သင့်ကို အခုထိ ချစ်နေဆဲပါ ! 🤍

တစ်ခါတစ်လေ အခြေအနေတချို့က ဘုရားရဲ့ချစ်ခြင်းမေတ္တာကို သံသယ ဝင်အောင် ဖန်တီးပေးတတ်တယ် … 

• ရုတ်တရတ် အလုပ်ပြုတ်သွားတဲ့အခါ 

• လူတွေရဲ့ ဝေဖန်မှုကို ကြုံရတဲ့အခါ 

• ထပ်တလဲလဲ အပြစ်ထဲမှာ မလွတ်မြောက်နိုင်တဲ့အခါ 

• စိတ်ပျက်စရာကောင်းတဲ့ အခြေအနေတွေကိုကြုံရတဲ့အခါ 

• ရောဂါ တစုံတရာ ခံစားရတဲ့အခါ 

• မတော်တဆမှု တခုခုကိုကြုံရတဲ့အခါ စသဖြင့်ပေါ့ ။ 

အဲ့ဒီလိုအခြေအနေမျိုးတွေ ရင်ဆိုင်ရတဲ့အခါ - 

ကျွန်မတို့ ထိုက်တန်လို့နေမှာပါ ! 

ကျွန်မတို့ ကို ဘုရားသခင်က မချစ်တော့လို့ ကြုံရတာ နေမှာပါ ! ဆိုပြီး ထင်ကောင်းထင်တတ်ကြပါတယ် ။ 

ကျွန်မပြောပါရစေ သမ္မာတရား တစ်ခုက ရှိနေပါတယ် မိတ်ဆွေ !

အဲ့ဒီ သမ္မာတရားတခုကတော့ “ဘုရားသခင် သင့်ကို ချစ်တယ်” ဆိုတဲ့ အရာပါပဲ …

ခုနကလို အတွေးတွေ ဝင်လာပြီဆို ချက်ချင်း ငြင်းဆိုလိုက်ဖို့ လိုပါတယ် ။ 

ဘယ်လိုအခြေအနေမျိုးကမှ ထိုသမ္မာတရားကို မဖျောက်ဖျက်နိုင်ပါဘူး ။ 

ဘာကို ဆိုလိုတာလဲ ? ဘုရားရဲ့ ချစ်ခြင်းက သင့်ဆီကနေ ဘယ်တော့မှ ရွေ့လျား ပျောက်ကွယ်သွားမှာ မဟုတ်ဘူးလို့ ဆိုလိုတာပါ မိတ်ဆွေ ရေ .. 

“အ​ကြောင်း​မူ​ကား၊ သေ​ခြင်း​ဖြစ်​စေ၊ အ​သက်​ရှင်​ခြင်း​ဖြစ်​စေ၊ ကောင်း​ကင်​တ​မန်​ဖြစ်​စေ၊ အ​ထွတ်​အ​မြတ်​ဖြစ်​စေ၊ အာ​ဏာ​တန်​ခိုး​ဖြစ်​စေ၊ မျက်​မှောက်​အ​ရာ​ဖြစ်​စေ၊ နောင်​လာ​လ​တ္တံ့​သော​အ​ရာ​ဖြစ်​စေ၊- အ​မြင့်​ဖြစ်​စေ၊ အ​နိမ့်​ဖြစ်​စေ၊ ဤ​အ​ရာ​မှ​စ၍ အ​ဘယ်​နိ​မ္မိ​တ​အ​ရာ​မျှ​သည်၊ ငါ​တို့​သ​ခင်​ယေ​ရှု​ခ​ရစ်​အား​ဖြင့် ခံ​ရ​သော​ဘု​ရား​သ​ခင်၏ မေ​တ္တာ​တော်​နှင့် ငါ​တို့​ကို မ​ကွာ​စေ​နိုင်​ဟု ငါ​သည်​သ​ဘော​ကျ​လျက်​ရှိ၏။” ‭‭ရောမ‬ ‭8‬:‭38‬-‭39‬ ‬‬

ယုံကြည်လိုက်ပါ ! သင်ဘာတွေပဲ လုပ်မိနေပါစေ ၊ တွေးမိနေပါစေ ၊ သင့်အခြေအနေက ဘယ်လောက်အထိ ဆိုးဝါးတဲ့ အခြေအနေ ဖြစ်နေပါစေ … သင့်ကို ဘုရားသခင်ရဲ့ အချစ်နဲ့ ဘယ်လို အရာမှ မခွဲခွါစေနိုင်ပါဘူး ။ 

• သင့်ရဲ့ ကြောက်ရွံခြင်းတွေ 

• သံသယတွေ 

• နာမကျန်းဖြစ်ခြင်းတွေ 

• ပေါင်းသင်းဆက်ဆံရေး လွဲမှားမိခြင်းတွေ 

• ငွေကြေးပြသနာ စတဲ့အရာတွေဟာ သင့်ကို ဘုရားရဲ့ အချစ်နဲ့ မခြားနားစေပါဘူး 

တော်တော်လေးကို ထူးခြား ဆန်းကြယ်တဲ့ အချစ်ပါပဲ မိတ်ဆွေ ရေ …

ဘုရားက သင့်ကို အဆုံးအစ မရှိတဲ့ မေတ္တာနဲ့ ချစ်နေတာပါ …

အနှိုင်းအဆမရှိ ကြီးမြတ်တဲ့ ဘုရားသခင်က သင့်ကို အနှိုင်းအဆ မရှိချစ်နေတယ် … တကယ့်ကို တန်ဖိုးရှိလွန်းတဲ့အချစ်ပါပဲ …

ဒါကြောင့် အခုပဲ ဘုရားသခင်ကို ကျွန်မနဲ့အတူ ဆုတောင်းကြရအောင် !

“ယေရှုဘုရား ကိုယ်တော်ရဲ့ ကြီးမားတဲ့ ၊ အဆုံးအစ မဲ့တဲ့ ၊ ကြင်နာလွန်းတဲ့ မေတ္တာတော်ကို  ကျေးဇူးတင်ဖို့ မေ့လျော့ခဲ့ခြင်းအတွက် တောင်းပန်ပါတယ် ။ ဒီနေ့ ကိုယ်တော်ရဲ့ အချစ်ဟာ ကျွန်ုပ်ဘေးကနေ ဘယ်လို အကြောင်းကြောင်းနဲ့မှ မပျောက်ပျက်သွားဘူးဆိုတဲ့ အရာကို သိရှိခဲ့ရပါပြီ ။ ကိုယ်တော့်ရဲ့ နှလုံးသား အတွင်းဆုံးထဲအထိ ခိုလှုံပြီး နွေးထွေးတဲ့ မေတ္တာကို ခံယူနိုင်ဖို့ မစတော်မူပါ ။ ကိုယ်တော့်စကားသံကို နေ့တိုင်းကြားနိုင်ဖို့ ကျွန်ုပ်၏ ခြေလှမ်းတစ်ခုချင်းစီတိုင်းကို လမ်းပြတော်မူပါ ။ ကိုယ်တော့်ကို ကျွန်ုပ်ချစ်ပါတယ် ။ ယေရှုနာမတော်၌ ဆုတောင်းပါ၏ ။ အာမင် ! “

ဘုရားသခင်က သင့်ကို ဘယ်တော့မှ မပြောင်းလဲတဲ့ မေတ္တာနဲ့ ချစ်နေပါတယ် 🤍