နားထောင်ပါ၊ အားပေးပါ၊ ချစ်ပါ!
မိတ်ဆွေ ရေ… သင့်ပတ်ဝန်းကျင်မှာ စိတ်နှလုံး ဝမ်းနည်းပြီး မောပန်းနွမ်းနယ်နေသူတွေကို သင့်စကားတစ်ခွန်းနဲ့ အားပေးနှစ်သိမ့်ပေးနိုင်ဖို့ ဘုရားသခင်က သင့်ကို အသုံးပြုချင်နေတယ်ဆိုတာ သိပါသလား?
“ငါသည် ပင်ပန်းသောသူအား မစခြင်းငှာ စကားပြောတတ်မည်အကြောင်း၊ အရှင်ထာဝရဘုရားသည် လူတတ်၏နှုတ်သတ္တိကို ငါ့အားပေးတော်မူပြီ။ နံနက်အစဉ်အတိုင်း ငါ့ကိုနှိုးတော်မူ၏။ စာသင်သောသူကဲ့သို့ နားထောင်စေမည်အကြောင်း ငါ့နားကို နှိုးဆော်တော်မူ၏။” ဟေရှာယ 50:4
ပြောသင့်တဲ့အချိန်မှာ ပြောလိုက်တဲ့ မှန်ကန်သော စကားတစ်ခွန်းဟာ အလွန်အဖိုးတန်လှပါတယ်။ သမ္မာကျမ်းစာကလည်း ဤသို့ ဆိုထားပါတယ်-
“လျောက်ပတ်သောစကားသည် ငွေအပြောက်မှာ စီချယ်သော ရွှေရှောက်ချိုသီးနှင့် တူ၏။” သုတ္တံ 25:11
အခြားသူများကို အားပေးနိုင်သော၊ ခွန်အားဖြစ်စေသော ထိုအဖိုးတန် စကားများကို ရရှိနိုင်ဖို့အတွက် သင်ဟာ ပထမဦးစွာ ဘုရားသခင်၏ အသံတော်ကို နားထောင်တတ်သူ ဖြစ်ရပါမယ်။
သန့်ရှင်းသော ဝိညာဉ်တော်ဟာ သင့်ကို အသံပေါင်း ထောင်ချီကြားထဲကနေ ကောင်းကင်ဖခင်ရဲ့ အသံတော်ကို သီးသန့် ခွဲခြားသိမြင်နိုင်အောင် သင်ကြားပေးလိုပါတယ်။ နေ့တိုင်း ဘုရားသခင်ရဲ့ မျက်မှောက်တော်ထဲ ငြိမ်သက်စွာ အချိန်ယူတဲ့အခါ သင့်ရဲ့ အတွေ့အကြုံများ၊ မျှော်လင့်ချက်များနှင့် အခက်အခဲများကို ပြောပြရုံတင်မကဘဲ...
-
ခဏရပ်လိုက်ပါ၊
-
စိတ်ကို ငြိမ်သက်လိုက်ပါ၊
-
ကောင်းကင်ဖခင်ရဲ့ စကားသံကို သေချာစွာ နားထောင်လိုက်ပါ။
အဲ့အခါ ဘုရားသခင်ရဲ့ နှလုံးသားကို သင် ထိတွေ့ရပါလိမ့်မယ်။ ဘုရားသခင်ဟာ သင့်ကို အလွန်ချစ်ကြောင်း မိန့်တော်မူရုံတင်မကဘဲ သင်နဲ့ဆက်ဆိုင်သောသူ၊ သင့်မောင်နှမ၊ သင့်အလုပ်ရှင် ဒါမှမဟုတ် သင့်လုပ်ဖော်ဆောင်ဖက်များ အကြောင်းကိုလည်း ပြောပြပါလိမ့်မယ်။ သူတို့အတွက် ချစ်ခြင်းမေတ္တာနှင့် သနားကြင်နာခြင်းများကို သင့်နှလုံးသားထဲ သွန်းလောင်းပေးပြီး သူတို့ကို ဘုရားသခင်ရဲ့ မျက်စိနဲ့ မြင်နိုင်အောင် ကူညီပေးပါလိမ့်မယ်။
မိတ်ဆွေ ရေ… ဒီလောကကြီးအတွက် ဘုရားသခင်ရဲ့ အားပေးခြင်းစကားဟာ သင့်နှုတ်ထဲမှာ ရှိနေပါတယ်။ ဘုရားသခင်ဟာ နာကျင်နေသူများကို ကုသရန်၊ ကျိုးပဲ့နေသူများကို ပြန်လည်ထူထောင်ရန်နှင့် စိတ်ဓာတ်ကျနေသူများကို ခွန်အားပေးရန်အတွက် သင့်ကို အသုံးပြုချင်သော ဘုရားသခင်ဖြစ်ပါတယ်။
ဒီနေ့မှာ သင့်နှုတ်မှ ထွက်လာသော မေတ္တာစကားတစ်ခွန်းဟာ တစ်စုံတစ်ယောက်ရဲ့ အသက်တာကို အစဉ်အမြဲ ပြောင်းလဲသွားစေနိုင်ပါတယ်!
