❤️ စစ်မှန်သောချစ်ခြင်းမေတ္တာ၏ အရင်းအမြစ်

မိတ်ဆွေ၊ ရေ…   ချစ်ခြင်းမေတ္တာဆိုတာ ကျွန်မတို့ဘဝမှာ အလွန်လိုအပ်တဲ့အရာတစ်ခုပါ။

ကျွန်မတို့လူသားတွေက အချစ်ခံချင်တယ် ။  နားလည်ခံချင်တယ်။ တန်ဖိုးထားခံချင်တယ်။ စွန့်ပစ်မခံချင်ကြပါဘူး ။

တစ်ခါတလေ ကျွန်မတို့ရဲ့နှလုံးသားက ဒီလိုမျှော်လင့်ချက်တွေကို လူတွေဆီမှာ ထားမိတတ်ပါတယ်။

“သူက ငါ့ကို တကယ်ချစ်ရဲ့လား?”  “သူက ငါ့ကို စွန့်ပစ်သွားမှာလား?”  “ငါ့ကို နားလည်ပေးမယ့်သူ ရှိပါ့မလား?” ဆိုပြီး တွေးပူမိတတ်ကြပါတယ်

ဒါပေမယ့် ဒီနေ့ စစ်မှန်သောချစ်ခြင်းမေတ္တာရဲ့ အရင်းအမြစ်သည် ဘုရားသခင်ဖြစ်တယ် ဆိုတဲ့ သမ္မာတရားတစ်ခုကို ကျွန်မ သတိပေးချင်ပါတယ် ။

သမ္မာကျမ်းစာထဲမှာ—

“ချစ်​ခြင်း​မ​ရှိ​သော​သူ​သည် ဘု​ရား​သ​ခင်​ကို​မ​သိ။ အ​ကြောင်း​မူ​ကား၊ ဘု​ရား​သ​ခင်​သည် ချစ်​ခြင်း​မေ​တ္တာ ဖြစ်​တော်​မူ၏။-” ၁ ရှင်ယောဟန် 4:8 JBMLE

ဒီကျမ်းပိုဒ်က  “ဘုရားသခင်မှာ ချစ်ခြင်းမေတ္တာရှိတယ်” လို့သာ မပြောပါဘူး။

“ဘုရားသခင်သည် ချစ်ခြင်းမေတ္တာဖြစ်တော်မူ၏” လို့ ပြောပါတယ်။

ဒါဟာ အလွန်နက်နဲတဲ့ သမ္မာတရားဖြစ်ပါတယ် ။

ဘုရားသခင်ကိုယ်တိုင်က မေတ္တာရဲ့ အရင်းအမြစ်ဖြစ်ပါတယ် ။

မြစ်တစ်စင်းရဲ့ ရေကို သောက်ပြီး အရင်းအမြစ်ကို မေ့သွားလို့ မရပါဘူး။

လူတစ်ယောက်က သင့်ကို ချစ်ပေးတဲ့အခါ အဲဒီချစ်ခြင်းကို ကျေးဇူးတင်လို့ ရပါတယ်။

ဒါပေမယ့် သင့်နှလုံးသားရဲ့ မျှော်လင့်ခြင်းရှိသမျှကို အဲ့လူတစ်ယောက်ပေါ်မှာ တင်ထားဖို့တော့ မဟုတ်ပါဘူး ။ 

ဘုရားသခင်ရဲ့ချစ်ခြင်းမေတ္တာက သင့်အတွက် ပြည့်စုံပြီး သစ္စာရှိတဲ့ ချစ်ခြင်းမျိုး ဖြစ်ပါတယ် ။

မိတ်ဆွေ ရေ …

သင်နဲ့ ကျွန်ုပ်ဟာ ချစ်ခြင်းခံထိုက်လို့ ဘုရားသခင်က သင့်ကိုချစ်တာ မဟုတ်ပါဘူး။

သူသည် ချစ်ခြင်းမေတ္တာဖြစ်တော်မူသောကြောင့် ကျွန်ုပ်တို့ကို ချစ်တော်မူတာပါ။ ❤️

စစ်မှန်တဲ့ချစ်ခြင်းမေတ္တာက အရင်းအမြစ်ဖြစ်တဲ့ ဘုရားသခင်ကိုယ်တော်တိုင်ပါ ။  

ဘုရားသခင်သည် ချစ်ခြင်းမေတ္တာဖြစ်တော်မူပါတယ် 🤍