ကျေးဇူးတင်တတ်သော နှလုံးသားကို မွေးမြူပါ..

သေးငယ်တဲ့အရာလေးတွေက ကျွန်တော်တို့ကို ဘယ်လောက်မြန်မြန် စိတ်ဆိုးဒေါသထွက်စေနိုင်သလဲဆိုတာ သတိထားမိပါသလား။

အသက်တာမှာ ကျွန်တော်တို့ရဲ့ စိတ်ရှည်သည်းခံမှုကို စမ်းသပ်ဖို့ အခွင့်အရေးတွေ အများကြီး ရှိပါတယ်။

ဒါပေမဲ့ စိတ်ဆိုးဒေါသထွက်စရာ ကြုံလာတဲ့အခါ၊ ကျွန်တော်တို့မှာ ရွေးချယ်စရာရှိပါတယ်-

ညည်းတွားမလား ဒါမှမဟုတ် ကျေးဇူးတော်ချီးမွမ်းမလား။

တကယ်တမ်းတော့ ကျေးဇူးတင်ခြင်းဆိုတာ ခံစားချက်တစ်ခု မဟုတ်ပါဘူး... ဒါဟာ ဆုံးဖြတ်ချက်တစ်ခု ဖြစ်ပါတယ်။

ကျွန်တော်တို့က ဘုရားကို ကျေးဇူးတင်ဖို့ ရွေးချယ်လိုက်တဲ့အခါ၊ ကျွန်တော်တို့ရဲ့ နှလုံးသားက ပြောင်းလဲသွားတယ်၊ စိတ်သဘောထားက ပြောင်းလဲသွားတယ်၊ ပြီးတော့ ကျွန်တော်တို့ရဲ့ အမြင်က ပိုရှင်းလင်းလာပါတယ်။ 

မိတ်ဆွေ ရေ၊ သင့်ကို စိတ်ပျက်စေတဲ့အရာကို အာရုံစိုက်မယ့်အစား၊ ကောင်းတဲ့အရာကို စတင်ရှာဖွေပါ။ အထူးသဖြင့် သင့်နားမှာရှိတဲ့ လူတွေဆီမှာ သတိပြုမိစရာ ကောင်းကွက်တစ်ခု အမြဲရှိပါတယ်။

ယေရှုကိုယ်တော်တိုင် ဒီမူကို ပြသခဲ့ပါတယ်-

မုန့်ကို မပွားများစေခင်မှာ၊ သူက ကျေးဇူးတော်ချီးမွမ်းခဲ့ပါတယ်။ ကျေးဇူးတင်ခြင်းက နမိတ်လက္ခဏာအဖြစ် တံခါးဖွင့်ပေးခဲ့ပါတယ်။

ဒီနေ့ထက်ထိလည်း ဒီအတိုင်းပါပဲ။

ဘုရားသခင် သင့်ကို ပေးထားတဲ့အရာတွေအတွက် နေ့စဉ် ကျေးဇူးတင်ခြင်းနဲ့ အသက်ရှင်တဲ့အခါ၊ သင့်အသက်တာထဲမှာ အဲ့ဒီကောင်းချီးတွေကို ပွားများစေဖို့ ကိုယ်တော် နှစ်သက်တော်မူပါတယ်။

နှုတ်ကပတ်တော်က ဒီလိုဆိုထားပါတယ်-

“ထို​ကြောင့် သင်​တို့​သည် သ​ခင်​ယေ​ရှု​ခ​ရစ်​ကို ခံ​ယူ​ပြီး​သည်​ဖြစ်၍၊ ထို​သ​ခင်၌ စိုက်​ပျိုး​ခြင်း၊ တည်​ဆောက်​ခြင်း ရှိ​လျက်၊ နည်း​ဥ​ပ​ဒေ​သ​ကို ခံ​ပြီး​သည်​အ​တိုင်း ယုံ​ကြည်​ခြင်း၌ မြဲ​မြံ​စွာ​စွဲ​လမ်း​လျက်၊- ကျေး​ဇူး​တော်​ကို ချီး​မွမ်း​ခြင်း​နှင့်​တ​ကွ ယုံ​ကြည်​ခြင်း တိုး​ပွား​ပြည့်​စုံ​လျက်၊ ထို​သ​ခင်၌ ကျင်​လည်​ကြ​လော့။” ကောလောသဲ 2:6-7 JBMLE 

"ကျေး​ဇူး​တော်​ကို ချီး​မွမ်း​ခြင်း​နှင့်​တ​ကွ ယုံ​ကြည်​ခြင်း တိုး​ပွား​ပြည့်​စုံ​လျက်၊ ထို​သ​ခင်၌ ကျင်​လည်​ကြ​လော့။" ဆိုတာက ကျေးဇူးတင်ခြင်းဟာ တစ်ခါတစ်ရံမှ လုပ်ရတဲ့အရာ မဟုတ်ဘဲ...

လူနေမှုပုံစံတစ်ခု။

စည်းချက်တစ်ခု။

နေ့စဉ် အလေ့အထတစ်ခု ဖြစ်တယ်ဆိုတာကို ဆိုလိုပါတယ်။

ဒါကြောင့် နေ့ရက်တိုင်းကို ကျေးဇူးတင်ခြင်းနဲ့ စတင်ပြီး အဆုံးသတ်ပါ။

သင့်စိတ်သဘောထားက စိတ်ဆိုးဒေါသထွက်စရာတွေကို ရွေးချယ်ခွင့်မပေးပါနဲ့... ကျေးဇူးတော်ချီးမွမ်းခြင်းကိုသာ သင့်နှလုံးသားကို ဦးဆောင်ခွင့်ပေးလိုက်ပါ။

အတူတကွ ဆုတောင်းကြပါစို့။

“ယေရှုဘုရား၊ ကျွန်ုပ်အသက်တာထဲမှာ ကိုယ်တော်ထားရှိပေးတဲ့ ကောင်းချီးမင်္ဂလာအပေါင်းအတွက် ကျေးဇူးတင်ပါတယ်။

စိတ်ပျက်စရာတွေအစား ကျေးဇူးတင်ခြင်းကို ရွေးချယ်တတ်ဖို့ သင်ပေးပါ။

ကောင်းတဲ့အရာကို မြင်တတ်ဖို့၊ ကျွန်ုပ်ပတ်ဝန်းကျင်က လူတွေကို တန်ဖိုးထားလေးမြတ်တတ်ဖို့၊ ပြီးတော့ ကျေးဇူးတင်တတ်တဲ့ နှလုံးသားနဲ့ အသက်ရှင်တတ်ဖို့ ကူညီပေးပါ။

ကျွန်ုပ်အသက်တာကို နေ့ရက်တိုင်း ကျေးဇူးတော်ချီးမွမ်းခြင်းနဲ့ ပြည့်လျှံစေပါ။

ယေရှုနာမ၌ ဆုတောင်းပါ၏။ အာမင်။”

မိတ်ဆွေ သင်ဟာ ကောင်းကြီးမင်္ဂလာတစ်ခုဖြစ်ပါတယ်။

နောက်နေ့မှာ ပြန်လည်ဆုံတွေ့ကြပါစို့။