မိတ်ဆွေ ရေ… ဘုရားသခင်ဟာ သင့်ဘက်မှာ ရှိနေပါတယ်!

“သင်​တို့​သည် ငါ့​ကို​အ​မှီ​ပြု၍ ငြိမ်​သက်​ခြင်း​ရှိ​စေ​ခြင်း​ငှာ ဤ​စ​ကား​ကို​ငါ​ဟော​ပြော​ပြီ။ သင်​တို့​သည် လော​က၌ ဆင်း​ရဲ​ဒု​က္ခ​ကို ခံ​ရ​ကြ​လိမ့်​မည်။ သို့​သော်​လည်း မ​စိုး​ရိမ်​ကြ​နှင့်။ ငါ​သည် လော​က​ကို​အောင်​ပြီ​ဟု မိန့်​တော်​မူ၏။” ရှင်ယောဟန်‬ ‭16‬:‭33‬ 

ဘုရားသခင်ဟာ သင့်ဘက်မှာ ရှိနေကြောင်းကို သင် အမှန်တကယ် နားလည်သဘောပေါက်လာတဲ့အခါ ဘယ်အရာကမှ သင့်ကို မတားဆီးနိုင်တော့ပါဘူး။

ဘုရားသခင် သင့်အသက်တာအတွက် ပြင်ဆင်ထားတဲ့ အိပ်မက်နှင့် ရည်ရွယ်ချက်များကို သင်လိုက်လျှောက်တဲ့အခါ အတားအဆီးများ၊ တိုက်ပွဲများနှင့် ဆင်းရဲဒုက္ခများကို ကြုံတွေ့ရနိုင်ပါတယ်။ ဒါပေမယ့် ကောင်းကင်ပေါ်မှာဖြစ်စေ၊ မြေကြီးပေါ်မှာဖြစ်စေ ဘယ်အရာကမှ သင့်ကို မတားဆီးနိုင်ပါဘူးဆိုတာကို သတိရပါ။

ရောမ ၈:၃၁ မှာ ပြောထားတဲ့အတိုင်း -

“ဘု​ရား​သ​ခင်​သည် ငါ​တို့​ဘက်၌ ရှိ​တော်​မူ​လျှင်၊ အ​ဘယ်​သူ​သည် ငါ​တို့​တစ်​ဖက်၌ နေ​နိုင်​မည်​နည်း။-” ရောမ‬ ‭8‬:‭31‬ ‭

ဘုရားသခင်ရဲ့ အတူရှိခြင်းအားဖြင့် သင်ဟာ ဘယ်အခက်အခဲ၊ ဘယ်အတားအဆီးကိုမဆို ကျော်လွှားနိုင်ပါတယ်။

အရာအားလုံး လွယ်ကူချောမွေ့မယ်လို့တော့ မမျှော်လင့်ပါနဲ့။ ဒါပေမယ့် “မစိုးရိမ်ကြနှင့်။ ငါသည် လောကကို အောင်မြင်ပြီ” လို့ ဆိုခဲ့တဲ့ ဘုရားသခင်ကို အမြဲ သတိရပါ။

ယေရှုကိုသာ စေ့စေ့ကြည့်ရှုပါ။ ယေရှုကသာလျှင် သင့်မျှော်လင့်ခြင်း၊ သင့်ခွန်အားနဲ့ သင့်အောင်မြင်ခြင်းရဲ့ အရင်းအမြစ် ဖြစ်ပါတယ်။

မိတ်ဆွေ ရေ… ကျွန်ုပ်နှင့်အတူ ယခု ဆုတောင်းလိုက်ပါ။

“သခင်ယေရှုဘုရား၊ ကိုယ်တော်ဟာ လောကကို အောင်မြင်သောသူဖြစ်ပါတယ်။ ကျွန်ုပ် ကိုယ်တော်ရဲ့ နောက်ကို လိုက်လျှောက်နေတာကြောင့် ဘယ်အရာကမျှ ကျွန်ုပ်ကို မတားဆီးနိုင်ပါ။ ယနေ့ ကျွန်ုပ် ကိုယ်တော်၌ အားယူပါတယ်။ ကိုယ်တော်နဲ့အတူ ကျွန်ုပ် အောင်နိုင်သောသူဖြစ်ပါတယ်။ ယေရှုနာမ၌ ဆုတောင်းပါ၏။ အာမင်။”