ပတ္တနာတော်
ပတ္တနာတော် ဆုတောင်းသည် ဓမ္မသစ်ကျမ်းစာတွင် သခင်ယေရှု သင်ကြားပေးခဲ့သော ခရစ်ယာန်ဆုတောင်းနည်းတစ်ခု ဖြစ်ပါသည်။ သခင်ယေရှု ဤလောကတွင် အသက်ရှင်နေထိုင်ခဲ့စဉ်က သူ၌ တပည့်တော်များစွာရှိခဲ့ပြီး သူတို့သည် ကိုယ်တော်၏ အမှုတော်ခရီးစဉ်တွင် အတူလိုက်ပါခဲ့ကြပြီး၊ ကိုယ်တော်အား ဟေဗြဲဘာသာဖြင့် “ဆရာ”ဟု အဓိပ္ပာယ်ရသော “ရဗ္ဗိ”ဟုခေါ်ဝေါ်ခဲ့ကြသည်။
ကျမ်းစာမှတ်တမ်းများအရ တပည့်တော်များသည် သခင်ယေရှုထံမှ ဆုတောင်းခြင်းနှင့်ပတ်သက်၍ သင်ကြားမှုပေးရန် တောင်းဆိုခဲ့ခြင်းမှာ တစ်ကြိမ်သာရှိခဲ့သည်။တစ်နေ့တွင် သခင်ယေရှုသည် သူတို့နှင့် စကားပြောနေစဉ်၊ တပည့်တော်တို့က “အကျွန်ုပ်တို့အား ဆုတောင်းခြင်းအမှုကို သင်ပေးတော်မူပါ” ဟု တောင်းလျှောက်ခဲ့ကြသည်။ ထိုနောက်မှာတော့ ကျော်ကြားလှသော “ပတ္တနာတော်” ထွက်ပေါ်လာခဲ့သည်။ တပည့်တော်များသည် ကိုယ်တော်နှင့်အတူ သုံးနှစ်တာကာလပတ်လုံး အတူရှိနေခဲ့ရာ၊ ကိုယ်တော်သည် ကောင်းကင်ဘုံရှင်အဘနှင့် မည်သို့ပြောဆိုဆက်သွယ်သည်ကို မြင်တွေ့ခဲ့ပြီး၊ အခြားသောဆရာ “ရဗ္ဗိ” များ ဆုတောင်းပုံနှင့်မတူဘဲ ထူးခြားနေသည်ကို သတိထားမိခဲ့ကြသည်ဟု ယူဆရသည်။ ထို့ကြောင့် သခင်ယေရှုသည် နှစ်ပေါင်းထောင်ချီကြာသည့်တိုင် သန်းပေါင်းများစွာသောလူတို့ ရွတ်ဆိုဆုတောင်းခဲ့ကြပြီး ယနေ့ထက်တိုင် ဆက်လက်ရွတ်ဆိုနေကြသော ဤ ပတ္တာနာဆုတောင်းကို သင်ကြားပေးခဲ့ခြင်းဖြစ်သည်။
ပတ္တနာဆုတောင်း
ကောင်းကင်ဘုံ၌ရှိတော်မူသော အကျွန်ုပ်တို့အဘ၊ ကိုယ်တော်၏နာမတော်အား ရိုသေလေးမြတ်ခြင်း ရှိပါစေသော။
နိုင်ငံတော်တည်ထောင်ပါစေသော။
အလိုတော်သည် ကောင်းကင်ဘုံ၌ ပြည့်စုံသကဲ့သို့ မြေကြီးပေါ်မှာ ပြည့်စုံပါစေသော။
အသက်မွေးလောက်သောအစာကို အကျွန်ုပ်တို့အား ယနေ့ပေးသနားတော်မူပါ။
သူတစ်ပါးသည် အကျွန်ုပ်တို့ကို ပြစ်မှားသောအပြစ်များကို အကျွန်ုပ်တို့သည် လွှတ်သကဲ့သို့၊
အကျွန်ုပ်တို့၏အပြစ်များကို လွှတ်တော်မူပါ။
အပြစ်သွေးဆောင်ရာသို့ မလိုက်မပါစေဘဲ၊
မကောင်းသောအမှုအရာမှလည်း ကယ်နှုတ်တော်မူပါ။ အစိုးပိုင်သောအခွင့်နှင့်
ဘုန်းတန်ခိုးအာနှဘော်သည် ကမ္ဘာအဆက်ဆက် ကိုယ်တော်၌ရှိပါ၏။
အာမင်။
သမ္မာကျမ်းစာထဲမှ ပတ္တနာဆုတောင်း
ပတ္တနာဆုတောင်းသည် လူတို့ရေးသားခဲ့ခြင်းမဟုတ်ပဲ ကိုယ်တော်၏နောက်လိုက်များက ဘုရားသခင်၏သားတော်ဟု ယုံကြည်ကြသော သခင်ယေရှုကိုယ်တော်တိုင်က သူ၏တပည့်တော်များနှင့် မိတ်ဆွေများအား သင်ကြားပေးခဲ့သော ဆုတောင်းဖြစ်ပါသည်။ သင်ကိုယ်တိုင် သမ္မာကျမ်းစာတွင်းရှိ ရှင်မဿဲခရစ်ဝင်ကျမ်း အခန်းကြီး ၆ တွင် ဖတ်ရှုနိုင်ပါသည်။ ဆုတောင်းခြင်းနှင့်ပတ်သတ်ပြီး ဘုရားသခင်ပေးသနားတော်မူသော ဤလမ်းညွှန်ချက်ရရှိခြင်းသည် အလွန်ကောင်းမြတ်လှပါသည်။ သင်သည် ဆုတောင်းခြင်းနှင့် ရင်းနှီးခြင်းမရှိသေးသူဖြစ်ပြီး ဆုတောင်းဖို့ရန် မှန်ကန်သောစကားလုံးများကို ရှာဖွေရန် ခက်ခဲနေသည်ဟု ခံစားနေရပါက၊ သခင်ယေရှုကိုယ်တိုင် သင်ကြားပေးခဲ့သော ပတ္တဆုတောင်းဖြင် စတင်ဆုတောင်းခြင်းသည် အကောင်းဆုံးသောအစပြုခြင်း ဖြစ်ပါသည်။ ထိုဆုတောင်းချက်ကို အမြဲတမ်းအသုံးပြုနိုင်ပါသည်။ ခရစ်ယာန်ဖြစ်သည်မှာ ကြာပြီဖြစ်သောသူများပင်လျှင် ဤလှပပြီး တန်ခိုးပါသော ဆုတောင်းချက်ကို ယနေ့တိုင် အသုံးပြုနေကြဆဲဖြစ်ပါသည်။
သင့်ကိုယ်ပိုင် ဆုတောင်းချက်များဖြင့် ဆုတောင်းနိုင်ပါသလာ
ဆုတောင်းခြင်းဆိုသည်မှာ ဘုရားသခင်နှင့် စကာပြောဆက်ဆံနေခြင်းပင် ဖြစ်သည်။ သမ္မာကျမ်းစာထဲတွင် ယေရှုက ကျွန်ုပ်တို့သည် ကိုယ်တော်ကို မိမိအသက်သခင်နှင့် ကယ်တင်ပိုင်ရှင်အဖြစ် ယုံကြည်လက်ခံသောအခါ၊ ကျွန်ုပ်တို့သည် ဘုရားသခင်၏ သားသမီးများအဖြစ် သတ်မှတ်ခြင်းကိုခံရသည်ဟု ဖော်ပြထားပါသည်။ ဆိုလိုသည်မှာ ဆုတောင်းခြင်းသည် ကျွန်ုပ်တို့၏ချစ်ခြင်းမေတ္တာရှင်အဘနှင့် ကောင်းမွန်သောဆက်ဆံရေးရှိခြင်းကို ဆိုလိုပါသည်။ ထို့ကြောင့် သင်သည် ပတ္တဆုတောင်းဖြင့် ဆုတောင်းနိုင်သကဲ့သို့၊ သင့်နှလုံးသားထဲ၌ရှိသည့်အတိုင်း ဘုရားသခင်ထံ ဆုတောင်းနိုင်ပါသည်။ ပုံစံတကျ စည်းမျဉ်းစည်းကမ်းများအတိုင်း သို့မဟုတ် သတ်မှတ်ထားသော စကားလုံးများအတိုင်း ဖြစ်ရန်မလိုပဲ သင့်စိတ်ထဲ၌ ပေါ်လာသမျှအား အရှိကိုအရှိတိုင်း လွတ်လပ်စွာ ဆုတောင်းနိုင်ပါသည်။ ဘုရားသခင်သည် ကျွန်ုပ်တို့ကို ဂရုစိုက်တော်မူသောကြောင့် ကြီးသည်ဖြစ်စေ ငယ်သည်ဖြစ်စေ မည်သည့်အရာမဆို ကိုယ်တော်ထံ ဆုတောင်းနိုင်သည်ဟု သမ္မာကျမ်းစာက ကျွန်ုပ်တို့ကို ဖော်ပြထားပါသည်။
ပတ္တနာဆုတောင်းကို စိတ်ဝင်စားပေမဲ့ ဘယ်လိုစပြီး ဆုတောင်းရမလဲ မသိဘူးလား။
ရိုးသားမှု၊ ယုံကြည်မှု၊ နဲ့ စိတ်ချမှုအပြည့်နဲ့ ဘုရားသခင်ကို ရင်ဖွင့်စကားပြောဆိုနိုင်ရန် ကူညီပေးမည့် ရိုးရှင်းသော ဆုတောင်းခြင်းလမ်းညွှန်ဖြင့် နောက်တစ်ဆင့်ကို တက်လှမ်းလိုက်ပါ။