြောင်း ယေရှုအသက်ရှင်နေကြောင်း တစ်ကမ္ဘာလုံးကို သတင်းကောင်းဝေငှရန် နှိုးဆော်ခဲ့သည်။ သူတို့သည် ကမ္ဘာတစ်ဝန်းလုံးသို့ ပြန့်နှံ့သွားပြီး နေရာတိုင်းတွင် အသင်းတော်များ စတင်တည်ထောင်ခဲ့ကြသည်။

 ယနေ့တိုင်အောင်၊ ဤအသင်းတော်များသည်  ယေရှု အသက်ရှင်တော်မူ၏ဟူသော တူညီသော သတင်းစကားကို ပြောကြားနေကြသည်။

ယေရှု၏ အမှုတော်သည် မည်သည့်အရာဖြစ်ခဲ့မည်နည်း။ ဒီသတင်းစကားကိုကြားသိစေဖို ယေရှုကိုယ်တော်တိုင် သူ့အသက်ကိုပင် ပေးဆပ်ခဲ့ရသည့်တိုင် အကျွန်ုပ်တို့အား သိကြားစေခြင်သည့် အရေးကြီး သတင်းစကားဖြစ်ပါသည်။ ယေရှုသည် လူတန်းစားအလွှာအသီးသီးမှ လူအမျိုးမျိုးနှင့် စကားပြောခဲ့သည်။ ယေရှု သည် များစွားသော လူအုပ်ကြီးများကိုလည်းမိန့်မြွက်ဟောပြောခဲ့သလို၊ လူတို့၏အိမ်များတွင် အတူတကွစားသောက်ရန်လည်း အချိန်ပေးခဲ့သည်။ အဘယ်ကြောင့်နည်း။ ယေရှုသည် မည်သည့်အရာများအကြောင်း ပြောဆိုခဲ့သနည်း။ ကိုယ်တော်ပြောခဲ့သည်များကို အပြည့်အစုံ အကျဉ်းချုံးရန် မလွယ်ကူပါ။ သို့သော် အနည်းဆုံး ဤအချက်သုံးချက်မှာ ယေရှုအတွက် အလွန်အရေးပါခဲ့သည့်အရာဖြစ်သည်။

ယေရှု၏အကြောင်းကို ဓမ္မသစ်ကျမ်းတွင်သာ ရေးသားထားသည်ဟု သင်ထင်လျှင် သင်မှားပါလိမ့်မည်။ လူတို့သည် ယေရှုမမွေးဖွားမီ ကာလကြာမြင့်စွာကတည်းက ယေရှုအကြောင်းကို ရေးသားခဲ့ကြပါသည်။ ၎င်းကို ပရောဖက်ပြုချက်များဟု ခေါ်ဆိုပါသည်။ သမ္မာကျမ်းစာကို ဓမ္မဟောင်းကျမ်းနှင့် ဓမ္မသစ်ကျမ်းဟူ၍ အပိုင်းနှစ်ပိုင်း ခွဲခြားထားပါသည်။ ပထမပိုင်းသည် ဂျူးတို့၏ မြင့်မြတ်သော ကျမ်းစာများကို အခြေခံထားပါသည်။ ဒုတိယပိုင်းကိုမူ ယေရှုကြွလာပြီးနောက် ရေးသားခဲ့ခြင်းဖြစ်ပါသည်။ ယေရှုကို မျက်မြင်တွေ့ခဲ့သူများနှင့် နောက်လိုက်များ၊ တပည်တော်များက ယေရှု၏ လုပ်ဆောင်ချက်များနှင့် အသက်တာ ဘဝခရီး အကြောင်း အားလုံးကို မှတ်တမ်းတင်ခဲ့ကြသည်။ ခရစ်ယာန်များအတွက်မူ ဤကျမ်းနှစ်စောင်သည် တစ်ခုနှင့် တစ်ခု နက်ရှိုင်းစွာ ချိတ်ဆက်နေပါသည်။ ဓမ္မဟောင်းကျမ်းတွင် မေရှိယကြွလာခြင်းအကြောင်း ပရောဖက်ပြုချက်များ၊ ကြိုတင်ဟောကိန်းများစွာ ပါဝင်ပြီး  ထိုမေရှိယသည် ဂျူးလူမျိုးများသာမက တစ်ပါးသောလူမျိုးတို့ကိုပါ လွတ်မြောက်စေမည့် ကယ်တင်ရှင်တစ်ပါး ဖြစ်ပါသည်။ ဤပရောဖက်ပြုချက်များစွာသည် ယေရှုနှင့်အတူ ပြည့်စုံလာခဲ့ပါသည်။ ယေရှု၏ မွေးဖွားခြင်း၊ အသေခံတော်မူခြင်းနှင့် ရှင်ပြန်ထမြောက်တော်မူခြင်းတို့နှင့် ပတ်သက်သည့် အသေးစိတ်အချက်အလက်များကိုလည်း တိကြစွာ ကြိုတင်ဟောကိန်းထုတ်ခဲ့ပါသည်။

သမ္မာကျမ်းစာ၏ နောက်ဆုံးကျမ်းဖြစ်သော ဗျာဒိတ်ကျမ်းတွင် ယေရှုသည် အဓိကအခန်းကဏ္ဍမှ ပါဝင်မည့် ဖြစ်ကြောင်း အနာဂတ်အကြောင်း ပရောဖက်ပြုချက်များ ပါဝင်ပါသည်။ ယေရှုသည် သမ္မာကျမ်းစာ အစမှ အဆုံးတိုင် တစ်လျှောက်လုံးတွင် ချည်တစ်မျှင်ကဲ့သို့ ရောယှက်ပါဝင်နေပါသည်။

သမ္မာကျမ်းစာသည် ဆက်လက်စူးစမ်းလေ့လာရှာဖွေ ထိုက်သည့် စိတ်ဝင်စားဖွယ်ကောင်းသော စာအုပ်တစ်အုပ်ဖြစ်ပါသည်။ ယေရှုအကြောင်း ပိုမိုလေ့လာရန်သာမက ကမ္ဘာမြေကြီး၏ ဖန်ဆင်းခြင်း၊ သမိုင်းနှင့် ဘုရားသခင်အကြောင်းတို့ကိုလည်း သမ္မာကျမ်းစာတွင်လေ့လာနိုင်ပါသည်။

ယေရှုသာမရှိခဲ့လျှင် သင်၏မွေးနေ့ရက်စွဲသည် လုံးဝကွဲပြားခြားနားသွားမည်ကို သင်သိပါသလား။ အမှန်တကယ်တော့၊ ကျွန်ုပ်တို့၏ ခေတ်ကာလသည် ယေရှု၏ မွေးဖွားသည့်နှစ်ကို အခြေခံထားပါသည်။ ယခု ကျွန်ုပ်တို့ ၂၁ ရာစုတွင် နေထိုင်နေခြင်းမှာ လွန်ခဲ့သော ရာစုနှစ် ၂၀ ကျော်က ယေရှု အသက်ရှင်ခဲ့သောကြောင့် ဖြစ်ပါသည်။ ခရစ်ယာန်ခေတ်ကို Anno Domini ဟုလည်းခေါ် ပြီး ၎င်းမှာ "သခင်ဘုရား၏ နှစ်ကာလ" ဟု အဓိပ္ပာယ်ရပါသည်။ ၎င်းသည် ယေရှုမွေးဖွားပြီးနောက် ပထမဆုံးနှစ်ကို အမှတ်အသားပြုပြီး အတိုကောက် AD ဟုသုံးနှုန်းပါသည်။

သမိုင်းစာအုပ်များတွင် ခရစ်တော်မတိုင်မီ သို့မဟုတ် ခရစ်တော်နောက်ပိုင်း ဟူသော အသုံးအနှုန်းများကိုလည်း သင်မကြာခဏ တွေ့ရနိုင်ပါသည်။ ထို့ကြောင့် ယေရှုမမွေးဖွားမှီနှင့် ယေရှုမွေးဖွားပြီး ဟူ၍ ယေရှုသည် သမိုင်းတွင် စံသတ်မှတ်ချက်တစ်ခု ဖြစ်လာခဲ့သည်ကို တွေ့ရပါသည်။

ထို့အပြင်၊ ကျွန်ုပ်တို့၏ ပြက္ခဒိန်သည် ခရစ္စမတ်နှင့် အီစတာကဲ့သို့သော ခရစ်ယာန်အားလပ်ရက်များဖြင့် ပြည့်နှက်နေသည်ကိုတွေ့ရပါသည်။ ထိုပွဲတော်နှစ်ခုစလုံးသည် ယေရှု၏ မွေးဖွားခြင်း၊ အသေခံခြင်းနှင့် ရှင်ပြန်ထမြောက်ခြင်းကို အဓိကထားပြီး ဆင်နွှဲဂုဏ်ပြုသော အားလပ်ရက်များ ဖြစ်ကြပါသည်။

ဘဝတွင်  လူတိုင်း တွေ့ကိုတွေ့ကြုံလာရမည့်  အမှန်တရားများထဲမှ တစ်ခုမှာ ကျွန်ုပ်တို့အားလုံး သေဆုံးရမည်ဖြစ်ပြီး၊ သက်ရှိများအားလုံးသည် နောက်ဆုံးတွင် သေဆုံးကြရမည် ဖြစ်သည်။ လူအများသည် သေခြင်းတရားအကြောင်း စဉ်းစားချိန်တိုင်း စိတ်သောကရောက်သောအခါ "သေခြင်းတရားဟာ ဘဝရဲ့အစိတ်အပိုင်းတစ်ခုပါပဲ" ဟုအောက်မေ့ကာ မိမိကိုယ်ကို နှစ်သိမ့်တတ်ကြသည်။ သို့သော် ထိုအရာက မည်သူ့ကိုမျှ အမှန်တကယ် စိတ်သက်သာရာရစေမည် မဟုတ်ပါ။ သူတို့၏ အတွင်းနှလုံးသားထဲတွင် သေခြင်းတရားနှင့်ပတ်သက်၍ ကြောက်ရွံ့တတ်ကြသည်။

ဒီအရာဟာ ဘာကြောင့်ဖြစ်သလဲဆိုရင် ကျွန်တော်တို့ဟာ သေဆုံးဖို့ရန် ဖန်ဆင်းခံခဲ့ရခြင်းမဟုတ်ပဲ ထိုအရာထက်ပိုသော အရာအတွက်  ဖန်ဆင်းခံခဲ့ရခြင်းကြောင့် ဖြစ်ပါသည်။ ဘုရားသခင်နှင့်အတူ ထာဝရအသက်ရှင်ရန် ဖန်ဆင်းခံခဲ့ရခြင်း ဖြစ်ပါသည်။  ထိုအရာသည် အဓိပ္ပာယ်မရှိဟု ထင်ရနိုင်သော်လည်း၊ သင်ယခုအချိန်တွင် နားမလည်သေးသည့်တိုင် သင်၏စိတ်ဝိညာဉ်အတွင်းမှာ ထိုအရာနှင့်ပတ်သတ်ပြီး ပဲ့တင်ထပ်နေသော အသံတစ်ခုရှိနေပါလိမ့်မယ်။

 ခရစ်ယာန်များက ကျွန်ုပ်တို့ အသက်ရှုရပ်သွားသည့်တိုင် ဘဝကြီးသည် ဆက်လက်တည်ရှိနေသည်ဟု ယုံကြည်ကြသည်။ ကျွန်ုပ်တို့သည် ခန္ဓာ၊ စိတ်၊ ဝိညာဉ်ဖြင့် မွေးဖွားလာသည်ဟု ယုံကြည်ကြပါသည်။ ခန္ဓာကိုယ်သည် ကျွန်ုပ်တို့အား လောကထဲတွင် အသက်ရှင်နေထိုင်သွားလာနိုင်စေသည်။ ကျွန်ုပ်တို့၏ စိတ်ဝိညာဉ်သည် အခြားသူများနှင့် ဘုရားသခင်၏ ချိတ်ဆက်မှုကို ရှာဖွေသည်။ ကျွန်ုပ်တို့ သေဆုံးသောအခါ၊ ကျွန်ုပ်တို့၏ စိတ်ဝိညာဉ်သည် ဆက်လက်တည်ရှိနေပါသည်။ အကယ်၍ ယေရှကို သင်၏  အသက်သခင်နှင့် ကယ်တင်ပိုင်ရှင်အဖြစ် ယုံကြည်လက်ခံထားပါက၊ သင်၏နှလုံးခုန်ရပ်သွားသောအခါ သင်သည် ဘုရားသခင်ကိုယ်တော်တိုင်၏ မျက်မှောက်တော်မှာ ရှိနေပါလိမ့်မည်။

ဤအရာအားလုံးသည် သင့်ကို ပို၍ရှုပ်ထွေးစေပြီး အဖြေများထက် မေးခွန်းများကိုသာ ပိုမိုကျန်ရစ်စေပါသလား။ ဒါက ကိစ္စမရှိပါဘူး။ အမှန်အတိုင်းပြောရလျှင်၊ ယေရှုသည် မေးခွန်းများစွာကို ပေါ်ပေါက်စေခဲ့ပါသည်။ ရာစုနှစ်ပေါင်းများစွာတိုင် ယေရှုသည် မည်သူဖြစ်သည်နှင့် ယေရှု၏ သွန်သင်ချက်များအပေါ်  မတူညီကွဲပြားသော အမြင်များစွာ ရှိခဲ့သည်။ ယနေ့ခေတ်တွင်ပင် ခရစ်ယာန်အချင်းချင်း အမြင်မတူကြပါ။ သမိုင်းအတွင်းတွင် အသင်းတော်များအတွင်း ဂိုဏ်းဂဏကွဲပြားမှုများဖြင့် ပြည့်နှက်နေသည်ကိုပင် မြင်တွေ့ရပါသည်။ ရောမကက်သလစ်အသင်းတော်နှင့် ပရိုတက်စတင့်အသင်းတော်တို့သည် ရာစုနှစ်ပေါင်းများစွာ တစ်ဖက်နှင့်တစ်ဖက် ဆန့်ကျင်ဘက်ပြုခဲ့ကြပြီး၊ ကြီးမားသောစစ်ပွဲများအထိ ဖြစ်ပွါးခဲ့ကြသည်ကိုလည်းမြင်တွေ့ရပါသည်။ ဘာသာတရားသည် နိုင်ငံရေးအာဏာနှင့် မကြာခဏ ရောထွေးနေတတ်သည်ကိုလည်း သင်တွေ့ရပါမည်။ အလယ်ခေတ်တွင်၊ အသင်းတော်များကို အသုံးချပြီး လူတို့ကို ထိန်းချုပ်ရန် နည်းလမ်းတစ်ခုအဖြစ် မကြာခဏ အသုံးပြုခဲ့သည်ကိုလည်း တွေ့ရသည်။

ထိုအရာအားလုံးကို ဘေးဖယ်ထားလျှင်၊ ယေရှုကိုယ်တော်တိုင်က သူ၏အချိန် ခတ်ကာလရဲ့ နိုင်ငံရေးအာဏာပြိုင်ဆိုင်မှုတွင် မစွက်ဖက်ရန် အလွန်ရည်ရွယ်ချက်ရှိရှိ လုပ်ဆောင်ခဲ့သည်ကိုတွေ့ရပါသည်။ လူအများအပြားက ယေရှုသည် သူတို့ကို ရောမတို့၏ ဖိနှိပ်မှုမှ ကယ်တင်လိမ့်မည်ဟု မျှော်လင့်ခဲ့ကြသော်လည်း ယေရှုသည် အကြမ်းဖက်မှုကို မည်သည့်အခါမျှ လုပ်ဆောင်လိမ့်မည်မဟုတ်ပါ။

ယေရှုကိုသာ၍ သိကျွမ်းလာခြင်းသည် စစ်မှန်သောစူးစမ်းရှာဖွေလေ့လာမှု ခရီးစဉ်တစ်ခု ဖြစ်ပါသည်။ ခရစ်ယာန်များစွာက ဤခရီးစဉ်သည် ဘယ်တော့မှ ပြီးဆုံးနိုင်မည်မဟုတ်ဟု ပြောကြပါလိမ့်မည်။ ယေရှု ၌ မတူညီသော ရှုထောင့်များစွာရှိပြီး ယေရှုသည် ဘုရားသခင်အကြောင်း များစွာကိုလည်း ဖော်ပြခဲ့သည်။ ယေရှု၏ အတွေးအခေါ်များသည် ထိုအချိန်ကသာမက ယခုအချိန်ထိ လူအများလက်ခံထားသော အတွေးများစွာကို တော်လှန်ကာ နက်ရှိုင်းလွန်းလှသည်။ ကိုယ်တော်သည် လူအများအတွက် ကြီးမားသော စိတ်ခွန်အားဖြစ်စေခဲ့ပါသည်။ ခရစ်ယာန်များက ဘုရားသခင်သည် လူတိုင်းကိုသာမက သင့်ကိုလည်း ချစ်သည်ဟု ယုံကြည်ကြသည်။ သူတို့က ယေရှုသည် "ကံကောင်းသူအနည်းငယ်" အတွက်သာ ကြွလာခဲ့ခြင်းမဟုတ်ဘဲ ဘုရားသခင်သည် လူအားလုံးကို သူ၏သားသမီးများအဖြစ် ရှုမြင်ပြီး ထိုလူသားအားလုံးအတွက် ယေရှုဆင်းကြွလာသည်ဟု ယုံကြည်ကြသည်။ ကိုယ်တော်သည် သူ၏သားသမီးများ၏ ဘဝအစိတ်ပိုင်းတစ်ခုစီတိုင်းတွင် အတူပါရှိလိုပြီး ခက်ခဲသောအချိန်များတွင် ကူညီရန်၊ ဉာဏ်ပညာရှိသော အကြံဉာဏ်များပေးရန်၊  ရှေ့ဆက်နိုင်ဖို့ ခွန်အားကိုပေးရန်နှင့် သင် လမ်းမှားသောအခါ သင့်ကို လမ်းမှန်ပြင်ပေးရန် အလိုတော်ရှိသည်။

ဤအရာအားလုံးကို သင် နားလည်သဘောပေါက်နိုင်ပါသလား။

ယေရှုသည် သမ္မာကျမ်းစာ၊ ပြက္ခဒိန်နှင့် အနုပညာဆိုင်ရာကဏ္ဍတစ်လျှောက်တွင် အဓိကကြသော ပုံရိပ်တစ်ခု ဖြစ်နိုင်သော်လည်း၊ ထိုအရာသည် သူ၏ ရည်ရွယ်ချက် အစစ်မှန် ဖြစ်ခဲ့ပါသလား။ ကျော်ကြားခြင်း၊ ဉာဏ်ပညာရှိသော ဆရာ သို့မဟုတ် ခေါင်းဆောင်အဖြစ် သတ်မှတ်ခံရခြင်း၊ ပန်းချီကားများ သို့မဟုတ် စာအုပ်များတွင် ပုံနှိပ်မှတ်တမ်းတင်ခံရခြင်းက သူ၏ရည်ရွယ်ချက် အစစ်မှန်ဖြစ်ခဲ့ပါသလား။

ယေရှုသည် ထိုအရာများ၏ ကြီးမားသောခွန်အား အရင်းအမြစ်တစ်ခု ဖြစ်နိုင်သော်လည်း၊ သူ၏ အာရုံသည် အတိတ်၊ ပစ္စုပ္ပန်နှင့် အနာဂတ် အမြဲတမ်းတွင် လူသားများဖြစ်ကြသော သင်နှင့် ကျွန်ုပ်၌ပင် ဖြစ်ပါသည်။ သင်ယခုအချိန်တွင် ဤအရာကို နားမလည်နိုင်သေးသည့်တိုင် ယေရှုသည် သင့်နှင့်အလွန်ရင်းနီး ကျွမ်းဝင်လိုပါသည်။