အပြစ်ရှိသလိုခံစားနေရသလား? မလိုအပ်ပါဘူး …

ဒီစကားလုံးတွေက သင်နဲ့ရင်းနီးကောင်း ရင်းနီးနေလိမ့်မယ် ..

• “ငါဒီနေ့ဘုရားနဲ့ လုံလောက်တဲ့အချိန် မယူရသေးဘူး..”

• “ငါ ပိုပြီး ကျမ်းစာဖတ်သင့်တာ ..”

• “ငါ ဘုရားအတွက် ဒီထက်ပို လုပ်ချင်တယ် ..”

ဘုရားသခင်က သင့်ဆီက ရယူချင်နေတဲ့ ဘုရားမဟုတ်ပါဘူး။

ပိုပြီး ကောင်းကောင်း ကျင့်ဖို့ ၊ ကောင်းကောင်း ဆုတောင်းဖို့နဲ့ ဒါကို / ဒီအရာကို ပိုပြီး လုပ်ဆိုပြီး အမိန့်ပေးတတ်တဲ့ ဘုရားမဟုတ်ပါဘူး ။ မှန်တာပေါ့ ဒီအရာတွေလုပ်နိုင်ရင်တော့ သင်ဘုရားကို ပိုသိပြီး သူနဲ့ ပိုရင်းနီး လာမှာပဲ ။

ဒါပေမယ့် တစုံတခုကို ဘုရားကသင့်ကို လုပ်ခိုင်းတယ်ဆိုတာထက် သင့်ကိုပဲ ဘုရားက လိုချင်တယ် ။ စာရေးဆရာ C.S.Lewis က တော့ “ဘုရားသခင်က သင့်ဆီက တစုံတခု လုပ်ဖို့ ဆိုတာထက် သင့်ကိုပဲ လိုချင်တာပါ “ လို့ရေးထားတယ် ။

တစုံတခုကို လုပ်ရမယ်ဆိုတဲ့ အတွေးက အပြစ်ရှိစေတဲ့ ခံစားချက်ကို အကျည်းတန်စွာ ဖြစ်ပေါ်စေတယ် ။ ဘုရားကတော့ သင့်ကို အဲ့လို ပြစ်တင်ဝေဖန်ခြင်းမျိုး မပြုပါဘူး ။ သူကသင့်ကို လွတ်လပ်ပေါ့ပါးစေလိုတယ် ။ သင့်ရဲ့ မလုပ်နိုင်ခြင်းအပေါ် အားမလိုအားမရ ဖြစ်ပြီး အပြစ်ရှိသလို ခံစားစေလိုတာ မဟုတ်ဘူး ! ဘာကြောင့်လဲ ? ဘုရားက အရာအားလုံးထက် သင့်ရဲ့ နှလုံးသားကို ရှာနေလို့ ဖြစ်တယ်။

ဘုရားက သင်နဲ့ တိုက်ရိုက် ချိတ်ဆက်ပြီး အပေါ်ယံမဟုတ်တဲ့ ရင်းနီးကျွမ်းဝင်မှုကို လိုချင်တာဖြစ်တယ် ။

“ငါ့​သား၊ သင့်​နှ​လုံး​ကို ငါ့​အား​ပေး​လော့။ သင့်​မျက်​စိ​တို့​သည် ငါ​သွား​သော​လမ်း​ကို ကြည့်​မှတ်​ပါ​စေ။” သုတ္တံ‬ ‭၂၃‬:‭၂၆‬

ဘုရားရဲ့အမြင်မှာတော့ သင်ဘာလုပ်သလဲဆိုတာထက် သင်ဘယ်သူဖြစ်တယ်ဆိုတာကို ပိုပြီး တန်ဖိုးထားပါတယ် ။

သင်ဟာ ဘုရားသခင်ကို နှလုံးသားအပြည့်နဲ့ ကိုးကွယ်သောသူ ဖြစ်တယ် 🤍