ရေ… မျက်ရည်ချိုင့်ဝှမ်းမှ ထွက်ခွာလာပါ!

မိတ်ဆွေ ရေ… ဘုရားသခင်ဟာ သင့်ငိုကြွေးသံကို ကြားတော်သော ဘုရားသခင်ဖြစ်ပါတယ်။ သင့်ကို ဖန်ဆင်းပြီး ခေါ်တော်မူသော ဘုရားသခင်ဟာ သင့်ကို အတွင်းကျကျ သိတော်မူပြီး သူ့ရဲ့ မျက်မှောက်တော်မှာ ဘယ်အရာကိုမှ ဖုံးကွယ်ထားလို့ မရပါဘူး။ ဘုရားသခင်ဟာ အရာခပ်သိမ်းကို သိမြင်တော်မူပါတယ်။ ယခုအချိန် ဤစာကို သင် ဖတ်နေစဉ်မှာပင် ဘုရားသခင်ဟာ သင့်ဘေးမှာ ရှိပြီး သင့်ကို မြင်ပါတယ်။ 

“အ​ကျွန်ုပ်​သည် ညည်း​တွား၍ ပင်​ပန်း​လှ​ပါ၏။ အ​ကျွန်ုပ်​ခု​တင်​ကို ကိုယ်​မျက်​ရည်၌ တစ်​ည​လုံး​မျှော၍၊ အိပ်​ရာ​ကို​လည်း မွန်း​စေ​ပါ၏။ ဝမ်း​နည်း​ခြင်း​အား​ဖြင့် မျက်​စိ​ပျက်၍၊ ရန်​သူ​များ​ကြောင့် ပြာ​မှုန်​လျက်​ရှိ​ပါ၏။ မ​တ​ရား​သ​ဖြင့် ပြု​သော​သူ​အ​ပေါင်း​တို့၊ ငါ့​ထံ​မှ ဖယ်​သွား​ကြ။ ငါ​ငို​ကြွေး​သံ​ကို ထာ​ဝ​ရ​ဘု​ရား ကြား​တော်​မူ၏။ ငါ​တောင်း​ပန်​ခြင်း​ကို ထာ​ဝ​ရ​ဘု​ရား​ကြား​တော်​မူ၏။ ငါ​ပြု​သော​ပ​တ္ထ​နာ​စ​ကား​ကို ထာ​ဝ​ရ​ဘု​ရား နာ​ယူ​တော်​မူ၏။ ငါ့​ရန်​သူ​အ​ပေါင်း​တို့​သည် ရှက်​ကြောက်၍ ဆုံး​ရှုံး​ခြင်း ရှိ​ကြ​လိမ့်​မည်။ ချက်​ချင်း​ပြန်​သွား၍ ရှက်​ကြောက်​ခြင်း​သို့ ရောက်​ကြ​လိမ့်​မည်။” ဆာလံ‬ ‭6‬:‭6‬-‭10‬

စိတ်ချပါ… ဘုရားသခင်ဟာ သင့်ကို မျက်ရည်ချိုင့်ဝှမ်းထဲမှ ထုတ်ဆောင်ပါလိမ့်မယ်။ နိမ့်ကျသော အရပ်မှ မြင့်မားသော အရပ်သို့ ပို့ဆောင်ပေးပါလိမ့်မယ်။ ဘုရားသခင်ဟာ သင့်ကို သူနဲ့ ပိုမိုနီးကပ်စေရန် ခေါ်ဆောင်နေခြင်းဖြစ်ပြီး —

 သင့်ယုံကြည်ခြင်းကို ခိုင်မာစေရန်၊

 သင့်နှလုံးသားကို ပြန်လည်ကုစားရန်၊

 သင့်ခွန်အားကို အသစ်ပြန်ဖြစ်စေရန် ဖြစ်ပါသည်။

သင့်မျက်ရည်ကျသံကို ကြားသော ဘုရားသခင်ဟာ သင့်ကို မျက်ရည်ချိုင့်ဝှမ်းမှ ထုတ်ဆောင်၍ ကောင်းကြီးမင်္ဂလာဖြင့် ပြည့်စုံသော မြင့်မားသည့် အရပ်သို့ ဧကန်မလွဲ ရောက်ရှိစေမှာ ဖြစ်ပါတယ်။