ယေရှုသည် သင်၏ “ကွက်လပ် ဖြစ်နေသော နေရာ” ကို ဖြည့်ပေးနိုင်သည်!

မိတ်ဆွေ ရေ … တချို့ မနက်ခင်းတွေ တချို့ နေ့တွေမှာ ဘာမှန်းမသိပဲ တခုခု လိုအပ်နေသလို နှလုံးသားက ဟာလာဟင်းလင်း ဖြစ်နေတဲ့ ခံစားချက်မျိုးသင်ကြုံဖူးပါသလား ? 

ကျွန်မတို့ရဲ့ စိုးရိမ်မှုတွေ၊ ပူပန်မှုတွေကို ယေရှုဘုရားထံ အပ်နှံလေ့ရှိပေမယ့် ကျွန်မတို့မှာ လိုအပ်နေတဲ့ "မရှိခြင်း" တွေကိုရော အပ်နှံဖို့ စဉ်းစားဖူးပါသလား? တချို့သော “မရှိခြင်း” တွေက မသိလိုက် မသိဖာသာ နဲ့ ကျွန်မတို့ အထဲမှာ ပျောက်ကွယ်နေတတ်ပါတယ် ။ 

ဥပမာအားဖြင့် 

• သူတပါးအတွက် ပေးကမ်းချင်စိတ် မရှိတဲ့အချိန်

• မပြုံးပြချင်တဲ့ အချိန်

• တစ်စုံတစ်ယောက်ကို ဘာပေးလို့ ပေးရမှန်း မသိတဲ့ အချိန်တွေပေါ့ ! 

ကျွန်မလည်း အဲဒီလို ဖြစ်ဖူးပါတယ်။ အဲ့လို ဖြစ်လာပြီဆိုရင် ယေရှုခရစ်တော်ကိုပဲ လှမ်းခေါ်မိပါတယ် ။ ဘာကြောင့်လဲ ဆိုတော့ - ယေရှုပဲ အဲ့ဒီ ကွက်လပ်တွေကို ဖြည့်ပေးနိုင်မှာ မို့ပါ ။

ယေရှုဟာ အဲဒီလို လိုအပ်နေမှု၊ ဘာမှမရှိမှုနဲ့ ဟာလာဟင်းလင်း ဖြစ်နေတဲ့ နေရာတွေကို ယူဆောင်သွားပြီး သူ့ရဲ့ ပြည့်စုံခြင်းနဲ့ ပြန်လည်ဖြည့်ဆည်းပေးနိုင်ပါတယ်။

ဒီနေ့မှာ သင့်အနေနဲ့ အဲဒီလို ခံစားနေရရင် ကျွန်မနဲ့အတူ ဒီဆုတောင်းချက်လေးကို ရွတ်ဆိုကြည့်ရအောင်... “ယေရှုဘုရား … ဒီနေ့မှာ ကျွန်ုပ်ဟာ ဘယ်သူ့အတွက်မှ ဘာမှပေးစရာမရှိသလိုမျိုး ဟာလာဟင်းလင်း ဖြစ်နေပါတယ်။ လူတွေကို ချစ်ချင်ပေမယ့် ကျွန်ုပ်မှာ ခွန်အားလျော့နည်းနေပါတယ် ။ ကိုယ်တော်က ကျွန်ုပ်အားဖြင့် ချစ်ပေးဖို့ လိုအပ်ပါတယ်။ ကျွန်ုပ်ကို ကိုယ်တော့်မေတ္တာ၊ မျက်မှောက်တော်၊ ဝမ်းမြောက်ခြင်းနဲ့ စိတ်အားထက်သန်မှုတွေနဲ့ ဖြည့်ပေးပါ။ ယေရှုဘုရား ... ကိုယ်တော်ဟာ အခုပဲ ကျွန်ုပ်ကို ဖြည့်ပေးနေပြီဖြစ်လို့ ကျေးဇူးတင်ပါတယ်” အာမင် ..

“ထို​သူ၏​ပြည့်​စုံ​ခြင်း​မှ​လည်း ကျေး​ဇူး​တစ်​ပါး၌ ထပ်​ဆင့်၍ ကျေး​ဇူး​တစ်​ပါး​ကို ငါ​တို့​ရှိ​သ​မျှ​သည်​ခံ​ရ​ကြ​ပြီ။ ” ရှင်ယောဟန်‬ ‭1‬:‭16‬

ကွက်လပ်တွေကို ဖြည့်ပေးနိုင်တဲ့ အရှင်နဲ့ နေ့တိုင်း စကားပြောပါ 🤍