သင့်ဝန်ထုပ်ဝန်ပိုးများကို ဘုရားသခင်ထံ ယူဆောင်လာပါ!

လူတိုင်းမှာ မတူညီတဲ့ ဝန်ထုပ်ဝန်ပိုးတွေရှိနေနိုင်ပါတယ် ။ ဝန်ထုပ်ဝန်ပိုးလို့စဉ်းစားကြည့်တဲ့အခါ မဖိတ်ခေါ်ပဲ ကျွန်မတို့အထဲမှာရှိနေတတ်ပါတယ် မိတ်ဆွေ ရေ၊ သင့်အနေနဲ့ စိုးရိမ်ပူပန်မှုတွေနဲ့ ချည်နှောင်ခံရသလို ခံစားဖူးပါသလား? နေ့စဉ်ဘဝရဲ့ဖိအားတွေကို မခံနိုင်လောက်အောင် ခံစားရပြီး "ငါမဖြတ်သန်းနိုင်တော့ဘူး" လို့ ပြောမိဖူးပါသလား?  တာဝန်ဝတ္တရားတွေများလွန်းလို့ အသက်ရှင်ရတာအရမ်းပင်ပန်းလာတဲ့အချိန်ကို ဖြတ်သန်းနေရပါသလား ? 

ချီးမွမ်းခြင်းက သင့်ကို လေးလံစေတဲ့ ဝန်ထုပ်တွေကနေ ပေါ့ပါးစေနိုင်ပါတယ်။ ဘာကြောင့်လဲဆိုတော့ ချီးမွမ်းတဲ့အခါ သင့်အာရုံက ဖိစီးနေတဲ့ကိစ္စရပ်တွေမှာမဟုတ်ဘဲ ဘုရားသခင်အပေါ်  အာရုံ စူးစိုက်သွားလို့ပါ …. 

ဘုရားသခင်ကိုချီးမွမ်းခြင်းက -

🔹 သင့်အာရုံတွေကို စိုးရိမ်မှုတွေကနေ ဘုရားသခင်ဆီလှည့်ပေးတယ်  

🔹 "ဘုရားသခင်ကြီးမြတ်ပါတယ်" လို့ ကြွေးကြော်တဲ့အခါ "ငါ့ပူပန်မှုတွေက ဘုရားရှေ့မှာ သေးငယ်တယ် " ဆိုတာ အလိုလိုသိလာတယ်  

🔹 သင့်ပြဿနာတွေကို ဘုရားလက်ထဲထည့်ပြီး ဘုရားကိုစိတ်ချယုံကြည်နိုင်စွမ်းပေးတယ်  

ဒါကြောင့် သင့်နှလုံးသားက ဖိစီးမှုမရှိတော့ဘဲ လွတ်လပ်မှု ရလာပါမယ် …

“ငါ​သည် နှုတ်​ခမ်း​အ​သီး​ကို ဖန်​ဆင်း၏။ ဝေး​သော​သူ၌​လည်း​ကောင်း၊ နီး​သော​သူ၌​လည်း​ကောင်း ငြိမ်​သက်​ခြင်း​ဖြစ်​စေ၊ ငြိမ်​သက်​ခြင်း​ဖြစ်​စေ၊ သူ၏​အ​နာ​ကို ငါ​ပျောက်​စေ​မည်​ဟု ထာ​ဝ​ရ​ဘု​ရား မိန့်​တော်​မူ၏။” ‭‭ဟေရှာယ‬ ‭57‬:‭19‬ ‭

သင့်နှုတ်ခမ်းက ချီးမွမ်းလိုက်တဲ့အခါ မုန်တိုင်းထန်နေတဲ့ အခြေအနေတွေက ငြိမ်သက်ခြင်းဖြစ်လာပါတယ် ။ ဒါကြောင့် အဆင်ပြေတဲ့ အချိန်မှာလည်း ချီးမွမ်းသလို အခက်ခဲဆုံးအချိန်မှာလည်း ပိုလို့တောင်ချီးမွမ်းရဦးမှာဖြစ်ပါတယ် ။ 

သင့်နှလုံးသား ဘယ်လိုပဲ အားနည်းနေပါစေ၊ ဘယ်လိုအခြေအနေရှိပါစေ 

သင့်ဝန်ထုပ်တွေကို ဘုရားထံယူလာပြီး ဘုရားသခင်ကိုပဲ အာရုံစိုက်ကာချီးမွမ်းကိုးကွယ်ဖို့ ခွန်အားပေးချင်ပါတယ် …

ချီးမွမ်းကိုးကွယ်ခြင်းအားဖြင့် သင့်ရဲ့ ဝန်ထုပ်များကို ဘုရားသခင်ရှေ့မှာ ချထားလို့ရပါတယ်  🤍