သခင်ဘုရားပေးတဲ့ ဝမ်းမြောက်ခြင်းဟာ အချိန်တိုင်းမှာ ရှိနေပါတယ်!

ဒီနေ့ကတော့ “ဘာကြောင့် စိတ်ဖိစီးနေရသလဲ ?” ဆိုတဲ့ ခေါင်းစဉ်နဲ့ နှုတ်ကပါတ်တော်ကိုလေ့လာရင်း တည်ဆောက် ခံယူနေခြင်းရဲ့ နောက်ဆုံးနေ့ရက် ဖြစ်ပါတယ် ။

မိတ်ဆွေ ရေ … 

သင်ဟာ နေ့တိုင်းမှာ ပျော်ရွှင်နိုင်ခွင့် ရှိတယ်ဆိုတာ သိပါသလား?

ဖိလိပ္ပိ ၄:၄ မှာ အခုလို ဖော်ပြထားပါတယ် “သ​ခင်​ဘု​ရား၌ အ​စဉ်​မ​ပြတ် ဝမ်း​မြောက်​ခြင်း​ရှိ​ကြ​လော့။ တစ်​ဖန် ငါ​ဆို​သည်​ကား ဝမ်း​မြောက်​ကြ​လော့။-” ဖိလိပ္ပိ‬ ‭4‬:‭4‬

တမန်တော်ပေါလုက ဒီကျမ်းပိုဒ်ကို ရေးသားတဲ့အချိန်မှာ သူဟာ ထောင်ထဲမှာ ရောက်နေတာပါ။ ထောင်ထဲမှာတောင်၊ အဆိုးရွားဆုံး အခက်အခဲတွေကြားမှာတောင် ဝမ်းမြောက်ဖို့ဆိုတာ ဖြစ်နိုင်ပါ့မလား လို့စဉ်းစားနေရင် ဖြစ်နိုင်ပါတယ် ! ကျွန်မတို့အနေနဲ့ မလွယ်ကူပေမယ့် ဘုရားသခင်အားဖြင့်တော့ သိပ်ကို ဖြစ်နိုင်ပါတယ်!

ဝမ်းမြောက်ခြင်းဆိုတာ ရွေးချယ်မှုတစ်ခုဖြစ်ကြောင်း ပေါလုက ကျွန်မတို့ကို ပြသခဲ့ပါတယ်။ သင့်ရဲ့ ဝမ်းမြောက်ခြင်းဟာ သင့်ပတ်ဝန်းကျင်မှာ ဘာဖြစ်နေသလဲဆိုတဲ့အပေါ်မှာ မမူတည်ဘဲ၊ သင့်အထဲမှာရှိတဲ့ ဘုရားသခင်အပေါ်မှာပဲ မူတည်ပါတယ်။

“သင်​သည် ရေ​ကို​လျှောက်​သွား​သော​အ​ခါ၊ သင်​နှင့်​အ​တူ ငါ​ရှိ၏။ မြစ်​တို့​ကို လျှောက်​သွား​သော​အ​ခါ၊ မ​နစ်​မ​မွန်း​ရ။ မီး​ကို ချင်း​နင်း​သော​အ​ခါ​လည်း မ​လောင်​ရ။ မီး​လျှံ​လည်း မ​ညိ​ရ။” ဟေရှာယ‬ ‭43‬:‭2‬

ဒါဟာ သင့်အတွက် ဘုရားသခင်ရဲ့ ကတိတော်ဖြစ်ပါတယ် ။

ခက်ခဲတဲ့ အချိန်တွေ ရောက်လာတဲ့အခါ သင်ဟာ ဘုရားသခင်နဲ့အတူ ကျော်ဖြတ်နေရတယ်ဆိုတာကို သိမှတ်စွဲလမ်းရင်း ဝမ်းမြောက်နိုင်ပါတယ်။ 

မိတ်ဆွေ ရေ... သင် ဘာကိုပဲ ဖြတ်သန်းနေရပါစေ၊ သခင်ဘုရားပေးတဲ့ ဝမ်းမြောက်ခြင်းဟာ သင့်အတွက် နေ့တိုင်းမှာ ရှိသလို အဲ့ဒီဝမ်းမြောက်ခြင်းကလည်း သင်နဲ့ ထိုက်တန်ပါတယ် ။

စိတ်ဖိစီးမှုဟာ သင့်အတွက် ဘုရားသခင်အလိုတော်ရှိတဲ့ အရာ မဟုတ်ပါဘူး ။ ဝမ်းမြောက်ရင်းကို အစဉ်အမြဲရွေးချယ်ပြီးတော့ ဘုရားသခင်ထဲမှာ နေထိုင်အသက်ရှင်ဖို့ရန်အတွက် ခွန်အားပေးတိုက်တွန်းချင်ပါတယ် ။

သင်ဟာ ကောင်းကြီးမင်္ဂလာဖြစ်ပါတယ် 🤍