ခရစ်တော်၌ သင်သည် အမှန်တကယ် ပြည့်စုံစင်ကြယ်ခြင်းသို့ ရောက်ရှိပြီ!
မိတ်ဆွေ ရေ…
နေ့စဉ်အသက်တာမှာ အမှားတွေ လုပ်မိတဲ့အခါ ဒါမှမဟုတ် ကိုယ့်ရဲ့ အားနည်းချက်တွေကို သတိထားမိတဲ့အခါ မိမိကိုယ်ကို မပြည့်စုံဘူးလို့ ခံစားရပြီး အားငယ်စိတ်ပျက်ဖူးပါသလား ? ဒါပေမယ့် ဒီနေ့မှာ ဘုရားသခင်က သင့်ကို ခရစ်တော်အားဖြင့် ပြည့်စုံစင်ကြယ်သူအဖြစ် မြင်နေတယ်ဆိုတာ ကျွန်မ သတိပေးချင်ပါတယ်။
ကိုယ်တော်ဟာ သင့်ရဲ့ အမှားတွေကို မကြည့်ဖို့ ဆုံးဖြတ်ထားတာတင်မကဘဲ၊ အဲဒီအမှားတွေဟာ လုံးဝ ပျောက်ကွယ်သွားပါပြီ။
“ငါတို့နှင့်ဆန့်ကျင်ဘက်ဖြစ်သော ဝိနည်းအထုံးအဖွဲ့နှင့် စပ်ဆိုင်သောလက်မှတ်ကို ချေ၍၊ လက်ဝါးကပ်တိုင်မှာ ရိုက်ထားလျက်၊ ငါတို့စပ်ကြားထဲက ပယ်ရှင်းတော်မူပြီ။-” ကောလောသဲ 2:14
ဒါကြောင့် ကိုယ်တော်က ရှာမယ်ဆိုရင်တောင် သင့်အပြစ်ကို တွေ့မှာ မဟုတ်တော့ပါဘူး။
“တစ်ဖန်တုံ၊ သူတို့ပြစ်မှားခြင်း၊ လွန်ကျူးခြင်း အမျိုးမျိုးကို ငါမအောက်မေ့ဘဲ နေမည်ဟု လာသတည်း။-” ဟေဗြဲ 10:17 JBMLE
သင့်ရဲ့ အပြစ်တွေဟာ ဖုံးကွယ်ထားရုံတင် မဟုတ်ပါဘူး။ ခရစ်တော်၌ သင်ဟာ အမှန်တကယ်ပင် စင်ကြယ်ခြင်းသို့ ရောက်ခဲ့ပါပြီ။
“အကြောင်းမူကား၊ စင်ကြယ်သောသူတို့သည် ထာဝရစုံလင်ခြင်းအကျိုးကိုရစေခြင်းငှာ၊ တစ်ခါတည်းပူဇော်ခြင်းအားဖြင့် ပြုတော်မူ၏။-” ဟေဗြဲ 10:14
မိတ်ဆွေ ရေ... ယေရှုကို လက်ခံတဲ့နေ့ကစလို့ ထာဝရကာလပတ်လုံး သင်ဟာ စင်ကြယ်သူ ဖြစ်ပါတယ်။ ဒါဟာ သင့်ရဲ့ အရည်အချင်း၊ ပါရမီ ဒါမှမဟုတ် ကောင်းမှုကုသိုလ်တွေနဲ့ လုံးဝမဆိုင်ပါဘူး။ ယေရှုက လက်ဝါးကပ်တိုင်ပေါ်မှာ သင့်အပြစ်အားလုံးကို ယူဆောင်သွားပြီး ကိုယ်တော့်ရဲ့ စုံလင်ခြင်း၊ အပြစ်အနာအဆာကင်းတဲ့ ဝတ်စုံကို သင့်အား ပြန်လည်ပေးသနားခဲ့လို့ ဖြစ်ပါတယ်။
ကျေးဇူးတော်ချီးမွမ်းဖွယ် မကောင်းပေဘူးလား !! ကျွန်မတို့ဟာ လူသားအဖြစ် အားနည်းချက်တွေ ရှိနေပါစေ၊ ယေရှုက သူ့ရဲ့ စုံလင်ခြင်းကို ပေးထားတဲ့အတွက် ကျွန်မတို့ဟာ စုံလင်သူတွေ ဖြစ်ပါတယ်။
ကျွန်မတို့အတူတကွ ဆုတောင်းကြပါစို့ ...
“ယေရှုဘုရားရှင် … ကိုယ်တော်ဟာ အံ့ဩဖွယ် ဘုန်းကြီးသော ဘုရားရှင်ဖြစ်ပါတယ် ။ ကျွန်ုပ်၏ အပြစ်များကို ကိုယ်တော်၏ စင်ကြယ်ခြင်းဝတ်စုံနဲ့ လဲလှယ်ပေးတဲ့အတွက် ကျေးဇူးတင်ပါတယ်။ ကျွန်ုပ်၏ အမှားများဟာ ပယ်ဖျက်ခံရပြီး ပျောက်ကွယ်သွားပါပြီ! ဒါဟာ ကျွန်ုပ် ကြိုးစားလို့ ရတာမဟုတ်ဘဲ ကိုယ်တော်ပေးတဲ့ လက်ဆောင်ဖြစ်ကြောင်း သိမှတ်စွဲလမ်းလျက် နေ့တိုင်း အသက်ရှင်နိုင်ဖို့ မစတော်မူပါ။ ယေရှုနာမ၌ ဆုတောင်းပါ၏ ။ အာမင်။”
ယေရှု ခရစ်တော်၌ သင်သည် စင်ကြယ်စုံလင်သူဖြစ်ပါတယ် 🤍
