အမာရွတ် ကျန်နေသေးလား မိတ်ဆွေ ?
ဒီတစ်ပါတ်တာမှာ “ကျန်းမာတဲ့နှလုံးသား” ဆိုတဲ့ ခေါင်းစဉ်နဲ့ ခွန်အားယူ တည်ဆောက်နေကြတာ ဖြစ်ပါတယ် ။
မနေ့ကတော့ကျွန်မတို့ “ခွင့်လွှတ်ခြင်း” အကြောင်းကို ဆင်ခြင်ခဲ့ပါတယ်
“ခွင့်လွှတ်ခြင်း” အကြောင်းပြောရင် ဒဏ်ရာဒဏ်ချက်တွေအကြောင်း မပါလို့ မရပါဘူး။ ခွင့်လွှတ်လိုက်ခြင်းက အမှားလုပ်ခဲ့တာကို ပျောက်ကွယ်သွားစေတာ မဟုတ်ပါဘူး။ ခွင့်လွှတ်ခြင်းက ဒဏ်ရာကို ဖျောက်ဖျက်ပစ်တာ မဟုတ်ပေမယ့် အနာကျက်သွားစေဖို့ ကုသခွင့်ပြုလိုက်တာ ဖြစ်ပါတယ်... အဲဒီနောက်မှာတော့ အမာရွတ်တွေ ဆိုတာ ကျန်ခဲ့နိုင်ပါတယ်။
ဒီနေ့မှာတော့ ဘုရားသခင်က ကျွန်မတို့ရဲ့ အသက်တာကို အကောင်းပကတိအတိုင်း ပြန်လည်ကုသပေးနိုင်တဲ့ ဘုရား ဖြစ်တယ်ဆိုတာ ပြန်ပီး သတိရစေလိုပါတယ် ။
အမာရွတ်တွေရှိကောင်းရှိနိုင်ပေမယ့် ဒီအမာရွတ်က ကျွန်မတို့ကို ပြန်ပြီး ဒုက္ခမပေးနိုင်တော့ပါဘူး ။ အဲ့လိုပဲ ခွင့်လွှတ်ပြီးပြီ ဆိုရင်လည်း ခွင့်လွှတ်လိုက်တဲ့ အရာက ကျွန်မတို့ကို ပြန်ပြီး ဒုက္ခမပေးနိုင်ပါဘူး ။
မိတ်ဆွေ ရေ... အခု သင့်ရဲ့ အမာရွတ်တွေကို ယေရှုခရစ်တော်ရဲ့ လက်ထဲ အပ်နှံလိုက်ပါ ။ ယေရှုခရစ်တော်က ဒီ အမာရွတ်တွေအားလုံးကို သူ့ရဲ့ အချစ်နဲ့ အကောင်းပကတိအတိုင်း ပြန်လည် ကျန်းမာစေဖို့ တာဝန်ယူတဲ့ ဘုရားဖြစ်ပါတယ်။
ခဏလောက် ကျွန်မနဲ့အတူ ဆုတောင်းရအောင်…
“ယေရှုဘုရား၊ ကျွန်ုပ်ရဲ့ အမာရွတ်တွေအားလုံးကို အခုပင် ကိုယ်တော့်လက်တော်ထဲ အပ်နှံပါတယ်။ အခု နာကျင်ရတဲ့ ဆင်းရဲဟာ ကိုယ်တော့်ဘုန်းတော်ထင်ရှားစေဖို့အတွက်ပဲ ဖြစ်မယ်ဆိုတာ ယုံကြည်ပါတယ်။ ကျွန်ုပ်ကို ပြန်လည်ကျန်းမာစေပြီး အကောင်းပကတိအတိုင်း ပြုပြင်ပေးပါ အဖဘုရားသခင် ။ ယေရှုနာမတော်၌ ဆုတောင်းပါ၏ ။ အာမင်။”
နှုတ်ကပါတ်တော်က ဒီလို ဖော်ပြထားပါတယ် - “ထိုသူသည် ငါတို့လွန်ကျူးခြင်း အပြစ်များကြောင့်၊ နာကျင်စွာ ထိုးခြင်း၊ နှိပ်စက်ခြင်းကို ခံရလေ၏။ ငါတို့၏ ငြိမ်သက်ခြင်းချမ်းသာကို ဖြစ်စေသော ဆုံးမခြင်းသည် သူ့အပေါ်သို့ရောက်၍၊ သူခံရသော ဒဏ်ချက်အားဖြင့် ငါတို့သည် အနာပျောက်လျက်ရှိကြ၏။” ဟေရှာယ 53:5 JBMLE
ကျွန်မတို့မှာ ဒါဏ်ရာမရှိတော့ပါဘူး ။ ယေရှုခရစ်တော်က ကျွန်မတို့ရဲ့ ဒါဏ်ရာတွေအတွက် နာကျင်ခြင်းကို ကိုယ်စား ခံခဲ့ ပြီးပါပြီ !
အမာရွတ်တွေက အစ လုံးလုံးလျားလျားပျောက်ကင်းသွားစေဖို့ ယေရှုဘုရားရဲ့ နာမတော်ထဲမှာ သင့်ဘဝတစ်ခုလုံး ယုံကြည်စွာ နဲ့ အပ်နှံထားလိုက်ပါ 🤍
