“ငါသည် သင့်ဘက်မှာရှိ၏!”

“မ​စိုး​ရိမ်​နှင့်။ ငါ​သည် သင့်​ဘက်​မှာ​ရှိ၏။ မ​ကြောက်​နှင့်။ သင်၏​ဘု​ရား​သ​ခင် ငါ​သည် သင့်​ကို​ခိုင်​ခံ့​စေ​မည်။ သင့်​ကို စောင့်​မ​မည်။ ငါ့​သ​စ္စာ​လက်​ယာ​လက်​ဖြင့် ထောက်​ပင့်​မည်။” ဟေရှာယ‬ ‭41‬:‭10‬ ‭

မိတ်ဆွေ ရေ...  

တစ်ခါတလေ ကောင်းကင်ကိုမော့ကြည့်ပြီး "ဘုရားသခင် အခု ကိုယ်တော်ဘယ်မှာလဲ ? ကိုယ်တော်ကျွန်ုပ်နဲ့ အတူရှိနေရဲ့လား ..." လို့ မေးဖူးပါသလား?  

ရောဂါနဲ့ပက်သက်တဲ့ သတင်းကြားတဲ့အချိန် ကိုယ်တော်ဘယ်မှာလဲ?  

မိသားစုက ကျောခိုင်းသွားတဲ့အချိန် ကိုယ်တော်ဘယ်မှာလဲ?  

တစ်ယောက်တည်း အထီးကျန်နေတဲ့အချိန် ကိုယ်တော်ဘယ်မှာလဲ?  

ငွေကြေးအခက်အခဲနဲ့ရင်ဆိုင်နေရတဲ့အချိန် ကိုယ်တော်ဘယ်မှာလဲ?  

ဘုရားသခင်ဟာ ကျွန်မတို့ရဲ့မေးခွန်းတွေကို အဖြေပေးဖို့ မရှောင်ပါဘူး။ 

သူ့နှုတ်ကပတ်တော်ထဲမှာ အဖြေအားလုံးရှိပါတယ်။ 

ကျွန်မ အပြည့်အဝယုံကြည်တာက -

အခက်ခဲဆုံးအချိန်တွေမှာ ဘုရားသခင်ဟာ  ကျွန်မနဲ့အတူရှိတယ်  ။ 

ဒါကြောင့် “ငါသည်သင့်ဘက်မှာရှိ၏” ဆိုတဲ့ ကတိတော်ကို ဘုရားသခင်ကိုယ်တိုင်ပေးခဲ့ပါတယ် ။ 

သင်နဲ့လည်း အတူရှိတယ်  မိတ်ဆွေ ! 

“သို့​ဖြစ်၍ ဤ​အ​ရာ​များ​တို့၌ အ​ဘယ်​သို့ ပြော​စ​ရာ​ရှိ​သ​နည်း။ ဘု​ရား​သ​ခင်​သည် ငါ​တို့​ဘက်၌ ရှိ​တော်​မူ​လျှင်၊ အ​ဘယ်​သူ​သည် ငါ​တို့​တစ်​ဖက်၌ နေ​နိုင်​မည်​နည်း။-” ရောမ‬ 8‬:‭31‬ 

သင့်ဘက်မှာရှိနေသော ဘုရားသခင်က အရာခပ်သိမ်းကို တတ်နိုင်သော ၊ တတ်စွမ်းသော ၊ အောင်နိုင်သော ဘုရားသခင်ဖြစ်ပါတယ် ။ ဒီနေ့ ဘုရားနှုတ်ကပတ်တော်က သင့်ကိုအားပေးနှစ်သိမ့်နေပါတယ် ။ 

ဘုရားသခင်က သင်နဲ့အတူ အခြေအနေတိုင်း ၊ ရာသီတိုင်း ၊ ဘဝရဲ့ အတက်အကျအတိုင်းမှာ အတူတူရှိနေပါတယ် …

ဘုရားရဲ့ မေတ္တာတော်ဟာ သင့်ဆီကနေ ဘယ်တော့မှ ရွေ့လျားမသွားပါဘူး 

သင်ဟာ အောင်မြင်သောသူ ဖြစ်ပါတယ် 🤍