အီစတာ- ယေရှုရဲ့ ရှင်ပြန်ထမြောက်ခြင်းက အမှန်တရားလား ဒါမှမဟုတ် ပါးနပ်တဲ့ လိမ်ညာမှုတစ်ခုလား

အီစတာဟာ အမှန်တရားလား ဒါမှမဟုတ် ပါးနပ်တဲ့လိမ်ညာမှုတစ်ခုလားဆိုတာကို အဖြေရှာဖို့ရန်အတွက် သူ့ရဲ့မူလအစကို အရင် နားလည်ရပါမယ်။ အီစတာဟာ ယေရှုခရစ်တော်၏ ရှင်ပြန်ထမြောက်ခြင်းကို ဂုဏ်ပြုသည့်ပွဲတစ်ခုဖြစ်ပြီး၊ ခရစ်ယာန်တွေက ယေရှုဟာ သေခြင်းမှ ရှင်ပြန်ထမြောက်ခဲ့တယ်လို့ ယုံကြည်ကြပါတယ်။ ဟုတ်ပါတယ် ရှင်ပြန် ထမြောက်ခြင်းပါ။ သေဆုံးခဲ့တဲ့ ယေရှုဟာ ပြန်အသက်ရှင်လာခဲ့ပါတာပါ။

 အီစတာဇာတ်လမ်းက ယေရှုခရစ်တော်ရဲ့ အကြောင်းပါ ပဲ။ လွန်ခဲ့တဲ့ နှစ်ပေါင်း ၂,၀၀၀ ကျော်က သူဟာ အစ္စရေးနိုင်ငံတစ်ဝှမ်း ခရီးသွားရင်း ထူးခြားတဲ့ဇာတ်လမ်းတွေ မျှဝေခဲ့တယ်၊အံ့ဖွယ်အမှုတွေကို ပြုလုပ်ခဲ့ပြီး၊ ထိုနောက် သူ့ခေတ်က ဘာသာရေးအာဏာပိုင်များကိုလည်း စိန်ခေါ်ခဲ့ပါတယ်။ အီစတာမတိုင်မီ တစ်ပတ် အလို စွန်ပလွံခတ်တနင်္ဂနွေနေ့ (Palm Sunday) တွင် လူအုပ်ကြီးများကလည်း သူ့ကို ရောမအုပ်ချုပ်မှုကနေ ကယ်တင်မည့် သူရဲကောင်းတစ်ယောက်၊ ပရောဖက်ပြုချက်ပါ ကယ်တင်ရှင် ("မေရှိယ") အဖြစ် ယေရုရှလင်မြို့သို့ ကြိုဆိုခဲ့ကြသည်။

သို့သော်လည်း ဂျူးဘာသာရေးခေါင်းဆောင်များသည် သူ့ကို ခြိမ်းခြောက်မှုတစ်ခုအဖြစ် မြင်လာခဲ့ကြတယ်။ ကြာသပတေးနေ့တွင် ယေရှုသည် သူ့ရဲ့အရင်းနှီးဆုံး မိတ်ဆွေဖြစ်သူ ယုဒရှကာရုတ်၏ သစ္စာဖောက်ခြင်းကို ခံခဲ့ရပြီး ဖမ်းဆီးခံခဲ့ရသည်။ သူ့ကို ညှဉ်းပန်းနှိပ်စက်ခဲ့ကြ ကာ သေဒဏ်ချမှတ်ခဲ့ကြတယ်။ အသေခံတော်မူရာနေ့ (Good Friday) တွင် ယေရှုသည် လက်ဝါးကပ်တိုင်ပေါ်မ၌ အသက်ကိုစွန့်တော်မှုခဲ့သည်။  သူ့၏မိတ်ဆွေများသည် သူ့ကို သင်္ဂြိုဟ်ပြီး၊ယခု သန့်ရှင်းသောစနေနေ့ (Holy Saturday) ဟုခေါ်တွင်သောနေ့တွင် ဝမ်းနည်းပူဆွေးခဲ့ကြသည်။ သို့သော်လည်း တနင်္ဂနွေနေ့တွင်… ယေရှု၏ င်္သချိုင်းဂူသည်  ဗလာဖြစ်နေသည်ကို တွေ့ရှိခဲ့ကြပါသည်။

 ဒီတွေ့ရှိမှုကကမ္ဘာကြီးကိုပြောင်းပြန်လှန်လိုက်သလိုပါပဲ။လူရာပေါင်းများစွာကယေရှုသေဆုံးတာကိုမျက်မြင်တွေ့ခဲ့ကြပေမယ့်၊နောက်ပိုင်းမှာလူအများအပြားကသူ့ကိုအသက်ရှင်လျက်ပြန်တွေ့ခဲ့တယ်လို့ပြောဆိုခဲ့ကြပါတယ်။သူတို့ရဲ့ပြောဆိုချက်တွေကိုသမ္မာကျမ်းစာထဲမှာရေးမှတ်ခဲ့ပြီး၊ဒီနေ့မှာတော့ကမ္ဘာတစ်ဝှမ်းကလူဦးရေဘီလီယံ၂.၃ကျော်ကယေရှုဟာအသက်ရှင်နေတယ်လို့ယုံကြည်ကြပါတယ်။

သမ္မာကျမ်းစာထဲမှာ ဖော်ပြထားတဲ့ အီစတာအကြောင်းကို အသေးစိတ်လေ့လာကြည့်ကြမည်။ ဓမ္မသစ်ကျမ်းတွင်းရှိ မဿဲ၊ မာကု၊ လုကာ နဲ့ ယောဟန်ဆိုသည် ခရစ်ဝင်ကျမ်းများတွင် လေးကြိမ်တိုင်တိုင် မှတ်တမ်းတင်ထားသည်ကိုတွေ့ရပါသည်။ အသေးစိတ်အချက်အလက်။အချို့  မှာကွဲပြားသော်လည်း အဓိကပေးချင်သည် သတင်းစကားသည်အတူတူပင်ဖြစ်ပါသည်။

အီစတာမနက်ခင်းတွင် အမျိုးသမီးသုံးဦးသည် ဓလေ့ထုံးစံအတိုင်း ယေရှုရဲ့ခန္ဓာကိုယ်အား သန့်ရှင်းပြုစုရန် သူ့ရဲ့င်္သချိုင်းဂူသို့ သွားရောက်ခဲ့ကြသည်။ သို့သော် သင်္ချိုင်းဂူဟာ ဗလာဖြစ်နေခဲ့ပါသည်။ သင်္ချိုင်းဂူကို ပိတ်ထားတဲ့ ကျောက်တုံးကြီးဟာလည်း လှိမ့်ဖယ်ထားခံခဲ့ရကာ အလောင်းကိုပတ်သည့် ပိတ်စများသည်လည်း သပ်သပ်ရပ်ရပ် ခေါက်ထားလျက်သား ရှိနေခဲ့ပြီး ယေရှုရဲ့ခန္ဓာကိုယ်ဟာလည်း ပျောက်ဆုံးနေခဲ့ပါသည်။

မာဂဒလမာရိဟာ ယေရှု့ခရစ်တော် ရှင်ပြန်ထမြောက်ပြီးနောက် ယေရှုနှင့် ပထမဆုံးတွေ့ဆုံခဲ့သည့် အမျိုးသမီး တစ်ဦးဖြစ်ပါသည်။ စိတ်ပူပန်နေသောသူမသည် အစပိုင်းတွင် သူ့ကို ဥယျာဉ်မှူးဟု့ အထင်မှားခဲ့ပါသည်။ သို့သော် ယေရှုသည် သူမ၏နာမည်ကို ခေါ်လိုက်သောအခါတွင် သူမသည် သူ့ကို မှတ်မိသွားခဲ့သည်။ ယေရှုက မာရိအား သူ၏နောက်လိုက်များကို ဒီသတင်းကို မျှဝေဖို့ ရန်ပြောကြားခဲ့ပါသည်။  ထိုနောက်မာရိသည် တခြားသူများကို ပြောပြရန် အလျှင်အမြန်ပြေးသွားခဲ့သော်လည်း၊ ဘယ်သူမှ သူမကို မယုံကြည်ခဲ့ကြပါ။

တပည့်တော်များသည် မာရိရဲ့ပြောဆိုချက်အားသံသယဝင်ခဲ့သော်လည်း သိချင်စိတ်ပြင်းပြခဲ့ကြပါသည်။ ဂျူးခေါင်းဆောင်များသည် သူတို့အား ယေရှုနောက်လိုက်ခဲ့သည့်အတွက် အပြစ်ပေးမှာကို စိုးရိမ်နေခဲ့ကြပါသည်။ ထို့ကြောင့်သူတို့သည် ဘာလုပ်ရမှန်းမသိဖြစ်ကာ တံခါးပိတ်၍ ပုန်းနေကြစဉ်တွင် ယေရှုသာ် သူတို့၏ အလယ်၌ ရုတ်တရက် ပေါ်လာခဲ့ပါသည်။

"သင်တို့၌ ငြိမ်သက်ခြင်း ရှိစေသတည်း" ဟုယေရှုသည် သူတို့အလယ်၌ ရပ်နေကာ ပြောလိုက်ပါသည်။ သူဟာ အသက်ရှင်နေကြောင်း တပည့်တော်တို့ကို ပြသခဲ့ပြီး၊ သူ့၏ ခွင့်လွှတ် ခြင်းနှင့်ဆိုင်သော သတင်းစကားကို ဝေငှခဲဘသည်။ ထို့နောက် တစ်ယောက်နှင့်တစ်ယောက် ခွင့်လွှတ်ရန် တိုက်တွန်းခဲ့ကာ အရေးအကြီးဆုံးသောအရာမှာ သူတို့အား ဧဝံဂေလိ သတင်းကောင်းကို ဝေငှရန်နှင့် တခြားသူများကို  ဂရုစိုက်ရန် အထူးတာဝန်ပေးခဲ့ပါသည်။

 သမ္မာကျမ်းစာထဲတွင် ယေရှု ရှင်ပြန်ထမြောက်ပြီးနောက် တခြားသူများနှင့် တွေ့ဆုံခဲ့သည်အကြောင်း များစွာ မှတ်တမ်းတင်ထားပြီး၊ သူ့အာဍ အသက်ရှင်လျက်မြင်တွေ့ခဲ့သူ လူပေါင်း ၅၀၀ ကျော်ပင်ရှိသည်ဟု ဖော်ပြထားသည်။ တပည့်တော်များသည် သူ့တို့၏တာဝန်များကို စိတ်နှလုံးထဲတွင် အထူးထားရှိပြီး "ယေရှု အသက်ရှင်သေးသည်" ဟူသော သတင်းစကားကို အနယ်နယ်အရပ်ရပ်သို့ ဖြန့်ဝေခဲ့ကြပါသည်။

တပည့်တော်များသည် ယေရှု၏ရှင်ပြန် ထမြောက်ခြင်းအား အဘယ်သောအခါမှ သံသယမဝင်ခဲ့ကြပေ။ သူတို့သည် အာရှ၊ ပါရှား၊ အီသီယိုးပီးယား၊ အိန္ဒိယ နဲ့ ဥရောပတစ်ဝှမ်းအား ဧဝံဂေလိသတင်းကောင်းမျှဝေရန် ခရီးထွက်ခဲ့ကြသည်။ ထိုအမှု့အရာအတွက် သူတို့၏ အသက်ကိုပင် ပေးဆပ်ဝံ့ကြသည်။ ယေရှု၏ တပည့်တော်အများစုသည် သူတို့၏ ယုံကြည်ချက်များကြောင့် ရက်ရက်စက်စက်ပင် အသတ်ခံခဲ့ကြရသည်။

ဒီဖြစ်ရပ်မှန်ဇာတ်လမ်းလေးအား ဖိနှိပ်ဖို့ရန် အမျိုးမျိုး ကြိုးစားခဲ့ကြသော်လည်း၊ ၎င်းဟာ နှစ်ပေါင်းထောင်ချီ တည်တံ့နေခဲ့ပါသည်။ ယနေ့ခေတ်တွင် လူဦးရေ ဘီလီယံ ၂.၃ ကျော်သည် (ရှင်ပြန်ထမြောက်ခြင်း) အီစတာဇာတ်လမ်းအားယုံကြည်ကြပါသည်။ ရှေဦး မျက်မြင်သက်သေများ၏ သက်သေခံချက်များကိုလည်းယုံကြည်ကြပြီး ယေရှုခရစ်တော်နှင့် ချိတ်ဆက်ခြင်းများကိုလည်း ကိုယ်တွေ့ကြုံခံစားနေကြပါသည်။

ခရစ်ယာန်များသည် ယေရှုဟာကောင်းကင်ဘုံသို့ပြန်ကြွသွားပြီဖြစ်သော်လည်းဆုတောင်းခြင်းမှတစ်ဆင့်လူများနှင့်ဆက်သွယ်နေဆဲဖြစ်သည်ဟုယုံကြည်ကြပါသည်။လူအများအပြားသည်အိပ်မက်များ၊ဗျာဒိတ်ရူပါရုံများ၊သို့မဟုတ်ပိုမိုမေတ္တာထားတတ်ပြီးအသက် ရှင်နေထိုင်တတ်ရန်  လိုအပ်သော စိတ်အားထက်သန်များ စသည်သူတို့၏ဘဝကိုပြောင်းလဲစေခဲ့သော ယေရှုခရစ်တော်နှင်ပတ်သတ်သောအတွေ့အကြုံများကိုလည်း ဖော်ပြလေ့ရှိပါသည်။

ချောကလက်တွေ၊ ကြက်ဥတွေ၊ ပြီးတော့ အဲဒီလျှို့ဝှက်ဆန်းကြယ်တဲ့ အီစတာယုန်တွေကရော ဘယ်လိုဖြစ်ပေါ်ခဲ့တာလဲ။ ပျော်ရွင်စရာကောင်းသော်လည်း  ၊ ဒီဓလေ့ထုံးတမ်းများသည် သမ္မာကျမ်းစာရှိ ဇာတ်လမ်းနှင့် ပတ်သက်ခြင်းမရှိပေ။ တချို့သည် ကြက်ဥဟာ ယဉ်ကျေးမှုအမျိုးမျိုးမှာ ပြန်လည်မွေးဖွားခြင်းကို ကိုယ်စားပြုသည်ဟု ဆိုကြပါတယ်။ အချိန်ကြာလာသည်နှင့်အမျှ ခရစ်ယာန်နဲ့ ခရစ်ယာန်မဟုတ်သော အခြားဓလေ့ထုံးတမ်းများသည် ပေါင်းစပ်သွားပြီး၊ အီစတာမီးပုံပွဲများကဲ့သို့သော နွေဦးရာသီဓလေ့ထုံးစမ်းများကိုလည်း ထည့်သွင်းလာခဲ့ကြပါသည်။

 အီစတာ(ရှင်ပြန်ထမြောက်ခြင်း) က သင့်ကိုပြန်လည်စဉ်းစားဆင်ခြင်ရန် ဖိတ်ခေါ်နေပါသည်။ ယေရှုရဲ့ရှင်ပြန်ထမြောက်ခြင်းသည် အမှန်တရားလား ဒါမှမဟုတ် ပါးနပ်သောလိမ်ညာမှုတစ်ခုလား။ ၎င်းကို သင်ကိုယ်တိုင် ဆုံးဖြတ်ရမည် ဖြစ်ပါသည်။

ယေရှုရဲ့ဘဝနှင့် အီစတာအကြောင်း ပိုမိုလေ့လာလိုပါသလား။ သမ္မာကျမ်းစာထဲက ယောဟန်ခရစ်ဝင်ကျမ်းကို အခြေခံထားတဲ့ ဒီရုပ်ရှင်ကို ကြည့်ရှုလိုက်ပါ။