မီးလျှံထဲ ဖြတ်သန်းနေရပါသလား ?

သင့်အနေနဲ့ ယခုလက်ရှိ ဘာကို တွေ့ကြုံနေရသလဲ ၊ ဘယ်လို ဖြတ်သန်းနေရသလဲ ဆိုတာ ကျွန်မမသိပါဘူး။ 

ဒါပေမယ့် ဒီနေ့မှာ ကျွန်မ အားပေးချင်ပါတယ် …

ဘယ်လိုမျိုး စုံစမ်း စစ်ဆေးခြင်းတွေ တွေ့ကြုံနေရပါစေ ခိုင်ခံ့ခြင်းရှိပါ မိတ်ဆွေ ရေ...

အခုတွေ့ကြုံနေရတဲ့ ပြသနာအခက်အခဲတွေက ဘယ်လောက်ပဲ ပြင်းထန်ပါစေ ၊ ခက်ခဲပါစေ … တခါတရံ မီးလျှံထဲ ဖြတ်သန်းနေရသလို ခံစားနေရရင်တောင်မှ ဒီအခက်အခဲတွေက သင့်အတွက် ထူးခြားတဲ့ သက်သေခံချက်တွေ ဖြစ်လာပါလိမ့်မယ် … 

ကျမ်းစာထဲမှာ ဧသတာ အကြောင်းကို ကျွန်မတို့ ဖတ်ရှုတဲ့အခါ ဧသတာဟာ မိဘမဲ့ ၊ ကျွန်တစ်ယောက်အဖြစ်ကနေ သူ့လူမျိုးတစ်နွယ်လုံးကို ကယ်တင်နိုင်ခဲ့တဲ့ ဘုရင်မ တစ်ပါး ဖြစ်လာခဲ့ပါတယ်။ 

ဧသတာဝတ္ထုကို ဖတ်ကြည့်ပါ

ဒါကြောင့် ဒီနေ့သင့်ကို ခွန်အားပေးချင်တဲ့ အရာက - 

ဒီမီးတောက်ဟာ သင့်ကို လောင်ကျွမ်းသွားမှာ မဟုတ်ဘူး။ 

သင့်ကို ဘုရားရဲ့အကြံအစည်ထဲမှာ ပိုပြီး သန့်စင် တောက်ပသွားစေဖို့ ပြုစုပေးတဲ့ မီးတောက်ဖြစ်ပါတယ်။ 

သင်ဟာ ညှင်းဆဲခြင်း ခံရတဲ့သူမဟုတ်ဘူး ၊  ပြင်ဆင်ခြင်းကို ခံရသောသူဖြစ်ပါတယ် ! 

“သင်​သည် ရေ​ကို​လျှောက်​သွား​သော​အ​ခါ၊ သင်​နှင့်​အ​တူ ငါ​ရှိ၏။ မြစ်​တို့​ကို လျှောက်​သွား​သော​အ​ခါ၊ မ​နစ်​မ​မွန်း​ရ။ မီး​ကို ချင်း​နင်း​သော​အ​ခါ​လည်း မ​လောင်​ရ။ မီး​လျှံ​လည်း မ​ညိ​ရ။” ဟေရှာယ‬ ‭၄၃:‭၂

ဒီနှုတ်ကပါတ်တော်အတိုင်းပဲ ကျွန်မတို့ဟာ ဘုရားသခင်အပေါ် ရပ်တည်မယ် ၊ သူ့ကိုယုံကြည်ပြီး အရာခပ်သိမ်းကို ပေးအပ်နိုင်ပြီဆိုရင် ဒီမီးလျှံတွေကို ဖြတ်သန်းနေရတဲ့ အချိန်ကာလဟာ သင့်အတွက် ခွန်အားဖြစ်စေပြီး ၊ အလှပဆုံး အဖြစ်အပျက် ၊ အံ့ဩဖွယ်ရာ သက်သေခံချက် တွေ ဖြစ်လာမှာပါ ! 

ဒီနှုတ်ကပါတ်တော်ကို ဆင်ခြင်ဖို့ ခွန်အားပေးချင်ပါတယ်

“ထာ​ဝ​ရ​ဘု​ရား​သည် ညှဉ်း​ဆဲ​ခြင်း​ကို​ခံ​ရ​သော သူ​တို့၏​ခို​လှုံ​ရာ၊ ဘေး​အ​န္တ​ရာယ်​ရောက်​သည်​ကာ​လ ခို​လှုံ​ရာ​ဖြစ်​တော်​မူ၏။”  ‭‭ဆာလံ‬ ‭၉:‭၉

မိတ်ဆွေ ရေ...  

ဘုရားသခင်က သင့်ရဲ့ ရဲတိုက် ၊ သင့်ရဲ့ လက်ရုံး ၊ သင့်ရဲ့ အစွမ်းသတ္တိ ဖြစ်တယ်ဆိုတာ ယုံလိုက်ပါ 

ဒီမီးလျှံတွေမှာ သင်ဟာ ထာဝရ ဖြတ်သန်းရမှာမဟုတ်ပါဘူး။ 

ဒါပေမယ့် ဖြတ်သန်းနေရတဲ့ ကာလမှာတော့ ဘုရားသခင်ရဲ့ တန်ခိုးကြီးတဲ့ လက်တော် ၊ ဘုန်းတော် နဲ့ကွယ်ကာခြင်းကို ထင်ရှားစွာနဲ့ မြင်တွေ့ရမှာပါ …

ဘုရားသခင်ရဲ့ တန်ခိုးတော်က သင့်အတွက် လုံလောက်ပါတယ် 🤍