ချစ်ခြင်းမေတ္တာထဲမှာ ကြောက်ရွံ့ခြင်း မရှိပါဘူး 🔥

ကျွန်မတို့ကို အရမ်း ချစ်တဲ့သူတစ်ယောက် ဘေးနားမှာရှိနေတယ် ဆိုရင် ဘာကြီးပဲ ရင်ဆိုင်ရပါစေ ရင်ဆိုင်မယ် ဆိုပြီး သတ္တိရှိလာတဲ့ အချိန် တွေရှိခဲ့ဖူးမှာပါ ။ 

ဒီနေ့ သင့်ကို မေးခွန်းလေး တစ်ခုလောက် မေးကြည့်ချင်ပါတယ် …

ဘုရားသခင်က ကျွန်မတို့ကို အရမ်းချစ်တယ်ဆိုတာ ကျွန်မတို့သိရှိပြီး နောက်ပိုင်းမှာ ကျွန်မတို့ရဲ့နှလုံးသားထဲက ကြောက်ရွံ့ခြင်းတွေက ရှိသေးလား ?

သမ္မာကျမ်းစာက အဖြေ ပေးထားပါတယ်—

“ချစ်​ခြင်း​မေ​တ္တာ​သည် ကြောက်​ခြင်း​သံ​ဝေ​ဂ​နှင့် မ​ပေါင်း​နိုင်​ရာ။ သံ​ဝေ​ဂ​သည် ပူ​ပန်​ခြင်း​ဝေ​ဒ​နာ​ကို ဖြစ်​စေ​သော​ကြောင့်၊ စုံ​လင်​သော​မေ​တ္တာ​သည် သံ​ဝေ​ဂ​ကို ပယ်​ရှား​တတ်၏။ သံ​ဝေ​ဂ​ရှိ​သော​သူ​သည် မေ​တ္တာ​နှင့် မ​ပြည့်​စုံ​သေး” ၁ ရှင်ယောဟန် 4:18

ဘုရားသခင်ရဲ့ ပြည့်စုံတဲ့ချစ်ခြင်းက ကျွန်မတို့ရဲ့ ကြောက်ရွံ့ခြင်းကို ပယ်ရှားပေးပါတယ်။

တစ်ခါတလေ ကြောက်ရွံ့ခြင်းက ကျွန်မတို့ရဲ့ ဆုံးဖြတ်ချက်တွေကို ထိန်းချုပ်လာတတ်ပါတယ်။

ဒါပေမယ့် ဘုရားသခင်ရဲ့ချစ်ခြင်းကို နားလည်လာတဲ့အခါ ကျွန်မတို့ရဲ့နှလုံးသားမှာ လုံခြုံမှုတစ်ခု ရလာပါတယ်။

အဲ့ဒါကတော့ “ငါ့ကို ဘုရားသခင်က ချစ်တော်မူတယ်”  “ငါတစ်ယောက်တည်း မဟုတ်ဘူး” ဆိုတာ သိလာလို့ပဲ ဖြစ်ပါတယ် ။

🌿 ချစ်ခြင်းမေတ္တာက ကြောက်ရွံ့ခြင်းရဲ့ အမြစ်ကို ဖယ်ရှားပေးပါတယ် ။

“ထို​သို့​ငါ​တို့​သည် ချစ်​ခြင်း​မေ​တ္တာ​နှင့် ပြည့်​စုံ​သော​အား​ဖြင့်၊ တ​ရား​ဆုံး​ဖြတ်​တော်​မူ​သော​နေ့၌ ရဲ​ရင့်​ရ​သော​အ​ခွင့် ရှိ​ကြ​လိမ့်​မည်။ အ​ကြောင်း​မူ​ကား၊ ငါ​တို့​သည် ကိုယ်​တော်၏​နည်း​တူ ဤ​လော​က၌​ဖြစ်​ကြ၏။” ၁ ရှင်ယောဟန် 4:17

သင်ဟာ တရားဆုံးဖြတ်ရာကာလမှာလည်း ခရစ်တော်အားဖြင့် ရဲရင့်ရသောအခွင့် ရှိတာ ဖြစ်ပါတယ် ။ ဒါဟာ ကြောက်ရွံ့ခြင်း မရှိတော့ဘူး ဆိုတာထက် ပိုနက်နဲပါတယ်။

ကြောက်ရွံ့လာတဲ့အချိန်မှာ ဘယ်သူ့ထံ ပြန်ပြေးရမလဲဆိုတာ သိလာခြင်း ဖြစ်ပါတယ်။

မိတ်ဆွေ ရေ…

သင်ကြောက်နေတဲ့အချိန်မှာ သင့်ရဲ့ ကြောက်ရွံ့ခြင်းကိုပဲ ကြည့်မနေပါနဲ့ ! 

သင့်ကို သိပ်ချစ်တဲ့ ဘုရားသခင်ကို ကြည့်ပါ။

ကြောက်ရွံ့ခြင်းက…

“တစ်ခုခုဖြစ်ရင် ငါဘာလုပ်မလဲ?”

လို့ မေးတဲ့အခါ…

ယုံကြည်ခြင်းက…

“ဘာပဲဖြစ်လာပါစေ၊ ငါ့ဘုရားသခင်က ငါနဲ့အတူရှိတယ်”

လို့ ပြန်ဖြေနိုင်ခြင်းပဲ ဖြစ်ပါတယ်။ 🤍

ဘုရားသခင်ရဲ့ချစ်ခြင်းက သင့်အတွက် လုံခြုံရာဖြစ်ပါတယ် 🤍