ချက်ချင်း အဆင်ပြေသွားစေမယ့် နည်းလမ်းလား။

တစ်စုံတစ်ယောက် နာကျင်ခံစားနေရချိန် ဒါမှမဟုတ် ဝမ်းနည်းနေချိန်မှာ သင်က သူတို့ကို အားပေးနှစ်သိမ့်ချင်တယ် မဟုတ်လား။ သူတို့ကို နေလို့ကောင်းသွားစေမယ့် စကားတစ်ခုခု ပြောပေးချင်တယ်။ သူတို့ကို အားအင်လေး နည်းနည်းဖြစ်စေချင်ကြပါတယ်။ တစ်ခါတစ်လေမှာ ဘဝက ခက်ခဲပါတယ်။ သင်ဟာ ဘဝမှာ အရမ်းခက်ခဲတဲ့အရာတွေကို တွေ့ကြုံခံစားရပြီး လုံဝ လောကမှာနေချင်စိတ်မရှိတော့တာမျိုး ဖြစ် နိုင်ပါတယ်။ ခွန်အားဖြစ်စေဖို့ ရည်ရွယ်တဲ့ ကျမ်းစာပိုဒ်တွေကလည်း သင့်နားထဲမှာ လေခနတာတိုက်သွားသလိုပဲ ဖြစ်နေနိုင်ပါတယ်။ လူတွေက သင့်အတွက် အရာရာ ပိုကောင်းလာစေချင်ကြပါတယ်။

ဒါဆို ဆုတောင်းချက်တွေက လပေါင်းများစွာ၊ နှစ်ပေါင်းများစွာ၊ ဆယ်စုနှစ်ပေါင်းများစွာတိုင်အောင် အဖြေမရတဲ့အခါ ဘယ်လိုလုပ်ကြမလဲ။ သင့်ကို နေသာထိုင်သာရှိသွားစေဖို့ ရိုးအီနေတဲ့ စကားလုံးတွေကိုပဲပြောဖို့ ကျွန်ုပ်တို့ဒီမှာ ရှိနေတာမဟုတ်ပါဘူး။ ကျွန်ုပ်တို့က ဒီခက်ခဲတဲ့အကြောင်းအရာရဲ့ အဓိကအချက်ကို တည့်တည့်တိုး ဝင်ရောက်ဆွေးနွေးချင်ပါတယ်။

ဟယ်လို၊ အဲ့ဒီမှာ တစ်ယောက်ယောက် ရှိလား

ဆုတောင်းခြင်းဆိုတာ ချက်ချင်းအဆင်ပြေသွားစေတဲ့ နည်းလမ်းမဟုတ်ပါဘူး။ သင့်ကို နေလို့ထိုင်လို့ ကောင်းသွားစေဖို့ အားတက်စေတဲ့အရာတစ်ခု သက်သက်လည်း မဟုတ်ပါဘူး။ ဆုတောင်းခြင်းဆိုတာ အသက်ရှင်တော်မူသော ဘုရားသခင်နဲ့ ဆက်သွယ်ပြောဆိုခြင်း ဒါမှမဟုတ် မိတ်သဟာယဖွဲ့ခြင်း ဖြစ်ပါတယ်။ ကျမ်းစာထဲမှာ ယေရှုက ကျွန်ုပ်တို့ဟာ ဘုရားသခင်ရဲ့ သားသမီးရော မိတ်ဆွေပါ ဖြစ်တယ်လို့ ဆိုထားပါတယ်။

ဒါကြောင့် ကျွန်ုပ်တို့ ကိုယ်တော့်ထံ လာတဲ့အခါ ဒီအချက်ကို စိတ်ထဲမှာ မှတ်ထားသင့်ပါတယ်။ ကျွန်ုပ်တို့ရဲ့ နှလုံးသားကို မျှဝေနိုင်ပါတယ်။ မျက်နှာဖုံးကို ချွတ်ပြီး ဟန်ဆောင်နေစရာမလိုတော့တဲ့အခါ ဒါတွေက အကောင်းဆုံး စကားဝိုင်းတွေ ဖြစ်လာတယ်မဟုတ်ဘူးလား။ အထူးသဖြင့် သင့်ရဲ့ စိတ်ပျက်မှုတွေ၊ ဒေါသတွေ၊ မျှော်လင့်ချက်မဲ့မှုတွေနဲ့ ဝမ်းနည်းမှုတွေ အားလုံးကိုပေါ့။ အခြေအနေတွေက ပြေလည်မသွားရင်တောင်မှ၊ ကျွန်ုပ်တို့ရဲ့ နှလုံးသားထဲမှာရှိတဲ့အရာတွေကို မျှဝေခြင်းဟာ အရေးကြီးပြီး နှစ်သိမ့်မှုပင် ဖြစ်စေပါတယ်။

ဒါပေမဲ့ ကျွန်ုပ်တို့က ဘုရားသခင်ဟာ ကျွန်ုပ်တို့ဆီကနေ အဲ့ဒီလိုစကားတွေကို ကြားချင်မှာမဟုတ်ဘူး၊ ကျွန်ုပ်တို့ရဲ့ ဒေါသနဲ့ နာကျင်မှုတွေကို စစ်ထုတ်ပြီးမှ ပြောသင့်တယ်လို့ မကြာခဏ ထင်တတ်ကြပါတယ်။ ဒါပေမဲ့ ကျွန်ုပ်တို့က အရှိကိုအရှိအတိုင်း မဟုတ်ရင်၊ ကျွန်ုပ်တို့ရဲ့ တကယ့်စိတ်ခံစားချက်တွေကို မပြသဘူးဆိုရင် ဘုရားသခင်က ကျွန်ုပ်တို့ကို ဘယ်လို နှစ်သိမ့်ပေးနိုင်မှာလဲ။

ကျွန်တော်တစ်ယောက်တည်းပဲလား

“ကျွန်တော် ဆုတောင်းပြီးရင်း ဆုတောင်းတယ်၊ ဒါပေမဲ့ ဘာအဖြေမှမရဘူး။ ကျွန်တော်တစ်ယောက်တည်းပဲ ဒီလိုဖြစ်နေတာလား။” ဘုရားသခင်နဲ့ ဆက်သွယ်မှုမရတဲ့အခါ၊ ဒါဟာ အထီးကျန်ဆန်တယ်လို့ ခံစားရနိုင်ပါတယ်။ ဘုရားသခင်သာမက တခြားလူတွေဆီကပါ သင်ဟာ တစ်ယောက်တည်း ဖြစ်နေတယ်လို့ ခံစားရတယ်။ နားလည်မှုလွဲခံရတယ်။ ဘုရားသခင်နဲ့ သူတို့ရဲ့ အတွေ့အကြုံတွေ၊ အဖြေရတဲ့ ဆုတောင်းချက်တွေအကြောင်း လူတွေဆီကနေ ကြားရတဲ့အခါ သင်က "မင်းအတွက်တော့ ကောင်းတာပေါ့၊ ဒါပေမဲ့ ငါကတော့ ဘုရားစကားကို မကြားရဘူး..." လို့ပဲ တွေးမိနိုင်ပါတယ်။ ဒီလိုဇာတ်လမ်းတွေက သင့်ရဲ့ အထီးကျန်တဲ့ ခံစားချက်တွေကို ပိုခိုင်မာလာစေနိုင်ပါတယ်။ ဒါပေမဲ့ ကောင်းကင်ဘုံဟာ ပိတ်ထားတယ်လို့ ခံစားရတဲ့ တခြားသူတွေရဲ့ ဇာတ်လမ်းတွေလည်း ရှိပါသေးတယ်။ သူတို့ဟာ ဘုရားသခင်ကို အော်ဟစ်ပြီး အဖြေကို စောင့်မျှော်နေကြပါတယ်။

လက်ဝါးကပ်တိုင်ပေါ်မှာ ယေရှုကိုယ်တိုင်တောင် ဘုရားသခင်ကို အော်ဟစ်ခဲ့ပါတယ်- "အကျွန်ုပ်ကို အဘယ်ကြောင့် စွန့်ပစ်တော်မူသနည်း။" ဒါက သင့်ကို အံ့အားသင့်စေနိုင်ပေမဲ့ ကျမ်းစာထဲမှာ ဒီလိုအကြောင်းအရာတွေ ပါဝင်ပါတယ်။ သူတို့ရဲ့ ဇာတ်လမ်းကို ကြားရတဲ့အခါ သင် စိတ်ဓာတ်ကျသွားနိုင်လောက်ပါတယ်။ ကောင်းကင်ဟာ တိတ်ဆိတ်နေပုံပါပဲ။ သူတို့ဟာလည်း ဘုရားသခင်ကနေ ပစ်ပယ်ခံထားရတယ်လို့ ခံစားခဲ့ကြရပါတယ်။

စုံလင်တဲ့လူသား၊ ဘုရားသခင်ရဲ့သားတော်ဖြစ်တဲ့ ယေရှုက ဘယ်လိုလုပ် အဖြေမရတဲ့ ဆုတောင်းခြင်းမျိုး ရှိနိုင်မှာလဲ။ ယေရှုဟာ ကားတိုင်တင်မခံရခင် ညသောကြာနေ့မှာ၊ သူ့မိတ်ဆွေတွေကို ဥယျာဉ်တစ်ခုဆီခေါ်သွားပြီး ဆုတောင်းခဲ့ပါတယ်။ သူဟာ ပြင်းစွာသော ဝေဒနာကို ခံစားနေခဲ့ရပါတယ်၊ ဒါဟာ ညှဉ်းပန်းနှိပ်စက်မှုနဲ့ သေခြင်းကို ကြောက်ရွံ့တာမဟုတ်ဘဲ၊ အဲ့ဒီထက် အများကြီး ပိုဆိုးတဲ့အရာတစ်ခုကြောင့်ပါ။ လူသားအားလုံးရဲ့ အပြစ်အတွက် ပြစ်ဒဏ်ကို ခံယူရမယ့် ဒုက္ခဝေဒနာနဲ့ သူ့ခမည်းတော်နဲ့ ကင်းကွာရမယ့် နာကျင်မှုကို သူ သိနေခဲ့ပါတယ်။ ဒါကြောင့် သူက "အဘ၊ ဤခွက်ကို အကျွန်ုပ်မှ လွန်သွားစေပါ" လို့ ဆုတောင်းခဲ့ပါတယ်။ ရှင်မဿဲ ၂၆:၃၉ (JBMLE)

နောက်ပိုင်းတွင် ယေရှုသည် လက်ဝါးကပ်တိုင်ပေါ်၌ ချိတ်ဆွဲခံနေရစဉ်တွင် "“သုံး​ချက်​တီး​အ​ချိန်၌ ယေ​ရှု​က၊ ဧ​လိ၊ ဧ​လိ၊ လာ​မာ​ရှာ​ဗ​ခ​သာ​နိ​ဟု ကြီး​သော​အ​သံ​နှင့် ကြွေး​ကြော်​တော်​မူ၏။ အ​နက်​ကား၊ အ​ကျွန်ုပ်​ဘု​ရား၊ အ​ကျွန်ုပ်​ဘု​ရား၊ အ​ဘယ်​ကြောင့် အ​ကျွန်ုပ်​ကို စွန့်​ပစ်​တော်​မူ​သ​နည်း​ဟု ဆို​လို​သ​တည်း။-” ဟု အော်ဟစ်ခဲ့ပါသည်။  ရှင်မဿဲ ၂၇:၄၆ (JBMLE)

သင်သည် ဘုရားသခင်က သင်၏ဆုတောင်းကို အဖြေမပေးဟု ခံစားရလျှင်ပင်၊ အမှန်တရားမှာ ယေရှု၏ အဖြေမရသော ဆုတောင်းခြင်းသည် ကျွန်ုပ်တို့ကို ဘုရားသခင်က အမြဲကြားနာတော်မူမည်ဖြစ်ပြီး သူသည် အမြဲအဖြေပေးလိမ့်မည် (ကျွန်ုပ်တို့ မျှော်လင့်ထားသောအဖြေ မဟုတ်သည့်တိုင်) ဟု ဆိုလိုပါသည်။ ယေရှုသည် ကျွန်ုပ်တို့အတွက် ကောင်းကင်၏ စစ်မှန်သောတိတ်ဆိတ်ခြင်းကို ခံယူခဲ့သည်။ သင်သည် တစ်ယောက်တည်းဖြစ်ပြီး ဘုရားသခင်က စွန့်ပစ်ထားသည်ဟု ခံစားရလျှင်ပင်၊ သင်သည် ထိုသို့မဟုတ်ပါ၊ သင်သည် ယေရှု၌ရှိလျှင် သင်သည် မည်သည့်အခါမျှ တစ်ယောက်တည်း ဖြစ်မည်မဟုတ်ပေ။

ဘုရားသခင်သည်ကြား၍ အဖြေပေးတော်မူ၏

ယေရှုသည် ကျွန်ုပ်တို့၏ သခင်နှင့် ကယ်တင်ရှင်ဖြစ်ပါက၊ ဘုရားသခင်သည် ကျွန်ုပ်တို့၏ ဆုတောင်းချက်အားလုံးကို ကြားနာတော်မူသည်ကို ကျွန်ုပ်တို့ စိတ်ချယုံကြည်နိုင်သည်၊ ကျွန်ုပ်တို့ စကားလုံးမရှိသော ဆုတောင်းချက်များကိုပင် ကြားနာတော်မူသည်။ ယေရှုသည် ခမည်းတော်၏ လက်ယာဘက်၌ ကျွန်ုပ်တို့အတွက် ကြားဝင်ဆုတောင်းပေးလျက်ရှိသည်ဟု ရောမ ၈:၃၄ (JBMLE) တွင် ဖော်ပြထားသည်။ ထိုမျှမက၊ ကျွန်ုပ်တို့၌ သန့်ရှင်းသောဝိညာဉ်တော်ရှိလျှင် (ခရစ်ယာန်အားလုံး၌ ရှိသည်)၊ ဝိညာဉ်တော်သည်လည်း ကျွန်ုပ်တို့အတွက် ကြားဝင်ဆုတောင်းပေးတော်မူပါသည်ဟု ရောမ ၈:၂၆ (JBMLE) တွင်ပြောထားပါသည်။

စကော့တလန် ဓမ္မပညာရှင်နှင့် စာရေးဆရာ P. T. Forsyth က "တစ်နေ့တွင် ကောင်းကင်ဘုံသို့ ကျွန်ုပ်တို့ ရောက်သောအခါ ဘုရားသခင်၏ ကြီးမြတ်သော ငြင်းပယ်မှုများသည် တစ်ခါတစ်ရံ ကျွန်ုပ်တို့၏ အမှန်ကန်ဆုံးသော ဆုတောင်းချက်များအတွက် စစ်မှန်သောအဖြေများဖြစ်ကြောင်း ကျေးဇူးတင်စွာ သိရှိရမည့် " ဟု ရေးသားခဲ့ပါသည်။

တစ်ယောက်တည်း မရင်ဆိုင်ပါနှင့်

ကောင်းကင်ဘုံ တိတ်ဆိတ်နေသည်ဟု တစ်ခါတစ်ရံ ခံစားရသူမှာ သင်တစ်ယောက်တည်း မဟုတ်ပါ။ ကျွန်ုပ်တို့တွေ့မြင်ခဲ့သည့်အတိုင်း၊ ယေရှုကိုယ်တိုင် ဤအရာကို တွေ့ကြုံခဲ့ရပါသည်။ ဤခံစားချက်နှင့်အတူ သင် တစ်ယောက်တည်း နေစရာမလိုပါ။ သင်၏အသိုင်းအဝိုင်းတွင် ဘုရားသခင်နှင့် ရင်းနီးသောသူများကို သင်သိကောင်းသိပေမည်။ အကူအညီတောင်းပါ။ ဘုရားသခင်နှင့် ဆက်သွယ်လိုသော သင်၏ဆန္ဒကို မျှဝေပါ။ သူတို့ကို သင့်အတွက် ဆုတောင်းပေးရန် သို့မဟုတ် သင် သူတို့ကို လုံလောက်စွာ ယုံကြည်ပါက အတူတကွ ဆုတောင်းရန် တောင်းဆိုနိုင်ပါသည်။ ကျွန်ုပ်တို့သည် ကျွန်ုပ်တို့၏ဆုတောင်းချက်များအတွက် ရှာဖွေနေသောအဖြေကို မတွေ့ကြုံရသည့်အခါ၌ပင်၊ ဘုရားသခင်သည် ကျွန်ုပ်တို့ကို ကြားနာတော် မူပါတယ်။ ယေရှုသည်လည်း သင်မည်သို့ခံစားရသည်ကို သိပြီး သူသည်လည်း သင်၏ဆုတောင်းချက်များကို ခမည်းတော်ထံသို့ ဆောင်ယူပေးပါတယ်။

ကောင်းကင်ဘုံ တိတ်ဆိတ်နေပုံရသည့် တိုင်အောင် ထိုအရာကို ယုံကြည်လိုက်ပါ။ အရှုံးမပေးပါနှင့်။