မကြောက်ပါနှင့်!

မိတ်ဆွေ ရေ… ယနေ့ ဘုရားသခင်ဟာ သင့်စိုးရိမ်ပူပန်မှုများအားလုံးကို သူ့လက်ထဲ အပ်နှံဖို့ ဖိတ်ခေါ်တော်မူနေပါတယ်။ ဘုရားသခင်ဟာ သင့်ကို ထောက်မမယ်၊ ကူညီမယ်၊ သင့်နဲ့အတူ ရှိမယ်လို့ ကတိပြုထားပါတယ်။

“မ​စိုး​ရိမ်​နှင့်။ ငါ​သည် သင့်​ဘက်​မှာ​ရှိ၏။ မ​ကြောက်​နှင့်။ သင်၏​ဘု​ရား​သ​ခင် ငါ​သည် သင့်​ကို​ခိုင်​ခံ့​စေ​မည်။ သင့်​ကို စောင့်​မ​မည်။ ငါ့​သ​စ္စာ​လက်​ယာ​လက်​ဖြင့် ထောက်​ပင့်​မည်။” ‭‭ဟေရှာယ‬ ‭41‬:‭10‬ 

သင့်ပတ်ဝန်းကျင်ရှိ အရာအားလုံး လှုပ်ခတ်နေချိန်၊ အရာရာဟာ သင့်ထိန်းချုပ်မှုအပြင်ဘက်ကို ရောက်သွားချိန်မှာ သင့်ကိုယ်သင်သာ အားကိုးနေမည့်အစား ဘုရားသခင်ကို အားကိုးလိုက်ပါ။ မိမိကိုယ်ကိုသာ အားကိုးသောအခါ ကြောက်ရွံ့ခြင်းက စတင်ဝင်ရောက်လာတတ်လို့ ဖြစ်ပါတယ်။

ထိုကြောက်ရွံ့မှုက သင့်စိတ်ထဲမှာ မေးခွန်းများစွာကို ဖြစ်ပေါ်စေပါတယ်

• “ငါ တကယ် ဖြတ်ကျော်နိုင်ပါ့မလား?”

• “ဒီအခြေအနေကနေ ဘယ်လို လွတ်မြောက်ရမလဲ?”

• “ငါ့ဘဝ ဘာဖြစ်သွားမလဲ?”

မသေချာမှုများနှင့် နာကျင်စရာ အတိတ်အမှတ်တရများက ထိုကြောက်ရွံ့မှုကို ပိုမိုကြီးထွားစေသောအခါ၊ ထိုမေးခွန်းများဟာ “ငါ မဖြတ်ကျော်နိုင်တော့ဘူး!”၊ “မဖြစ်နိုင်တော့ဘူး!”၊ “မျှော်လင့်ချက် မရှိတော့ဘူး!” ဆိုတဲ့ အပျက်သဘောဆောင်သော ကြေညာချက်များ ဖြစ်လာတတ်ပါတယ်။

တမန်တော်ပေတရုလည်း အဲ့လို အခြေအနေကို တွေ့ကြုံခဲ့ရပါတယ်။ ရေပေါ်မှာ လျှောက်လှမ်းပြီး မကြာမီမှာ မထိန်းချုပ်နိုင်သော မုန်တိုင်းကို မြင်တဲ့အခါ ကြောက်ရွံ့ခြင်းက သူ့နှလုံးသားထဲသို့ ဝင်ရောက်လာခဲ့ပါတယ်။ ဒါပေမဲ့ ယေရှုဟာ ပေတရုထံသို့ ချဉ်းကပ်လာပြီး မုန်တိုင်းအလယ်မှာ သူ့လက်ကို ဆွဲထူကာ ကူညီတော်မူခဲ့ပါတယ်။

ဒီနေ့မှာလည်း ယေရှုဟာ သင့်အတွက် ထိုနည်းတူ ပြုနေပါတယ်။ သူဟာ သင့်ထံသို့ ချဉ်းကပ်လာပြီး သင့်နှလုံးသားပေါ်မှာ လက်တင်လျက် သင်နဲ့အတူရှိကြောင်း သင့်ကိုခွန်အားပေးပြီး နူးညံ့စွာ ပြောနေပါတယ်။

မိတ်ဆွေ ရေ… ယခု သင် ဆုတောင်းနေချိန်မှာပင် ဘုရားသခင်ဟာ သင့်အနီးသို့ ချဉ်းကပ်လာပြီး “မကြောက်ပါနှင့်” ဟု ပြောနေပါတယ်။ သင်ကျော်ဖြတ်နေရတဲ့ မုန်တိုင်းအလယ်ထဲမှာ ယခုပင် ကြေညာလိုက်ပါ—

“ထာ​ဝ​ရ​ဘု​ရား​သည် ငါ့​ဘက်​မှာ​ရှိ​တော်​မူ​သည်​ဖြစ်၍ ကြောက်​စ​ရာ​မ​ရှိ။ လူ​သည် ငါ၌ အ​ဘယ်​သို့ ပြု​နိုင်​သ​နည်း။” ‭‭ဆာလံ‬ ‭118‬:‭6‬ 

ဒီနေ့မှာ ကျွန်တော်တို့ အတူတူ ဝန်ခံဆုတောင်းကြရအောင် -

“အဖဘုရား… ကျွန်ုပ်၏ စိုးရိမ်ပူပန်မှုများနှင့် မုန်တိုင်းများအားလုံးကို ကိုယ်တော်ထံ အပ်နှံပါ၏။ ဘုရားသခင်သည် ကျွန်ုပ်ဘက်၌ ရှိတော်မူသောကြောင့် ဘာကိုမျှ မကြောက်ရွံ့ဘဲ ကိုယ်တော်၏ မစကူညီခြင်း၊ ခွန်အားပေးခြင်းကို ယုံကြည်ကိုးစားလျက် ရှေ့သို့ လျှောက်လှမ်းပါမည်။ ယေရှုနာမ၌ ဆုတောင်းပါ၏။ အာမင်။”