ယေရှုတွေးသလို တွေးတတ်မယ်ဆိုရင် ?

မင်္ဂလာပါ, ဒီတစ်ပါတ်တာရဲ့ ကျမ်းποιဒ်အနေနဲ့ ဖိလိပ္ပိ ၄:၆-၇ https://bible.com/bible/386/php.4.6-7.JBMLE ကို လေ့လာပြီး  ဖြတ်သန်းချင်ပါတယ် ။ ဒီ Series နဲ့ ပက်သက်ပြီး ဘယ်လိုတွေးမြင်သလဲ ဆိုတာလေးပြောပြပေးပါဦးနော်

ကျမ်းစာကတော့“အ​ဘယ်​အ​မှု​ကို​မျှ စိုး​ရိမ်​ခြင်း​မ​ရှိ​ဘဲ အ​ရာ​ရာ၌ ကျေး​ဇူး​တော်​ကို ချီး​မွမ်း​ခြင်း​နှင့်​တ​ကွ ဆု​တောင်း​ပ​တ္ထ​နာ ပြု​သော​အား​ဖြင့်၊ သင်​တို့​တောင်း​ပန်​လို​သော အ​ရာ​များ​တို့​ကို ဘု​ရား​သ​ခင်​အား ကြား​လျှောက်​ကြ​လော့။- ထို​သို့​ပြု​လျှင် အ​ဘယ်​သူ​မျှ​ကြံ၍ မ​မီ​နိုင်​သော ဘု​ရား​သ​ခင်၏ ငြိမ်​သက်​ခြင်း​သည် ယေ​ရှု​ခ​ရစ်​အား​ဖြင့် သင်​တို့၏​စိတ်​နှ​လုံး​တို့​ကို စောင့်​မ​လိမ့်​မည်။”

‭‭ဖိလိပ္ပိ‬ ‭4‬:‭6‬-‭7‬ ‭JBMLE‬‬https://bible.com/bible/386/php.4.6-7.JBMLE 

လို့ ဖော်ပြထားပါတယ်။

ဒီနေ့မှာ ကျွန်မတို့ရဲ့ စိုးရိမ်မှုတွေကို အောင်မြင်စွာကျော်လွှားနိုင်ဖို့ ယခု Series အားဖြင့် အဖြေရရှိမှာဖြစ်ပါတယ် ။ စိုးရိမ်မှုတွေကို အားနည်းအောင် လုပ်ဆောင်နိုင်ပြီ ဆိုရင်တော့... ယခု သင့်နှလုံးသားကို စောင့်ရှောက်ဖို့ အရမ်းအရေးကြီးတယ်ဆိုတာကို သိဖို့လိုပါတယ်။

ကျမ်းစာကတော့ ဒီလိုလမ်းညွှန်ထားတယ် …

“နှ​လုံး​သည် အ​သက်၏​အ​ခြေ​အ​မြစ်​ဖြစ်​သော​ကြောင့်၊ သင်၏​နှ​လုံး​ကို အ​ထူး​သ​ဖြင့် စောင့်​ရှောက်​လော့။”

‭‭သုတ္တံ‬ ‭4‬:‭23‬ ‭JBMLE‬‬https://bible.com/bible/386/pro.4.23.JBMLE

သင့်ရဲ့ နေထိုင်ပုံ၊ သင့်ရဲ့ အသက်ရှင်မှုဟာ သင့်နှလုံးသားကနေ စီးဆင်းနေတာပါ။ စိုးရိမ်မှုတွေနဲ့ နေနေ့ မနက်ဖြန်အတွက် မသေချာမှုတွေနဲ့ ရှင်သန်ရမယ်။ ဒါပေမယ့် သင့်နှလုံးသားက ဘုရားကို ယုံကြည်လာပြီဆိုရင်တော့ သင့်ဘဝရဲ့ အရာရာတိုင်းမှာ ဒီနှလုံးသားကြောင့် ရလာဒ်တွေကလည်း ထင်ရှားလာမှာပါ! 

သင့်နှလုံးသားကို စိုးရိမ်ခြင်းရဲ့ လက်ကနေ ဘယ်လို ကာကွယ်မလဲ ? 

ယေရှုခရစ်တော်ကို အာရုံစိုက်ပြီး တွေးကြည့်လိုက်ပါ ! 

ဒီအလေ့အထလေးတွေကို များများလေ့ကျင့်ပြီး ဘုရားနဲ့ အတူ လျှောက်လှမ်းဖို့ ပြင်ဆင်ကြရအောင် ! 

• ဘုရားရဲ့ စကားတော်ဖြစ်တဲ့ ကျမ်းစာကို နေ့စဉ် ဖတ်ရှုခြင်း

• ဆုတောင်းခြင်း

• ကိုးကွယ်ခြင်း

• ဝိညာဉ်ရေးရာ ညီအစ်ကိုမောင်နှမများနှင့် မိဿဟာယဖွဲ့ခြင်း

ဒီအလေ့အကျင့်ကောင်းတွေကို ပိုပြီး လုပ်လေလေ သင့်နှလုံးသားအတွက် အန္တရာယ်ကင်းလာပါလိမ့်မယ်။ သင့်ကိုကယ်တင်တဲ့သခင်ကိုသိခြင်းနဲ့ ပြည့်စုံပြီး ၊ သူ့ရဲ့ အမြင်အတိုင်း လောကကြီးကို ကြည့်မြင်နိုင်လာပါလိမ့်မယ်!  

ယေရှုခရစ်တော်က သင့်အတွက် စံနမူနာ ယူစရာ ဖြစ်တယ် ။ သူစိုးရိမ်တယ် ဆိုတာ မြင်ဖူးလား ?

ဒါကို သတိရပေးပါ။ 

တွေးတောစဉ်းစားခြင်းက လူတစ်ယောက်ကို ကြီးမြတ်စေတာမှန်ပေမယ့် ယေရှုခရစ်တော်လို စဉ်းစားတတ်ခြင်းကတော့ သင့်ရဲ့ ဝိညာဉ်ကို အင်အားဖြစ်စေပြီး ကြီးမြတ်စေပါတယ် ။ 

ဒါ့ကြောင့် ဘာမှ စိုးရိမ်စရာမလိုဘူးနော် :) 

သင်ဟာ ယေရှုတွေးသလို တွေးနိုင်သောသူ ဖြစ်တယ် 🤍