ဘုရားရှေ့မှာ အရှုံးပေးလိုက်ပါ
သင့်လိုအပ်ချက်တွေကို ဘုရားသခင်ရဲ့ လက်တော်ထဲ ရဲရဲဝံ့ဝံ့ ပုံအပ်ရဲပါသလား။
အဲ့ဒီ ရိုးရှင်းတဲ့ လုပ်ဆောင်ချက်တစ်ခုဖြစ်တဲ့ "အရှုံးပေးလိုက်ခြင်း" (surrender) ကို စတင်လိုက်တဲ့အချိန်ဟာ ဘုရားသခင်ရဲ့ တန်ခိုးတော် စတင်လှုပ်ရှားတဲ့ အချိန် ဖြစ်ပါတယ်။
နှုတ်ကပတ်တော်က ဒီလိုဆိုထားပါတယ်...
“အကြောင်းမူကား၊ ထိုသားတော်သည် ကောင်းကင်ပေါ်၊ မြေကြီးပေါ်မှာရှိသမျှသော ရူပအရာ၊ အရူပအရာ၊ ရာဇပလ္လင်ဖြစ်စေ၊ အစိုးရခြင်းတန်ခိုးဖြစ်စေ၊ အထွတ်အမြတ်ဖြစ်စေ၊ အာဏာစက်ဖြစ်စေ၊ ခပ်သိမ်းသောအရာတို့ကို ဖန်ဆင်းတော်မူ၏။ ထိုသခင်အားဖြင့်လည်းကောင်း၊ ထိုသခင်အဖို့ အလိုငှာလည်းကောင်း၊ ခပ်သိမ်းသောအရာတို့သည် ဖန်ဆင်းလျက်ဖြစ်ကြ၏။-” ကောလောသဲ 1:16 JBMLE
ယေရှုက အရာအားလုံးကို ဖန်ဆင်းခဲ့တယ်ဆိုရင်၊ သေချာတာတစ်ခုကတော့ သင် သူ့ဆီ ယူဆောင်လာတဲ့ ဘယ်အရာကိုမဆို သူ တာဝန်ယူပေးနိုင်ပါတယ်။
သူဟာ သင့်အတွက် နေ့စဉ် ခွန်အား ဖြစ်ပါတယ်... သင့်ကို ထောက်ပံ့တဲ့သူ၊ ခွန်အားပေးတဲ့သူ၊ ပြီးတော့ သင့်ဝိညာဉ် လိုအပ်တဲ့ အရာအားလုံးကို ပြင်ဆင်ပေးတဲ့သူ ဖြစ်ပါတယ် (ရှင်ယောဟန် 6:51)။
သင်ဟာ သူ့အားဖြင့် တည်ရှိနေသလိုပဲ၊ သူ့အတွက်လည်း အသက်ရှင်နိုင်ပါတယ်... သင့်အချိန်၊ သင့်နှလုံးသား၊ သင့်လိုအပ်ချက်၊ ပြီးတော့ သင့်ကြောက်ရွံ့မှုတွေကိုတောင် သူ့ကို ယုံကြည်ကိုးစားပြီး ပုံအပ်လိုက်ပါ။
မိတ်ဆွေ ရေ၊ စကားတစ်ခွန်းတည်းနဲ့ စကြဝဠာကို ဖြစ်တည်စေခဲ့တဲ့ အရှင်ဟာ ဒီနေ့ သင် သူ့ဆီ ပုံအပ်လိုက်တဲ့အရာတွေနဲ့ အံ့သြဖွယ်ရာတွေကို လုပ်ဆောင်ပေးနိုင်ပါတယ်။
ဒါဆို သင် သူ့ကို ဘာပေးမလဲ။
• မလုံလောက်မှာကို ကြောက်တဲ့ သင့်ကြောက်ရွံ့မှုကိုလား။ သေးငယ်တယ်လို့ ထင်ရတာကို သူက အဆများစွာ ပွားများစေနိုင်ပါတယ်။
• သင့်အားနည်းမှုကိုလား။ သင့်ခွန်အားကို သူ အသစ်တဖန် ပြုပြင်ပေးပါတယ်။
• သင့်အထီးကျန်မှုကိုလား။ သူ့ရဲ့ရှိနေခြင်းနဲ့ သူ ဖြည့်ဆည်းပေးပါတယ်။
သူ့လက်တော်ထဲ သင်ထည့်လိုက်တဲ့ ဘယ်အရာမဆို တန်ခိုးကြီးတဲ့အရာ ဖြစ်လာပါလိမ့်မယ်။ သူ့အတွက် မဖြစ်နိုင်တာ ဘာမှမရှိပါဘူး။
ဒါကြောင့် ဒီနေ့မှာပဲ ဘုရားသခင်ရှေ့မှာ အပ်နှံပြီး အရှုံးပေးလိုက်ပါ။
အတူတကွ ဆုတောင်းကြပါစို့။
“ယေရှုဘုရား၊ ကျွန်ုပ်ရဲ့ နေ့စဉ် အစာအာဟာရ ဖြစ်တဲ့အတွက် ကျေးဇူးတင်ပါတယ်။
ကျွန်ုပ်ရဲ့အသက်တာ၊ ဝန်ထုပ်ဝန်ပိုးတွေနဲ့ လိုအပ်ချက်တွေကို ကိုယ်တော့်ဆီ ပေးအပ်ပါတယ်။
ကိုယ်တော့်လက်တော်ထဲ ကျွန်ုပ် ထည့်လိုက်တဲ့အရာတွေနဲ့ ကိုယ်တော်တစ်ပါးတည်းသာ လုပ်ဆောင်နိုင်တဲ့အရာကို လုပ်ဆောင်ပေးပါ။
ကိုယ်တော့်ကို အပြည့်အဝ ယုံကြည်ကိုးစားပါတယ်။
ယေရှုနာမ၌ ဆုတောင်းပါ၏။ အာမင်။”
မိတ်ဆွေ သင်ဟာ ကောင်းကြီးမင်္ဂလာတစ်ခုဖြစ်ပါတယ်။
နောက်နေ့မှာ ပြန်လည်ဆုံတွေ့ကြပါစို့။
