အထောက်အပံ့ လိုအပ်နေပါသလား
'ငါ့ခြေချော်လျက်ရှိသည်ဟု အကျွန်ုပ်ဆိုသောအခါ၊ အိုထာဝရဘုရား၊ ကိုယ်တော်၏ကရုဏာသည် အကျွန်ုပ်ကို ထောက်မပါ၏။ အကျွန်ုပ်၏နှလုံးထဲမှာ စိတ်များပြားသောအခါ၊ ကိုယ်တော်သည် သက်သာစေတော်မူသဖြင့်၊ အကျွန်ုပ်၏ ဝိညာဉ်သည် ရွှင်လန်းပါ၏။' (ဆာလံ ၉၄:၁၈-၁၉)
သင့်အတိတ်ကို ခဏလောက် ပြန်လည်စဉ်းစားကြည့်ဖို့ သင့်ကိုဖိတ်ခေါ်ချင်ပါတယ်... သင်ဟာ နာကျင်ခက်ခဲတဲ့စုံစမ်ခြင်းတွေကို ဖြတ်သန်းခဲ့ရတဲ့အချိန်တိုင်းမှာ၊ ဘယ်အရာက သင့်ကို အဲ့ဒီအထဲကနေ ပြန်လည်လွတ်မြောက်အောင် ကူညီပေးခဲ့ပါသလဲ။ လူအများစုအတွက်ကတော့၊ သူ့ကို ဝန်းရံထောက်မပေးနေတဲ့ ဘုရားသခင်၊ ပြီးတော့ သူ့အနားမှာ ချစ်ရတဲ့သူတွေရဲ့တည်ရှိနေမှုက အရာအားလုံးကို ပြောင်းလဲစေခဲ့တယ်လို့ ကျွန်ုပ်မျှော်လင့်ပါတယ်။
သမ္မာကျမ်းစာက ဒီလိုပြောထားပါတယ်- 'တစ်ယောက်လဲလျှင် တစ်ယောက်ထူလိမ့်မည်။ တစ်ယောက်တည်းသောသူ လဲလျှင်မူကား အကျိုးနည်းပြီ။ ထူသောသူ မရှိ။' (ဒေသနာ ၄:၁၀)
သင်ဟာ ဘယ်လိုစုံစမ်းခြင်းမျိုးကိုပဲ ဖြတ်သန်းနေရပါစေ၊ ကျွန်တော်ခွန်အားပေးချင်တယ်- မိတ်ဆွေ၊ သင်ဟာ တစ်ယောက်တည်းမဟုတ်ပါဘူး။ သခင်ယေရှု သင်နဲ့အတူ ရှိနေပါတယ်။ သခင်ယေရှုက သင့်ကို ပြန်လည်ထူမတ်ပေးနေပါတယ်။ သင့်ရဲ့ဦးခေါင်းကို မတ်ပေးနေပါတယ်။ သခင်ယေရှုဟာ ကမ္ဘာကုန်သည့်တိုင်အောင် သင်နဲ့အတူ အစဉ်မပြတ် ရှိနေတော်ပါတယ်။
'မစိုးရိမ်နှင့်။ ငါသည် သင့်ဘက်မှာရှိ၏။ မကြောက်နှင့်။ သင်၏ဘုရားသခင် ငါသည် သင့်ကိုခိုင်ခံ့စေမည်။ သင့်ကို စောင့်မမည်။ ငါ့သစ္စာလက်ယာလက်ဖြင့် ထောက်ပင့်မည်။' (ဟေရှာယ ၄၁:၁၀)
သင့်နှလုံးသားကို စုံလင်စွာ ထောက်မပေးနိုင်တဲ့ ဘုရားသခင်ရဲ့ လက်တော်ထဲကို သင့်အသက်တာတစ်ခုလုံး ယုံကြည်စိတ်ချစွာနဲ့ အပ်နှံလိုက်ပါ။
မိတ်ဆွေ သင်ဟာ ကောင်းကြီးမင်္ဂလာတစ်ခုဖြစ်ပါတယ်။
