သင်အားနည်းတယ်လို့ ခံစားရချိန်မှာ၊ ဘုရားသခင်က သင့်ခွန်အားကို ပွားများစေတယ်..
မိတ်ဆွေ ရေ၊ သင့်ခွန်အားတွေ မလုံလောက်တော့ဘူးလို့ ခံစားနေရပါသလား သို့မဟုတ် ခံစားခဲ့ရဖူးလား။ 💭
သင်ဟာ ဘုရားသခင်ရဲ့ အမှုတော်ကို ထမ်းဆောင်ဖို့၊ မိသားစုကို ဂရုစိုက်ဖို့၊ စိန်ခေါ်မှုတွေကို ရင်ဆိုင်ဖို့ အကောင်းဆုံး ကြိုးစားနေနိုင်ပေမဲ့၊ သင်ဟာ အားနည်းပြီး ပင်ပန်းနွမ်းနယ်နေတတ်ပါတယ်။ ဒီနေ့ သင် ဒီလိုခံစားနေရတယ်ဆိုရင်၊ ကျွန်တော် တစ်ခု ပြောပြချင်ပါတယ် - ဘုရားသခင်က သင့်ခွန်အားကို ပွားများစေချင်တဲ့ ဘုရားသခင်ဖြစ်ပါတယ်။
'ထိုဘုရားသည် မောသောသူတို့အား၊ ခွန်အားကိုပေးတော်မူ၏။ နွမ်းနယ်သောသူတို့အား၊ အစွမ်းသတ္တိနှင့် ပြည့်စုံသောအခွင့်ကို ပေးတော်မူ၏။ လူပျိုတို့သည် မော၍ ပင်ပန်းခြင်းသို့ ရောက်ကြလိမ့်မည်။ လုလင်တို့သည်လည်း ထိမိ၍ လဲကြလိမ့်မည်။ ထာဝရဘုရားကို မျှော်လင့်သောသူတို့မူကား၊ အားပြည့်ကြလိမ့်မည်။ ရွှေလင်းတကဲ့သို့ မိမိတို့အတောင်ကို အသစ်ပြုပြင်ကြလိမ့်မည်။ ပြေးသော်လည်း မပင်ပန်း၊ ခရီးသွားသောအခါ မမောရကြ။'ဟေရှာယ 40:29-31
ကျမ်းစာက "အစွမ်းသတ္တိနှင့် ပြည့်စုံသောအခွင့်ကို ပေးတော်မူ၏။" (He increases strength) လို့ ဆိုထားပါတယ်။ "တိုးပွားစေတယ်" (increase) ဆိုတဲ့ ဟေဗြဲစကားလုံးရဲ့ အဓိပ္ပာယ်ကတော့ "အဆများစွာ ပွားများစေခြင်း" — အရမ်းများပြားလာစေခြင်း၊ ဒါမှမဟုတ် တိုးပွါးလာစေခြင်း ဖြစ်ပါတယ်။ ဒါ အရမ်းအံ့သြဖို့မကောင်းဘူးလား။
ဘုရားသခင်က ခွန်အားကို (ပေါင်းထည့်) ပေးရုံတင် မဟုတ်ဘူး... ကိုယ်တော်က (အဆများစွာ) ပွားများစေတာဖြစ်ပါတယ်။
💥 သူဟာ သေးငယ်တယ်လို့ ထင်ရတဲ့အရာကို ယူပြီး ကြီးမားစေတယ်။ သူဟာ အားနည်းတယ်လို့ ခံစားရတဲ့အရာကို အားကြီးခြင်းအဖြစ် ပြောင်းလဲပေးတယ်။
စဉ်းစားကြည့်ပါ... ဘုရားသခင်ဟာ မုန့်ငါးလုံးနဲ့ ငါးနှစ်ကောင်ကို ယူပြီး လူထောင်ပေါင်းများစွာကို ကျွေးမွေးခဲ့တယ်။ သူဟာ သာမန်လူငယ်လေးတွေကို အသုံးပြုပြီး ယုံကြည်ခြင်းရဲ့ သူရဲကောင်း ဖြစ်စေခဲ့တယ်။ ဒါဟာ ဘုရားသခင် အလုပ်လုပ်တဲ့ပုံစံပါပဲ... ကျွန်တော်တို့ သူ့ဆီ ယူဆောင်လာတဲ့ သေးငယ်တဲ့အရာလေးတွေကို သူက ပွားများစေပါတယ်။
မိတ်ဆွေ ရေ၊ ဒီရက်ပိုင်းတွေမှာ သင့်အသက်တာက သင့်ဆီကနေ နုတ်ယူနေသလို ခံစားနေရနိုင်တယ်။ သင့်ရဲ့ စွမ်းအင်၊ ပျော်ရွှင်မှု၊ ဒါမှမဟုတ် ငြိမ်သက်ခြင်းတွေ မှိန်ဖျော့လာနိုင်တယ်။ ဒါပေမဲ့ အမှန်တရားကတော့ ယေရှုဟာ သင်နုတ်ယူခံရတာတွေကို ယူပြီး အဆများစွာပွားများခြင်း အဖြစ် ပြောင်းလဲပေးချင်တဲ့ ဘုရားသခင်ဖြစ်ပါတယ်။
ဒါကြောင့် ဒီနေ့ပဲ၊ သင့်ရဲ့ အားနည်းမှု၊ ရှုံးနိမ့်မှု၊ ပင်ပန်းနွမ်းနယ်မှုတွေကို ဘုရားသခင်ထံ ယူဆောင်လာလိုက်ပါ... ယခုပင် သူ သင့်ကို တစ်ဖန်ပြန်လည် ဖြည့်ဆည်းပေးပါလိမ့်မယ်။ စကြဝဠာထဲက အကြီးမြတ်ဆုံး တန်ခိုးတော်ကိုပိုင်ဆိုင်ထားတဲ့ ဘုရားသခင်ဟာ သင့်အတွင်းထဲမှာ ရှိနေပြီး သင့်အတွက် အလုပ်လုပ်ပေးနေပါတယ်။ 🌿
'မိမိသားတော်ရင်းကို မနှမြောဘဲ၊ ငါတို့ရှိသမျှ အဖို့အလိုငှာ စွန့်တော်မူသောသူသည်၊ သားတော်နှင့်တကွ ခပ်သိမ်းသောအရာတို့ကို ငါတို့အားမပေးဘဲ အဘယ်သို့ နေတော်မူမည်နည်း။- ဘုရားသခင်ရွေးကောက်တော်မူသော သူတို့ကို အဘယ်သူသည် အပြစ်တင်မည်နည်း။ ဖြောင့်မတ်ရာ၌ တည်စေသောသူကား ဘုရားသခင်ပေတည်း။- အပြစ်စီရင်သောသူကား အဘယ်သူနည်း။ အသေခံ၍ခံသည်သာမက၊ သေခြင်းမှထမြောက်၍ ဘုရားသခင်၏ လက်ယာတော်ဘက်၌နေလျက်၊ ငါတို့အဖို့ ဆုတောင်းသောသူကား ခရစ်တော်ပေတည်း။-' ရောမ 8:32-34
မိတ်ဆွေ ရေ ယေရှုက သင့်အတွက် ယခုပင်လျှင့် ဆုတောင်းပေးနေပါတယ်။ 🙏
သူဟာ သင့်ဘေးမှာ အမြဲ ရှိနေပါတယ်... သူ့ရဲ့ရှိနေခြင်းကို သင်မခံစားရတဲ့ အချိန်မှာတောင်... သင့်အတွက် ကြားဝင်တောင်းပန်ပေးရင်း၊ သင့်ကို မစပေးရင်း၊ သင့်နှလုံးသားကို ခွန်အားပေးရင်းရှိနေပါတယ်။
အခု ခဏလောက် ကျွန်တော်နဲ့အတူ ဆုတောင်းကြမလား။
“အိုဘုရားသခင်၊ ကျွန်တော့်အတွက် ကြားဝင်တောင်းပန်ပေးလို့ ကျေးဇူးတင်ပါတယ်။ ကိုယ်တော်က ကျွန်တော့်အတွက် ဆုတောင်းပေးပြီး ကျွန်တော့်ဘက်မှာ ရပ်တည်ပေးနေတယ်ဆိုတာ သိရခြင်းဟာ တကယ့်လက်ဆောင်ပါပဲ။ ဒီနေ့၊ ကျွန်တော့်ရဲ့ အားနည်းမှု၊ ပင်ပန်းနွမ်းနယ်မှု၊ စိုးရိမ်ပူပန်မှုတွေကို ကိုယ်တော့်ဆီ ပုံအပ်ပါတယ်။ ကိုယ်တော်တစ်ပါးတည်းသာ ကျွန်တော့်ကို မစနိုင်ပြီး ကျွန်တော့်ခွန်အားကို အသစ်တဖန် ဖြစ်စေနိုင်ပါတယ်။ ကိုယ်တော်က ကျွန်တော့်ခွန်အားကို ယခုပင်လျှင့် ပွားများစေနေတယ်ဆိုတာ ယုံကြည်ပါတယ်။ ကျွန်တော့်အသက်တာမှာ ကိုယ်တော်လုပ်ဆောင်ပေးနေတဲ့ အရာအားလုံးအတွက် ကျေးဇူးတင်ပါတယ်၊ အရှင်။ ယေရှုနာမ၌ ဆုတောင်းပါ၏။ အာမင်။ 💛”
မိတ်ဆွေ သင်ဟာ ကောင်းကြီးမင်္ဂလာတစ်ခုဖြစ်ပါတယ်။
