သခင်ယေရှု၏ ဘဝသက်တော်စဉ်

သခင်ယေရှု၏ခေတ်တွင် ယခုခေတ်ကဲ့သို့ မွေးကင်းစကလေး၏ ကိုယ်အလေးချိန်၊ အရပ်၊ နှင့် မွေးနေ့အတိအကျတို့ဖြင့် မွေးနေ့သတင်းကြေညာခြင်းမျိုး လုပ်ဆောင်ခဲ့ ခြင်း မရှိပါ။ ချည်ထည်အဝတ်များဖြင့် ပတရစ်ထားပြီး ချစ်စဖွယ်အရုပ်လေးကိုင်ထားသော ကလေးငယ် ယေရှုခရစ်၏ပုံကိုရိုက်ကူးကာ Instagram တွင် တင်ခြင်းမျိုး မရှိခဲ့ပါ။ သို့သော် သမ္မာကျမ်းစာ၏ ခရစ်ဝင်ကျမ်းများအားရေးသားသူများဖြစ်သော လုကာနှင့် မဿဲတို့သည် ကျမ်းစားထဲ၌ ကိုယ်တော်၏မွေးဖွားခြင်းနှင့်ပတ်သက်သော အသေးစိတ်အချက်အလက်များကို မှတ်တမ်းတင် ထည့်သွင်းရေးသားခဲ့ကြပါသည်။ ဤမှတ်တမ်းများကြောင့်၊ ဤကမ္ဘာမြေပေါ်သို့ သခင်ယေရှု ကြွရောက်လာခြင်း၏ အချိန်ကာလ ဘဝခရီးစဉ်ကို ကျွန်ုပ်တို့ ရေးဆွဲနိုင်ခဲ့ပါသည်။ ၎င်းသည် သာမန်ကလေးတစ်ယောက် မွေးဖွားခြင်းဇာတ်လမ်းတစ်ခုတော့ မဟုတ်ပါ။

ဟေရုဒ်မင်းသေဆုံးပြီးနောက် ယေရှုခရစ်တော်၏ မိသားစုသည် နာဇရက်မြို့တွင် နေထိုင်ရန် ဣသရေလပြည်သို့ ပြန်ခရီးသွားခဲ့ကြသည်။ ဤအချိန်ကာလ အပိုင်းခြားအတွင်း သခင်ယေရှု၏ ဘဝအကြောင်းကို ကျွန်ုပ်တို့ များများစားစားမသိရှိရပါ။ သခင်ယေရှု၏ကလေးဘဝအကြောင်း ပြောထားသော နောက်ထပ်တစ်ခုတည်းသောအရာမှာ “ယေ​ရှု​သည်​လည်း အ​စဉ်​အ​တိုင်း​ကြီး၍ ပ​ညာ​တိုး​ပွား​လျက်၊ ဘု​ရား​သ​ခင့်​ရှေ့၊ လူ​တို့​ရှေ့​မှာ မျက်​နှာ​ရ​တော်​မူ၏။” ဟူ၍ဖြစ်သည်။ ထို့အပြင် ကျွန်ုပ်တို့အား ဖော်ပြထားသော အထူးအဖြစ်အပျက်တစ်ခုရှိပါသည်။ ထိုသခင်ယေရှု၏ ငယ်ဘဝ အဖြစ်ပျက်ကို ဆက်လက်လေ့လာကြပါစို့။

အသက် ၃၀ ဝန်းကျင်တွင်၊ သခင်ယေရှု၏ဘဝခရီးစဉ်ကို သမ္မာကျမ်းစာထဲတွင် ပြန်လည်ဖော်ပြထာသည်။ အဘယ်ကြောင့်ဆိုသော် သခင်ယေရှု၏ ဘဝခရီးစဉ် အပြောင်းကို ဆယ်စုနှစ်အနည်းငယ်ကြာပြီးမှ စတင်ရေးသားခဲ့သောကြောင့်ဖြစ်သည်။ ဤအဖြစ်အပျက်များသည် အေဒီ ၂၆ နှင့် ၂၉ ကြားတွင် ဖြစ်ပွါးခဲ့ဖွယ်အရှိဆုံးဖြစ်ပါသည်။ အတိအကျနေ့စွဲများကို ကျွန်ုပ်တို့မသိသော်လည်း၊ ထိုကာလအပိုင်းခြားတွင် သခင်ယေရှုသည် ကျေးလက်ဒေသများနှင့် မြို့ပြများသို့ ခရီးလှည့်လည်မှု့ စတင်ပြုလုပ်ခဲ့ကြောင်း ကျွန်ုပ်တို့သိရှိခဲ့ရပါသည်။

သခင်ယေရှုသည် လူများစွာတွေ့ဆုံခဲ့ပြီး၊ ပုံဥပမာများပြောပြကာ၊ အံ့ဖွယ်သော နိမိတ် လက္ခဏာများကို ပြုလုပ်ခဲ့သည်။ ဤသခင်ယေရှု၏ဘဝခရီးစဉ်အတွင်း ကိုယ်တော်၏ခရီးစဉ်မှ အထူးခြားဆုံးအဖြစ်အပျက်များကို သင့်အား ပြသရန်ခေါ်ဆောင်သွားပါမည်။

 ဤယေရှုခရစ်တော်ပြန်လည် ပေါ်ထွက်လာခြင်းအား ကြာမြင့်စွာစောင့်မျှော်ခဲ့ရသော မေရှိယသခင် ကြွလာမည့်အကြောင်း နှစ်ခြင်းဆရာယောဟန် ကြွေးကြော်ခြင်းဖြင့် အဖြစ်ပျက်ဖြင့် စတင်ထားပါသည်။ သူသည် ဣသရေလလူမျိုးတို့အား နောင်တရရန် နှင့် နှစ်ခြင်းခံရန် ခေါ်ဖိတ်ခဲ့သည်။ ထို့နောက် သခင်ယေရှုကိုယ်တိုင် ယောဟန်ရှိရာ မြစ်ကမ်းနားသို့ ရောက်ရှိလာ ခဲ့သည်။

သမ္မာကျမ်းစာထဲတွင် ယေရုရှလင်မြို့၌ သခင်ယေရှု၏နောက်ဆုံးသောရက်သတ္တပတ်ကို အထူးအာရုံစိုက် ဖော်ပြထားပါသည်။ ၎င်းသည် ဂျူးလူမျိုးတို့၏ တစ်နှစ်တာ၏ အသန့်ရှင်းဆုံးနှင့် အရေးအကြီးဆုံးသော ရက်သတ္တပတ်နှင့် အတိတကျတိုက်ဆိုင် တူညီသွားခဲ့သည်။

ကိုယ်တော်၏ဘဝတစ်လျှောက်လုံးသည်ဤအချိန်မှတ်သို့ဦးတည်နေပုံရသောကြောင့်၊ကိုယ်တော်၏ဘဝခရီးစဉ်ကိုရေးသူတို့ကထိုအချိန်ကာလရှိအဖြစ်အပျက်များကိုနှေးကွေးစွာအသေးစိတ်ဖော်ပြထားကြပြီး၊ထိုအချိန်ကာလအပိုင်းခြားသည်အလွန်ပင်အရေးကြီးကြောင်းကျွန်ုပ်တို့အားသာ၍နားလည်စေပါသည်။

ဤအဖြစ်ပျက်သည် ယေရှု၏လက်ဝါးကပ်တိုင်ပေါ်က အသေခံခြင်း၌ အဆုံးမသတ်သွားပါ။ ကိုယ်တော်၏ အံ့ဖွယ်ရှင်ပြန်ထမြောက်ခြင်းသည်ပင် နောက်ဆုံးအခန်းမဟုတ်သေးပါ။ ဤမယုံနိုင်  စရာအဖြစ်ပျက်များသည် ယနေ့တိုင်အောင် ဆက်လက်တည်ရှိနေပြီး၊ ၎င်းကိုနားလည်ရန် ကျွန်ုပ်တို့ ဆက်လက်ဖတ်ရှုရန်လိုအပ်သည်။