အပြစ်

"အပြစ်" လို့ ကျွန်ုပ်တို့ ပြောတဲ့အခါ သမ္မာကျမ်းစာမှာ ဖော်ပြထားတဲ့ အပြစ်တိုင်းကို ဆိုလိုတာ ဖြစ်ပါတယ်။ အပြစ်ဆိုတာ ဘုရားသခင်ရဲ့ ပညတ်တရားတွေကို ကျွန်ုပ်တို့ ဖောက်ဖျက်ခြင်း ကို ဆိုလိုပါတယ်။ ဘုရားသခင်ကို ငြင်းပယ်ပြီး ကိုယ့်သဘောအတိုင်း ကိုယ်လျှောက်လှမ်းတဲ့ နည်းလမ်းအားလုံးကို ဆိုလိုပါတယ်။ "ဖြောင့်မတ်သောသူ" ဆိုတာ အပြစ်လုံးဝမရှိသူကို ဆိုလိုတာဖြစ်ပြီး၊ အဲဒီလိုလူ တစ်ယောက်မှ မရှိဘူးလို့ သမ္မာကျမ်းစာကလည်း ဖော်ပြထားပါတယ်။ ဘုရားသခင်ရဲ့ ပညတ်တရားတွေကို တစ်ခါမှ မချိုးဖောက်ဖူးတဲ့သူ တစ်ယောက်တောင် မရှိပါဘူး။

• ငါမှတပါး အခြားသောဘုရားကို မကိုးကွယ်ရ။

• ရုပ်တုဆင်းတုကို ကိုယ်အဘို့မလုပ်ရ။

• သင်၏​ဘု​ရား​သ​ခင်​ထာ​ဝ​ရ​ဘု​ရား၏ နာ​မ​တော်​ကို မု​သား​နှင့်​ဆိုင်၍ မ​မြွက်​မ​ဆို​နှင့်ရ။

• ဥ​ပုသ်​နေ့​ကို​သန့်​ရှင်း​စေ​ခြင်း​ငှာ၊ ထို​နေ့​ရက်​ကို​အောက်​မေ့​လော့။

• သင်၏​မိ​ဘ​ကို​ရို​သေ​စွာ​ပြု​လော့။

• လူအသတ်ကို မသတ်ရ။

• သူ့​မ​ယား​ကို မ​ပြစ်​မှား​။

• သူ့​ဥ​စ္စာ​ကို မ​ခိုး​ရ။

• မ​မှန်​သော​သက်​သေ​ကို မ​ခံ​ရ။

• သူတစ်ပါး၏ ဥစ္စာကို မတပ်မက်ရ။

သင်က "ငါက ဘယ်သူ့ကိုမှ မသတ်ဖူးပါဘူး! မတရားသောမေထုန် လည်း မကျူးလွန်ဖူးပါဘူး၊ ရုပ်တုဆင်းတုဆိုတာ ဘာလဲဆိုတာတောင် ငါမသိဘူး!" လို့ တွေးမိကောင်း တွေးမိပါလိမ့်မယ်။ ဘုရားသခင်ရဲ့ သားတော် သခင်ယေရှု မြေကြီးပေါ်မှာ ကြွရောက်လာစဉ်က ဒီပညတ်တရားတွေကို ကျွန်ုပ်တို့ရဲ့ စိတ်နှလုံးထဲအထိပါ စွဲမြဲအောင် သွန်သင်ပေးခဲ့ပါတယ်။ ဆိုလိုတာက ကိုယ့်အပြုမူ ကိုယ်လုပ်ဆောင်တဲ့အရာ တစ်ခုတည်းက အရေးကြီးတာ မဟုတ်ဘဲ၊ ကိုယ့်ရဲ့ အတွေးနဲ့ စိတ်နှလုံးထဲမှာ ရှိတဲ့ အရာတွေကလည်း အရေးကြီးတယ်ဆိုတာပါပဲ။ တစ်စုံတစ်ယောက်အပေါ် စိတ်ထဲမှာ အမျက်ဒေါသထွက်တာဟာ လူသတ်တာနဲ့ အတူတူပါပဲလို့ သူ မိန့်ကြားခဲ့ပါတယ်။ ဒါမှမဟုတ် စိတ်ထဲမှာ တပ်မက်တဲ့ စိတ်နဲ့ ငေးကြည့်တာဟာ မတရားမေထုန်ပြုတာနဲ့ အတူတူပါပဲတဲ့!

ကျွန်ုပ်တို့ကို ဘုရားသခင်က သူနဲ့ မိတ်သဟာရပြုဖို့ရန်အတွက် ဖန်ဆင်းထားတာ ဖြစ်ပါတယ်။ ဘုရားသခင်ဟာ စုံလင်တော်မူတဲ့ အရှင်ဖြစ်ပြီး၊ ကျွန်ုပ်တို့ အပြစ်ပြုတဲ့အခါ ဘုရားသခင်ကို ငြင်းပယ်လိုက်တာ နဲ့အတူတူပါပဲ။ အဲဒီအခါမှာ ဘုရားသခင်နဲ့ ကျွန်ုပ်တို့ မူလက ရှိခဲ့တဲ့  မိတ်သဟာရမျိုးနဲ့ ဆက်လက် မရှိနိုင်တော့ပါဘူး။ အပြစ်ဆိုတာ ကျွန်ုပ်တို့နဲ့ ဘုရားသခင်ကြားမှာ အတားအဆီးတစ်ခု ဖြစ်စေပါတယ်။

ကျွန်ုပ်တို့ မိမိတို့ရဲ့ သဘောအတိုင်း လုပ်ဆောင်လိုက်တိုင်းမှာ၊ ကိုယ်တော်ရဲ့ ပညတ်တရားတစ်ခုခုကို ဖောက်ဖျက်တိုင်းမှာ အဲဒီအကွာအဝေးက ပိုဝေးသွားပါတယ်။ အဲဒါကို ကျွန်ုပ်တို့ ကိုယ်တိုင် ပြန်ပြင်လို့ လုံးဝ မရနိုင်ပါဘူး! အပြစ်မလုပ်မိဖို့ ဘယ်လောက်ပဲ ကြိုးစားပါစေ၊ ကျွန်ုပ်တို့မှာ ဘုရားသခင်နဲ့ ကင်းကွာစေတဲ့ အတိတ်က အပြစ်တွေက ရှိနေဆဲပါပဲ။ စာရေးဆရာနဲ့ ဓမ္မပညာရှင် C.S. Lewis က ဤသို့ မိန့်ဆိုခဲ့ဖူးပါတယ် -

သမ္မာကျမ်းစာက ဤသို့ ဖော်ပြထားပါတယ် -

ဒီနေရာမှာ "အခကြေးငွေ" ဆိုတာက "ပြစ်ဒဏ်" သို့မဟုတ် "အပြစ်ပေးခံရခြင်း" လို့ အဓိပ္ပာယ်ရပါတယ်။ ဘုရားသခင်ဟာ ဖြောင့်မတ်မှန်ကန်တဲ့ ဘုရားသခင် ဖြစ်တော်မူတဲ့အတိုင်း အမြဲတမ်း တရားမျှတစွာ လုပ်ဆောင်တော်မူပါတယ်။ ကိုယ်တော်ရဲ့ တရားမျှတမှု စနစ်အရ ကျွန်ုပ်တို့ရဲ့ အပြစ်အတွက်၊ ပညတ်တရားကို ဖောက်ဖျက်ခြင်းအတွက် ကျသင့်တဲ့ အကျိုးဆက်ကတော့ "သေခြင်း" ဖြစ်ပါတယ်။ ဒါပေမဲ့ အဲဒီကျမ်းပိုဒ်ရဲ့ ဒုတိယပိုင်းမှာ ဆက်လက်ပြီး ဒီလိုဖော်ပြထားပါတယ် -

ဘုရားသခင်ရဲ့ ပညတ်တရားတွေကို ကျွန်ုပ်တို့ အဆက်မပြတ် ချိုးဖောက်ခဲ့ကြတဲ့အတွက် သေဒဏ်ကို ခံထိုက်ကြပါတယ်။ ကျွန်ုပ်တို့ရဲ့ အပြစ်မှတ်တမ်းကို ကိုယ်တိုင် ဖယ်ရှားပစ်ဖို့ ဒါမှမဟုတ် ကျသင့်တဲ့ အကြွေးကို ကိုယ်တိုင်ဆပ်ဖို့ မဖြစ်နိုင်ပါဘူး။ ဒါပေမဲ့ သခင်ယေရှုဟာ ကျွန်ုပ်တို့အတွက် အဲဒီပြစ်ဒဏ်ကို ခံယူဖို့ ကြွလာခဲ့ပါတယ်! သခင်ယေရှုဟာ ဘုရားသခင်ရဲ့ ပညတ်တရားကို တစ်ခါမှ မဖောက်ဖျက်ဘဲ စုံလင်စွာ ဘဝကို ရှင်သန်ခဲ့ပါတယ်။ ဘုရားသခင်က သင့်ကို အလွန်တရာ ချစ်တော်မူတဲ့အတွက် သင့်ရဲ့ ပြစ်ဒဏ်ကို ကိုယ်စားခံယူစေဖို့ မိမိရဲ့ သားတော် ယေရှုကို စေလွှတ်ပေးခဲ့ပါတယ်။ အဲဒါကြောင့် သင့်ကို ချစ်တဲ့ဘုရားသခင်နဲ့ သင်ဟာ ပြန်လည်ပြီး မိတ်သဟာရ ပြုနိုင်မှာ ဖြစ်ပါတယ်။