ဖြေရှင်းရခက်တဲ့ အခြေအနေတစ်ခုနဲ့ ရင်ဆိုင်နေရပါသလား?
သင့်ဘဝထဲမှာ ဖြေရှင်းဖို့ခက်တဲ့ ၊ ဖြေရှင်းလို့ မရတဲ့ အခြေအနေတစ်ခုနဲ့ ထိပ်တိုက်ရင်ဆိုင်နေရချိန်မှာ ဘာလုပ်လေ့ရှိလဲ ?
ကျွန်မကတော့ ဘုရားသခင်ကို အော်ဟစ် ပြီး အကူအညီတောင်းလိုက်တာပါပဲ ! သင်လည်း အဲ့လိုပဲ လုပ်ဖြစ်မယ်လို့ ကျွန်မထင်တယ် ။
လောကမှာ ကျွန်မတို့ မဖြေရှင်းနိုင်တဲ့ အရာတွေ တွေ့ကြုံရလေ့ရှိပါတယ် …
ဥပမာ - တစ်ချို့သော စွဲလမ်းတပ်မက်ခြင်း တွေ ၊ အကျင့်ဆိုးတွေ ၊ ဒုစရိုက်တွေကြားမှာ ရုန်းထွက်လို့ မရတဲ့ အခြေအနေမျိုးတွေပေါ့ ။
ဒီလိုအခြေအနေမျိုးတွေ ကြုံလာရပြီဆိုရင်တော့ ဘုရားသခင် ရဲ့ “တန်ခိုးတော်” ဟာ သင့်အသက်တာထဲမှာ လိုအပ်လာပြီ ဆိုတာ သတိရလိုက်ပါ ။
ဒီကျမ်းစာလေးကို ဖတ်ဖူးမယ် ထင်တယ် !
“ဤဆင်းရဲသောသူ၏ အော်ဟစ်ခြင်းအသံကို ထာဝရဘုရားသည် နားထောင်၍၊ ခပ်သိမ်းသော ဆင်းရဲထဲက ကယ်လွှတ်တော်မူ၏။” ဆာလံ ၃၄:၆
ကျွန်မတို့ ဘုရားကိုအော်ဟစ် တတ်ရင် ဘုရားက ကျွန်မတို့ကို ခပ်သိမ်းသော ဆင်းရဲထဲမှ ကယ်လွှတ်မယ် ၊ ကျွန်မတို့ အသက်တာက လွတ်မြောက်မယ် ဆိုတာ ဖော်ပြထားပါတယ် ။
ဒါဟာ ဘုရားသခင်ရဲ့ “တန်ခိုးတော်” ဖြစ်ပါတယ် ။ ပထမဆုံးအနေနဲ့ ဘုရားရဲ့ တန်ခိုးတော်ဟာ ကျွန်မတို့ကို လွတ်မြောက်စေပြီးပြီဆိုရင်တော့ နောက်တစ်ဆင့်အနေနဲ့ သူပေးတဲ့ လွှတ်ခြင်းချမ်းသာထဲမှာ သူနဲ့ အတူ ဘယ်လိုမျိုး လျှောက်လှမ်းသွားလာရမလဲဆိုတဲ့ ဘုရားသခင်ရဲ့ “ ဥာဏ်ပညာ” ကလည်း လိုအပ်ပါသေးတယ် ။ ဒါမှပဲ အရင်တုန်းက အခြေအနေမျိုးထဲကို ပြန်မရောက်သွားမှာ ဖြစ်တယ်။
“သို့သော်လည်း၊ ယုဒလူဖြစ်စေ၊ ဟေလသလူဖြစ်စေ၊ ခေါ်တော်မူသောသူတို့၌ ဘုရားသခင်၏ တန်ခိုးတော်နှင့် ဘုရားသခင်၏ပညာတော်တည်းဟူသော ခရစ်တော်၏ တရားဖြစ်၏။-” ၁ ကောရိန္သု ၁:၂၄
-
ဘုရားရဲ့ တန်ခိုးတော်က ကျွန်မတို့ကို လွှတ်ခြင်းပေးတယ်
-
ဘုရားရဲ့ ဥာဏ်ပညာကတော့ ဘုရားသခင်နှစ်သက်တဲ့ အသက်တာ အတိုင်း နေ့စဉ် လိုက်လျှောက်စေဖို့ လမ်းညွှန်ပေးပါတယ်
ဒါကြောင့် မိတ်ဆွေ ရေ …
သင်လိုအပ်နေတဲ့ အဖြေတွေက ယေရှုအထဲမှာရှိနေပါတယ် ….
ယေရှုခရစ်တော်ထဲမှာ သင့်အခြေအနေတွေကို အောင်မြင်ကျော်လွှားနိုင်စေတဲ့ တန်ခိုးတော်ကိုရှာပါ …
ပြီးရင် .. ဘုရားသခင်နှစ်သက်တဲ့ အသက်တာအတိုင်း အသက်ရှင်စေဖို့ ဥာဏ်ပညာကိုလည်း လက်ခံလိုက်ပါ ။
ဒီနေ့မှာပဲ ယေရှုဘုရားထံမှ တန်ခိုးတော် နဲ့ ဥာဏ်ပညာ ကို တောင်းခံပြီး အခု ရင်ဆိုင်နေရတဲ့ အခြေအနေတွေကို ရင်ဆိုင်ကြရအောင် !
ယေရှုခရစ်တော်ရဲ့ “တန်ခိုးတော်နဲ့ ဥာဏ်ပညာ” ဟာ သင့်အတွက် ဖြစ်ပါတယ် 🤍
