အသစ်ကနေ ပြန်စချင်ပါသလား?
မိတ်ဆွေ ရေ...
အတိတ်ကိုပြန်လှည့်ကြည့်ပြီး “ငါဒီနေရာမှာ ဒီလို မလုပ်ခဲ့ရင်ကောင်းသား” ဆိုပြီး နောင်တရတဲ့ နှလုံးသားနဲ့ အရာရာကို အသစ်က ပြန်စလို့ ရရင် စချင်တယ် ဆိုတဲ့ အတွေးမျိုး ဝင်ဖူးပါသလား ?
ကြောက်ရွံ့မှုနဲ့ အတိတ်က မှားယွင်းမှုတွေကို ကျောခိုင်းပြီး အရာအားလုံးကို အစကနေ ပြန်စဖို့၊ စာမျက်နှာအသစ်တစ်ခုနဲ့ ဘဝတစ်ခုကို စတင်ဖို့ ဖြစ်နိုင်ပါ့မလားလို့ တွေးနေမယ်ဆိုရင် အဖြေကတော့ “ယေရှုခရစ်တော်နဲ့အတူ” ဆိုရင်တော့ ဖြစ်နိုင်ပါတယ်။ ဘုရားသခင်နဲ့ဆိုရင် အရာအားလုံး ဖြစ်နိုင်ပါတယ်။
“မစုံလင်သေးသော အကျွန်ုပ်၏အလုံးအထွေးကိုလည်း ကိုယ်တော်သည် ကြည့်ရှု၍ မြင်တော်မူပြီ။ ထိုအရာတို့ကို ပြုပြင်၍ တစ်စုံတစ်ခုမျှမရှိမီကာလတွင်၊ ကိုယ်တော်၏စာရင်း၌ အကုန်အစင်မှတ်သားလျက် ရှိကြပါ၏။” ဆာလံ 139:16
ဘုရားသခင်ဟာ သင့်ကို ဘယ်သူ့ထက်မဆို ပိုသိပါတယ်။ သင့်ရဲ့ အိပ်မက်တွေနဲ့ နောင်တတွေဟာ ကိုယ်တော့်ရဲ့ရှေ့မှာ လျှို့ဝှက်ချက် မဟုတ်ပါဘူး။ ဘာကြောင့်လဲဆိုတော့ သင့်ဘဝရဲ့ နေ့ရက်တိုင်းဟာ ကိုယ်တော့်ရှေ့မှာ ဖွင့်ထားတဲ့ စာအုပ်တစ်အုပ်လို ရှိနေလို့ပါပဲ။
ဒီနေ့မှာ ဘုရားသခင်ကို ဒီအစပြုခြင်းမှာ ဦးဆောင်ခွင့်ပေးလိုက်ပါ။ အစကနေ ပြန်စချင်တဲ့ သင့်ရဲ့ နှလုံးသားထဲမှာ ယေရှုကို နေရာပေးပါ၊ နာကျင်စရာကောင်းတဲ့ အတိတ်က လမ်းဟောင်းတွေမှာ ဆက်ပြီး လျှောက်လှမ်းနေတာကို ရပ်တန့်လိုက်ပါ။
ကိုယ်တော်ဟာ အသစ်သောအသက်တာ ၊အသစ်သော အတွေးအခေါ် နဲ့ ဆွဲခေါ်ပြုပြင်ပါလိမ့်မယ် ။ ဘုရားသခင်ဟာ ငြိမ်သက်ခြင်းကို ဖြည့်ပေးပြီး ခွန်အားအသစ်နဲ့လျှောက်လှမ်းနိုင်အာင် သင်နဲ့အတူ လိုက်ပါပေးမှာ ဖြစ်ပါတယ်။
ဒီနေ့မှာ ဒါကို အသံလွှင့်ပြီး ကျွန်မနဲ့ အတူ ဝန်ခံကြရအောင် !
“ညီအစ်ကိုတို့၊ ငါကိုင်မိပြီဟု ကိုယ်ကိုကိုယ် မထင်သော်လည်း၊ ငါပြုသောအမှုတစ်ခု ဟူမူကား၊ နောက် ကျသောအရာတို့ကို မမှတ်ဘဲ၊ ရှေ့၌ ရှိသောအရာတို့ကို လှမ်းကမ်း၍၊- ယေရှုခရစ်အားဖြင့် ဘုရားသခင်သည် အထက်အရပ်မှ ခေါ်တော်မူခြင်းနှင့် ဆိုင်သောဆုကို ရခြင်းငှာ၊ ပန်းတုံးတိုင်သို့ ငါလိုက်ပြေး၏။-” ဖိလိပ္ပိ 3:13-14
မိတ်ဆွေ ရေ... အတိတ်က ကုန်ဆုံးသွားပါပြီ။ ဒီနေ့မှာ ယေရှူခရစ်တော်ထဲ၌ လူသစ်အဖြစ် အသစ်ကနေ ပြန်စလိုက်ပါ!
ဒီနေ့မှာပဲ ယေရှုခရစ်တော်ကို မိမိရဲ့ အရှင်သခင် နဲ့ ကယ်တင်ပိုင်ရှင်အဖြစ် အုပ်စိုးခွင့်ပေးလိုက်ပါ ။
ယေရှုနဲ့ အတူ အသစ်က ပြန်စပါ 🤍
