မဖြစ်လာမှာ မစိုးရိမ်ပါနဲ့  မိတ်ဆွေ!

မနေ့က ကျွန်မတို့ရဲ့ ရူပါရုံတွေဟာ လက်လှမ်းမမှီလောက်အောင် ဝေးကွာ မနေဘူးဆိုတာကို လေ့လာဆင်ခြင်ခဲ့ကြပါတယ် ။ ဒီနေ့မှာတော့ သင့်ကို ဘုရားပေးတဲ့ ရူပါရုံတွေ ဖြစ်လာပါ့မလား ၊ ဘယ်တော့ဖြစ်လာမှာလဲ ဆိုပြီး စိုးရိမ်ခြင်းတွေကို အဆုံးသတ်လိုက်ဖို့ ဆင်ခြင်ကြဖို့ ဖြစ်ပါတယ် ။ 

အဲဒီရူပါရုံတွေကို အကောင်အထည် ဖော်နိုင်ဖို့က ဖြစ်ကို ဖြစ်လာမှာပါ ။ ဘုရားသခင်ကို စိတ်ချယုံကြည်ခြင်းကပဲ သင့်ကို သက်သာစေပါလိမ့်မယ် ။ 

ဒီနေ့မှာတော့ သင်လုပ်ဆောင်နိုင်မယ့် အရာလေးတွေ ရှိပါတယ် -

1. သင့်ရဲ့ ရူပါရုံ ကို စာနဲ့ ရေးချပါ။

2. အဲဒီ့ ရူပါရုံ အကြောင်း ဘုရားသခင်နဲ့အတူ ဆုတောင်းပြီး စကားပြောပါ။

3. လက်တွေ့ဖြစ်လာဖို့အတွက် သင်ကိုယ်တိုင် စတင်လုပ်ဆောင်ပါ။

ကျရှုံးမှာကို မကြောက်ပါနဲ့။ မဖြစ်လာမှာ မစိုးရိမ်ပါနဲ့ ။ အောင်မြင်မှု မရသေးရင်တောင် သင်ဟာ အတိတ်က အမှားတွေဆီကနေ သင်ခန်းစာယူနိုင်ပြီး နောက်တစ်ကြိမ်မှာ ပိုကောင်းအောင် လုပ်ရင်း ပြောင်းလဲခြင်းကို မြင်တွေ့ရမှာ ဖြစ်ပါတယ် ။ ဘုရားသခင်က သူပေးထားတဲ့ ရူပါရုံကို အသက်ဝင်လာအောင် သင်ကိုယ်တိုင် ခြေလှမ်းလှမ်းပြီး လုပ်ဆောင်စေချင်ပါတယ် ။ 

ဘာမှ စပြီး မလုပ်ရဲသေးရင် ယုံကြည်ခြင်းနဲ့ စတင်လိုက်ပါ ။ 

“ယုံ​ကြည်​ခြင်း​သည် မျှော်​လ​င့်​သော​အ​ရာ​တို့​ကို မျက်​မှောက်​ပြု​ခြင်း​ဖြစ်၏။ မ​မြင်​သေး​သော အ​ရာ​တို့​ကို သိ​မှတ်​စွဲ​လမ်း​ခြင်း​အ​ကြောင်း ဖြစ်၏။-” ဟေဗြဲ‬ ‭11‬:‭1‬

ဘုရားသခင်ဟာ ယုံကြည်ဖို့ ထိုက်တန်တဲ့ ဘုရားပါ ။ သင့်ရဲ့ ယုံကြည်ခြင်းကပဲ သင့်ကို ခြေလှမ်းလှမ်းရဲစေလိမ့်မယ် ။ စိုးရိမ်ခြင်းကတော့ ခြေလှမ်းတွေကို ရပ်တန့်စေပါလိမ့်မယ် ။ 

ဒါကြောင့် မိတ်ဆွေ ရေ... သင့်ရဲ့ ရူပါရုံအတိုင်း သင်ယုံရဲပါသလား ? 

ဘုရားကတော့ သင့်အတွက် အမှုသစ်တွေ ပြုပေးဖို့ အဆင်သင့်ရှိနေပါတယ် ။

ရင်မဆိုင်ခင် အားမလျော့လိုက်ပါနဲ့ မိတ်ဆွေ 🤍