သင့်ဘဝကို (တကယ်) ဘယ်သူက ထိန်းချုပ်နေတာလဲ?

“အရာအားလုံး ငါ့ပုခုံးပေါ်မှာ ရှိနေတယ်။ ငါ့သားသမီးတွေ အောင်မြင်ဖို့က ငါ့အပေါ်မှာပဲ မူတည်တယ်။ အိမ်ကို အမြဲသန့်ရှင်းနေအောင် လုပ်ဖို့က ငါ့တာဝန်ပဲ။ ငါ့အိမ်ထောင်ဖက် ပြောင်းလဲလာဖို့က ငါလုပ်ရမှာပဲ... ငါ... ငါ... ငါ...!” ဆိုပြီး ငါလုပ်မှ ဖြစ်မယ် ဆိုတဲ့ အတွေးက သိပ်ကို စိတ်ဖိစီးစရာ ကောင်းပါတယ် ။ 

ဝမ်းနည်းစရာကောင်းတာက တစ်ခါတလေ ကျွန်မတို့ အဲဒီလိုပဲ အသက်ရှင်နေကြတာ မဟုတ်လား? ပြဿနာက အဲဒီလိုတွေးတာဟာ ဘုရားသခင်အတွက် နေရာမရှိတော့တာပါပဲ။ ဘုရားသခင်ကို ထိန်းချုပ်ခွင့် မပေးဘဲ “ငါပဲ ထိန်းချုပ်နေတာ” လို့ စတင်တွေးလိုက်တဲ့အခါ စိတ်ဖိစီးမှုတွေ စတင်ဝင်လာပါတော့တယ်။

ဘုရားသခင်ဟာ ကောင်းမြတ်တဲ့အရှင်ဖြစ်ပြီး ကျွန်မတို့ရဲ့ ယုံကြည်ကိုးစားမှု အပြည့်အဝကို ကိုယ်တော့်အပေါ်မှာ ထားစေချင်ပါတယ်။ ကိုယ်တော့်ရဲ့ ဂရုစိုက်မှုအောက်မှာ ကျွန်မတို့ကိုယ်ကို လုံးလုံးလျားလျား အပ်နှံပြီး ကိုယ်တော့်ရဲ့ ငြိမ်သက်ခြင်းထဲကို ဝင်စေချင်တာပါ။

ကျွန်မတို့က “အရှင်ဘုရား၊ ကိုယ်တော်ကို ကျွန်ုပ် ယုံကြည်ပါတယ်!” လို့ အပြည့်အဝယုံကြည်ပြီး ပြောနိုင်တဲ့အခါ စိုးရိမ်ပူပန်မှုတွေလည်း လုံးဝ ပျောက်ကွယ်သွားပါလိမ့်မယ် ။ 

 သမ္မာကျမ်းစာထဲမှာ - “ထာ​ဝ​ရ​ဘု​ရား​ကို ခို​လှုံ၍၊ ကောင်း​သော​အ​ကျင့်​ကို ကျင့်​လော့။ ပြည်​တော်၌​နေ၍၊ သ​စ္စာ​တ​ရား​ကို ကျက်​စား​လော့။” ဆာလံ‬ ‭37‬:‭3‬ 

လို့ သွန်သင်ထားပါတယ် ။ ဒါဟာ အရမ်းကို ရိုးရှင်းပါတယ်။

ကျွန်မတို့က ဘုရားသခင်ကို ယုံကြည်ဖို့ နေ့စဉ် ဆုံးဖြတ်ချက်ချတဲ့အခါ ကိုယ်တော်က ကျွန်မတို့ဘဝထဲမှာ ကောင်းကြီးမင်္ဂလာတွေကို ယူဆောင်လာပေးပြီး လိုအပ်ချက်အားလုံးကို သူကိုယ်တိုင် ဖြည့်ဆည်းပေးပါတယ်။ 

ဒါကြောင့် ကျွန်မ မေးပါရစေ - မိတ်ဆွေ ရဲ့ ဘဝကို ဘယ်သူက တကယ် ထိန်းချုပ်နေတာလဲ? သင့်ရဲ့ အနာဂတ်အတွက် ဘယ်သူ့ကို ယုံကြည်ကိုးစားနေတာလဲ?

စိတ်ဖိစီးမှုနဲ့ စိုးရိမ်ပူပန်မှု တံခါးတွေကို ပိတ်လိုက်ပါ၊ သင့်ဘဝရဲ့ ကဏ္ဍတိုင်းကို သခင်ဘုရားထံ အပ်နှံလိုက်ပါ။ ကိုယ်တော်နဲ့အတူ လျှောက်လှမ်းတဲ့ ဘဝတစ်လျှောက်လုံးမှာ သင့်ကို ဘယ်လိုလမ်းပြရမလဲဆိုတာ ကိုယ်တော် သိပါတယ်။ အရာရာကို လွှတ်ချလိုက်ပြီး ဘုရားသခင်ကို အပ်နှံလိုက်ပါ... ကိုယ်တော်က သင့်ကို ရောက်သင့်တဲ့ ပန်းတိုင်ဆီ ပို့ဆောင်ပေးပါလိမ့်မယ်!

သင့်ဘဝကို ယေရှုဘုရားသာ အမှန်တကယ် ဦးဆောင်ပါစေ 🤍

ယနေ့ ဤသက်သေခံချက်ကို ကြည့်ရှုလိုက်ပါ - “သခင်ဘုရား အလုပ်လုပ်ပုံကို ကျွန်မ တကယ်သဘောကျပါတယ်။ ဒီနေ့ ကျွန်မရဲ့ ကျမ်းစာလေ့လာမှုမှာ လုကာ ၁၆:၁၉-၃၁ ကို ရောက်သွားပါတယ်။ ကျွန်မအတွက် ဒီသင်ခန်းစာ တကယ်လိုအပ်နေတာပါ။ လေ့လာနေတုန်းမှာပဲ ဝိညာဉ်တော်ဘုရားက ကျွန်မကို သတိပေးတာက ကျွန်မဟာ ဘဝကို ကိုယ်တိုင်ထိန်းချုပ်ဖို့ ကြိုးစားနေပြီး ကိုယ်တော့်လမ်းပြမှုကို လုံးဝလွှတ်မပေးဘဲ ဖြစ်နေတာပါ။ ဆရာမဆီက ဒီနေ့ သတင်းစကားက ဒါကို အတည်ပြုပေးလိုက်တာပါပဲ။ ဘုရားသခင်ကို ချီးမွမ်းပါတယ်။ ဆရာမ ရှိနေပေးလို့နဲ့ ဘုရားသခင်ရဲ့ သတင်းစကားတွေကို ဝေမျှပေးနေတဲ့အတွက် ကျေးဇူးတင်ပါတယ်!” (Anne)