မိတ်ဆွေ ရေ… ဘုရားသခင်ကို ထိန်းချုပ်ခွင့်ပေးလိုက်ပါ!

“ငြိမ်​ဝပ်​လျက်​နေ​ကြ​လော့။ ငါ​ကား ဘု​ရား​သ​ခင်​ဖြစ်​သည်​ဟု သိ​မှတ်​ကြ​လော့။ လူ​မျိုး​တို့​တွင် ငါ​သည် ဘုန်း​ပွင့်​မည်။ မြေ​ကြီး​ပေါ်​မှာ ဘုန်း​ပွင့်​မည်။” ဆာလံ‬ ‭46‬:‭10‬ 

မိတ်ဆွေရေ… သင့်ဘဝရဲ့ ထိန်းချုပ်မှုကို သခင်ဘုရားထံ အပ်နှံလိုက်မယ်ဆိုရင် ဘယ်လိုဖြစ်လာမလဲ?

ကိုယ်တော်ဟာ ဘုရားသခင် ဖြစ်တော်မူကြောင်းကို အသိအမှတ်ပြုပါ။ သူဟာ အရာခပ်သိမ်းကို ဖန်ဆင်းတော်မူပြီး အရာခပ်သိမ်းကို ပိုင်သအုပ်စိုးသောသူလည်း ဖြစ်ပါတယ်။

သင့်ရဲ့ စိုးရိမ်ပူပန်မှုများကို သခင်ဘုရားထံ ယူဆောင်လာပြီး ထားခဲ့လိုက်ပါ။ သင့်နှလုံးသားကို လေးလံစေတဲ့ အရာအားလုံးကို ဘုရားသခင်အား ပြောပြလိုက်ပါ။

ဘုရားသခင်ရဲ့ နှုတ်ကပတ်တော်က ဒီလို ကတိပြုထားပါတယ်။

“သင်​တို့​ကို​သ​တိ​နှင့် ကြည့်​ရှု​တော်​မူ​သော​ကြောင့်၊ သင်​တို့၌ စိုး​ရိမ်​ခြင်း​အ​မှု​ရှိ​သ​မျှ​တို့​ကို ကိုယ်​တော်၌ အပ်​နှံ​ကြ​လော့။” ၁ ရှင်ပေတရု‬ ‭5‬:‭7‬

သင့်ဝန်ထုပ်ဝန်ပိုးများကို ဘုရားသခင်အား ထမ်းဆောင်ပေးနိုင်ရန် ခွင့်ပြုပေးလိုက်ပါ။

စိုးရိမ်ပူပန်မှုများ ပြန်လည်ပေါ်လာတဲ့ အခါတိုင်း သူ့ကို ကျေးဇူးတင်လိုက်ပါ။ ဘာကြောင့်လဲဆိုရင် သူရဲ့ အဖြေက သင့်ဆီသို့ ရောက်လာနေပြီ ဖြစ်ပါတယ်။

ကျေးဇူးတင်ခြင်းနဲ့ ဆုတောင်းခြင်းဟာ သင့်ကို ဘုရားသခင်၏ မျက်မှောက်တော်နှင့် ကတိတော်များအပေါ် အာရုံစိုက်နေဖို့ ကူညီပေးပါတယ်။

ကျွန်တော်နဲ့အတူ ယခုပဲ ဝန်ခံကြေညာလိုက်ပါ...

“ဖန်ဆင်းရှင် ဘုရားသခင်၊ အနန္တတန်ခိုးရှင် သခင်ဘုရား၊ ကိုယ်တော်ဟာ ဘုရားသခင် ဖြစ်တော်မူပါတယ်။ အာဏာနှင့် အုပ်စိုးပိုင်ခွင့် အလုံးစုံ ကိုယ်တော်ရဲ့ လက်တော်၌ ရှိပါတယ်။ ကျွန်ုပ်ရဲ့ ဝန်ထုပ်ဝန်ပိုးများကို ကိုယ်တော်ထံ ယူဆောင်လာပြီး ခြေတော်ရင်း၌ ချထားပါတယ်။ ယခုအချိန်မှစပြီး ဒီအခြေအနေကို ကိုယ်တော် ထိန်းချုပ်မှာ ဖြစ်သောကြောင့် ကျေးဇူးတင်ပါတယ်။ ကိုယ်တော်ဟာ ကျွန်ုပ်ရဲ့ လိုအပ်ချက်များကို ပြည့်စုံစေပြီး ကိုယ်တော်ရဲ့ အဖြေသည် ရောက်လာနေပြီဖြစ်ကြောင်း ကျွန်ုပ် ယုံကြည်ပါတယ်။ ယေရှုနာမ၌ ဆုတောင်းပါ၏။ အာမင်။”