ဘုရားသခင် နောက်ကျနေသလား?

မိတ်ဆွေ  ရေ… ဆေးခန်း၊ ဆံပင်ညှပ်ဆိုင် သို့မဟုတ် စားသောက်ဆိုင်တစ်ခုရဲ့ စောင့်ဆိုင်းခန်းမှာ ထိုင်စောင့်ဖူးပါသလား? တစ်ခါတစ်ရံ စောင့်ရတဲ့အချိန်ဟာ လက်ခံနိုင်လောက်ပေမဲ့ တစ်ခါတစ်ရံမှာတော့ အချိန်က ကြာလွန်းနေတယ်၊ လူက များလွန်းနေတယ်၊ ဆက်မစောင့်ချင်တော့ဘဲ စောင့်ဆိုင်းခန်းထဲက ထွက်သွားချင်လာတာမျိုး ကြုံတတ်ပါတယ်။

ဘုရားသခင်ရဲ့ နှုတ်ကပတ်တော်က ဒီလို ဆိုထားပါတယ်။

“ခပ်​သိမ်း​သော​အ​ရာ​တို့​ကို မိ​မိ​တို့​အ​ချိန်​တန်​မှ၊ လျောက်​ပတ်​စွာ ဖန်​ဆင်း​တော်​မူ​ပြီ။” ဒေသနာ‬ ‭3‬:‭11‬ 

ကတိတော်နဲ့ ကတိတော် ပြည့်စုံခြင်းအကြား ဘယ်လောက်ကြာဦးမလဲ? ဘုရားသခင်က သင့်ကို မေ့သွားပြီလား? သင့်ကို လျစ်လျူရှုထားသလား? သင့်အတွက် ကောင်းတဲ့အရာကို တမင်တကာ ထိန်းထားတာများလား?

အဖြေကတော့… “လုံးဝ မဟုတ်ပါဘူး။”

ဘုရားသခင်ဟာ သင့်ကို လုံးဝမမေ့ပါဘူး။ ဒါဆို ဘာဖြစ်နေတာလဲ?

စောင့်ဆိုင်းရခြင်းဟာ ကတိတော် ပြည့်စုံခြင်းရဲ့ အစိတ်အပိုင်းတစ်ခု ဖြစ်ပါတယ်။ စောင့်ဆိုင်းခြင်းနဲ့ ကတိတော်ဟာ ခွဲခြားလို့ မရပါဘူး။ ထိုစောင့်ဆိုင်းခြင်းဟာ

• သင့်အကျင့်စရိုက်ကို ပုံသွင်းပေးနေခြင်း

• သင့်ကို ခိုင်မာတည်ငြိမ်စေခြင်း

• သူ့ရဲ့ မျက်မှောက်တော်မှာ ဘုရားသခင်နဲ့ ပိုမိုရင်းနှီးလာစေခြင်း

• အသံပေါင်းထောင်ချီကြားမှ သူ့ရဲ့ အသံတော်ကို ခွဲခြားသိမြင်တတ်လာစေခြင်း

စသဖြင့် တည်ဆောက်ပေးပါတယ်။

ဒါကြောင့် နောက်တစ်ဆင့်သို့ တက်ရမည့်အချိန်၊ တံခါးအသစ်တစ်ခု ဖွင့်ရမည့်အချိန် ရောက်လာတဲ့အခါ သင်ဟာ အဆင်သင့် ဖြစ်နေပါလိမ့်မယ်။

“ဣ​သ​ရေ​လ​အ​မျိုး၏ သန့်​ရှင်း​တော်​မူ​သော​ဘု​ရား၊ အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ သင်​တို့​သည် ပြောင်း​လဲ၍ ငြိမ်​ဝပ်​စွာ​နေ​လျှင်၊ ကယ်​တင်​ခြင်း​သို့​ရောက်​ကြ​လိမ့်​မည်။ ငြိမ်​ဝပ်​စွာ​နေ​ခြင်း၊ ယုံ​ကြည်​ခြင်း​အား​ဖြင့် ခွန်​အား​အ​စွမ်း​ကို ရ​ကြ​လိမ့်​မည်။ သင်​တို့​သည် ထို​သို့​သော အ​လို​မ​ရှိ​ကြ။”

‭‭ဟေရှာယ‬ ‭30‬:‭15‬ ‭

မိတ်ဆွေ  ရေ… တိတ်ဆိတ်ငြိမ်သက်စွာနဲ့ ယုံကြည်စိတ်ချစွာ စောင့်နေပါ။ ဘုရားသခင်ရဲ့ ကတိတော်ဟာ လမ်းပေါ်မှာ ရှိနေပါပြီ။ သူ့ရဲ့ အချိန်တော်မှာ ရောက်ရှိလာမှာ ဖြစ်ပါတယ်။ ဘာကြောင့်လဲဆိုရင် ဘုရားသခင်ဟာ ဘယ်တော့မှ နောက်မကျတတ်သောကြောင့် ဖြစ်ပါတယ်။